Дар Душанбе нақшаи буҷети Кумитаи миллии олимпии Тоҷикистон барои соли 2023 баррасӣ гардид
ДУШАНБЕ, 29.12.2022 /АМИТ «Ховар»/. 28 декабр дар шаҳри Душанбе ҷаласаи навбатии кумитаи иҷроияи Кумитаи миллии олимпии Тоҷикистон баргузор шуд. Дар ҷаласа, ки таҳти раёсати ноиби Президенти Кумита Абдулло Раҳмонзода доир гашт, нақшаи кор ва нақшаи буҷети Кумита барои соли 2023 баррасӣ ва барои тасдиқ ба ҷаласаи Ассамблеяи генералӣ пешниҳод гардид, хабар медиҳад шореҳи варзиши АМИТ «Ховар» бо истинод ба Кумитаи миллии олимпии Тоҷикистон.
Зикр гардид, ки муҳимтарин чорабиниҳои соли 2023 Бозиҳои 19-уми Осиё дар Ҳангжоуи Чин (23 сентябр — 8 октябри соли 2023), Бозиҳои 6-уми Осиё дар иншооти пӯшида ва ҳунарҳои размӣ дар Тайланд (17-16 ноябри соли 2023), Бозиҳои 2-юми зимистонаи «Бачаҳои Осиё» дар Кузбасси Россия (23 феврал — 5 марти соли 2023) мебошанд, ки ҳайати дастаи мунтахаби олимпии Тоҷикистон дар ин онҳо ширкат менамояд.
Мавриди зикр аст, ки таҷлили Рӯзи байналмилалии олимпӣ, баргузории чорабиниҳои таблиғотӣ пеш аз Бозиҳои Осиё дар шаҳри Душанбе ва татбиқи барномаҳои ҳамбастагии олимпӣ ва Шӯрои олимпии Осиё аз вазифаҳои дигари Кумита дар соли 2023 мебошанд. Дар ҷаласа сохтор ва воҳидҳои кории Кумита низ баррасӣ гардида, қарорҳои дахлдор қабул гардиданд.
АКС: КМО Тоҷикистон
Тоҷикистонро дар Бозиҳои ҳамбастагии исломӣ 65 варзишгар намояндагӣ мекунанд
ҶОМИ ҶАҲОН-2025. Имрӯз дастаи наврасони Тоҷикистон (U-17) нахустин бозии худро мегузаронад
Дар Литсейи касбии политехникии шаҳри Душанбе майдончаи варзишии футбол ифтитоҳ гардид
Дар Кумитаи кор бо ҷавонон ва варзиш бо иштирокдорони шашумин Бозиҳои ҳамбастагии исломӣ-2025 вохӯрӣ доир гардид
«Истиқлол»-и шаҳри Душанбе барои бозӣ бо дастаи футболи «Ал-Завра»-и Ироқ ба шаҳри Бағдод сафар кард
Ҳайати мунтахаби наврасони Тоҷикистон (U-17) оид ба футбол барои Ҷоми ҷаҳон-2025 муайян гардид
Федератсияи футболи Тоҷикистон барои дарёфти дараҷаи тиллоии оинномаи футболи оммавии КФО дархост ирсол кард
ФУТБОЛ. Имрӯз дастаи «Регар-ТадАЗ» бо тими «Сафо»-и Лубнон бозӣ мекунад
Варзишгарони тоҷик дар Чемпионати Осиё оид ба гӯштини қазоқ кураш дар Қазоқистон соҳиби чор медал гардиданд
БОЗИҲОИ ОСИЁӢ. Шумораи медалҳои варзишгарони навраси тоҷик ба 19 адад расид
БОЗИҲОИ ОСИЁӢ. Шумораи медалҳои варзишгарони навраси тоҷик ба 15 адад расид
«Истиқлол» бар дастаи футболи «Равшан»-и шаҳри Кӯлоб дар бозии охири даври 20-уми Лигаи олии Тоҷикистон ғолиб омад
