Мактабҳои шаҳри Левакант бо тахтаҳои электронӣ таъмин мегарданд

ДУШАНБЕ, 22.12.2022. /АМИТ «Ховар»/. Бо мусоидати Мақомоти иҷроияи ҳокимияти давлатии шаҳри Левакант 10 адад тахтаҳои электронӣ ва видеопроекторҳо бо тариқи тендер харидорӣ гардида, ба муассисаҳои таълимии рақамҳои 1,2,4,6,7,8,11,13,14 ва Литсейи давлатии №1-и шаҳр тақсимот гардиданд, хабар доданд ба АМИТ «Ховар» дар Раёсати маорифи вилояти Хатлон.

Ҳамчунин аз ҷониби Вазорати маориф ва илми Ҷумҳурии Тоҷикистон 3 маҷмуъ тахтаҳои электронӣ ва 6 адад компютер тақдим гардид, ки онҳо ба муассисаҳои таълимии рақамҳои 5,10 ва 12 –и шаҳр дастрас шуданд.

Имрӯз аз ҷониби мутахассисони Маркази технологияи информатсионӣ ва коммуникатсияи назди бахши маорифи шаҳри Левакант 4 адади он дар муассисаҳои таълимии №1, 2, 8 ва 14 насб карда шуданд. Боқимондаҳои тахтаҳои электронӣ марҳила ба марҳила дар рӯзҳои минбаъда дар мактабҳои шаҳр насб карда мешаванд.

Мақомоти иҷроияи ҳокимияти давлатии шаҳри Левакант баҳри таъмин намудани дигар муассисаҳои таълимӣ бо тахтаҳои электронӣ ва компютер мусоидат хоҳад намуд.

АКС: Раёсати маорифи вилояти Хатлон