БУРКОВ ПЕШНИҲОД НАМУД, КИ АЛОҚАИ МУСТАҚИМИ ҲАВОӢ БА РОҲ МОНДА ШАВАД. Гардиши мол миёни Тоҷикистон ва вилояти Омски Россия аз рӯи натиҷаҳои соли 2022 ду баробар афзоиш меёбад
ДУШАНБЕ, 14.12.2022 /АМИТ «Ховар»/. Гардиши мол миёни Тоҷикистон ва вилояти Омск дар соли 2022 нисбат ба соли гузашта ду баробар афзоиш меёбад. Дар ин бора зимни мулоқоти муовини Сарвазири Тоҷикистон Усмоналӣ Усмонзода бо Губернатори вилояти Омски Россия Александр Бурков, ки 13 декабр дар Душанбе доир гардид, иттилоъ дода шуд.
Ҷонибҳо самтҳои асосии ҳамкории дуҷонибаро баррасӣ намуданд. Александр Бурков таъкид намуд, ки барои вилояти Омск дар тӯли чанд сол Тоҷикистон шарики муҳими тиҷоратӣ ба ҳисоб меравад. [Соли 2021] гардиши дуҷонибаи мол 4 млн долларро ташкил дод. Вале тибқи натиҷаҳои соли равон он то ҳадди ду маротиба зиёд гардид.
Тарафҳо нақша доранд, ки минбаъд низ ҳамкориро дар ин самт тақвият бахшанд. Корхонаҳои вилояти Омск, ки ба панҷгонаи минтақаҳои истеҳсолкунандаи панир ва маҳсулоти панирӣ, шири қиёмшуда дар Россия дохил мешавад, дар назар доранд, ки ҳаҷми содироти маводи ғизоиро зиёд кунанд. Тоҷикистон дар навбати худ омода аст тарҳҳои муштаракро дар бахшҳои металлургияи ранга ва сиёҳ, саноати хӯрокворӣ, мошинсозӣ ва сабук баррасӣ кунад.
Корхонаҳои саноати хӯроквории Омск омодаанд, ки ҳаҷми маводи ғизоиро зиёд ва намудҳои онро васеъ намоянд. Дар Тоҷикистон маҳсулоти қаннодӣ ва ордӣ, равғани рапси Омск пешниҳод карда мешаванд. Аз вилояти Омск инчунин имкон аст шири қиёмшуда, равғани маска, маҳсулоти панирӣ ва ҳасиб ворид карда шавад.
Шаҳлои САДРИДДИН,
АМИТ «Ховар»
АКС аз манбаъҳои боз
Соли 2025 ба Тоҷикистон беш аз 1 миллион тонна гандум ворид карда шуд
Дар ноҳияи Ҷайҳун кишти картошка идома дорад
Кишоварзони шаҳри Ҳисор ба хориҷи Тоҷикистон беш аз 14,5 ҳазор тонна маҳсулоти кишоварзӣ содирот намуданд
Дар Тоҷикистон шумораи корхонаҳои парандапарварӣ 10 адад зиёд гардид
Таҳкими ҳамкории Тоҷикистон дар сатми рушди соҳибкорӣ бо Амрико, Узбекистон ва Қирғизистон баррасӣ гардид
Дар Маркази миллии патенту иттилоот оид ба шарҳи Паёми Президенти Тоҷикистон ба Маҷлиси Олӣ ҳамоиш баргузор гардид
Дар Фурудгоҳи байналмилалии Душанбе терминали нав бунёд мегардад
НИШАСТИ МАТБУОТӢ. Дар Низоми ягонаи гардиши ҳуҷҷатҳои электронӣ беш аз 850 мақомоту ташкилоти давлатӣ фаъоланд
EKHIZMAT.TJ. Ин портали ягонаи хизматрасониҳои давлатӣ ба шаҳрвандон 83 номгӯй хизматрасонии давлатӣ пешниҳод менамояд
НИШАСТИ МАТБУОТӢ. Қонунвайронкунии зиддиинҳисорӣ ба маблағи 3,5 миллион сомонӣ ошкор карда шуд
Муовини Сарвазири Тоҷикистон бо вазъи корҳои саҳроӣ дар ноҳияи Бобоҷон Ғафуров шинос гардид
