Муовини Сарвазири Тоҷикистон аз қисми низомӣ дар шаҳри Ҳисор дидан кард
ҲИСОР, 30.12.2022. /АМИТ «Ховар»/. Муовини Сарвазири Ҷумҳурии Тоҷикистон Матлубахон Сатториён дар доираи сафари корӣ ба шаҳри Ҳисор ҳамроҳ бо Раиси шаҳр Қосим Роҳбар аз қисми низомии Қувваҳои ҳарбӣ-ҳавоӣ ва мудофиаи зиддиҳавоии Вазорати мудофиа дидан намуд. Дар ин бора котиби матбуоти Раиси шаҳри Ҳисор Ҳидоятулло ХОЛЗОДА ба хабарнигори минтақавии АМИТ «Ховар» Субҳониддини МАҲМУД иттилоъ дод.
Баъд аз гузориши ҳарбии кумандони қисми низомӣ муовини Сарвазир бо сарбозону ҳайати шахсии қисми низомӣ мулоқот намуд.
Муовини Сарвазир утоқҳои кории афсарон, синфхонаҳои таълимии сарбозон, майдончаи тамрин, ошхонаву хобгоҳ ва дигар ҳуҷраҳои маишиву фароғатии қисми низомиро аз назар гузаронида, барои боз ҳам беҳтар намудани шароити тозагию беҳдоштӣ ва маишию фароғатӣ ба ҳайати шахсӣ ва масъулин тавсияву маслиҳатҳои судманд дод. Ҳамчунин ба захираи маводи хӯрокворӣ ва сӯзишворӣ дар анборҳои қисми низомӣ, сифати хӯрок ва таркиби он дар ошхона таваҷҷуҳ намуда, аз мушкилот дар ин самт пурсон шуд ва таъкид намуд, ки ба масъалаи захираи маводи озуқаворӣ эътибори ҷиддӣ диҳанд.
Ба муовини Сарвазир иттилоъ доданд, ки ба сарбозон се вақт хӯроки гарму серғизо пешниҳод мегардад. Ҳафтае як маротиба ҳаммоми гарм мегиранд ва барои шустушӯи сару либос ва лавозимоти рахти хобашон ҳуҷраи махсуси муҷаҳҳаз бо дастгоҳу таҷҳизоти муосир ва оби гарм фаъолият менамояд. Муовини Сарвазир аз нуқтаҳои мазкур дидан карда, масъулинро ба беҳтар намудани шароит дар онҳо даъват намуд.
Мақомоти иҷроияи ҳокимияти давлатии шаҳри Ҳисор ва прокуратураи шаҳр ба қисми низомӣ маводи хӯрокворӣ, аз қабили орду равған, картошкаву пиёз ва дигар анвои хӯрданӣ дастрас намуда, барои таҷлили пуршукӯҳи Соли нави мелодӣ дар ошхонаи қисми низомӣ, ки бо ташаббуси бахши кор бо ҷавонон ва варзиши шаҳр таъмир шудааст, дастархони идона оростанд. Ҳунармандони бахши фарҳанги шаҳр ба барномаи солинавии низомиён дастагули шеъру таронаро армуғон намуданд.
Афсарону сарбозон аз ғамхориҳои роҳбарияти олии мамлакат нисбат ба онҳо изҳори қаноатмандӣ карда, гуфтанд, ки мақомоти иҷроияи шаҳр ба шароити буду боши онҳо пайваста таваҷҷуҳ зоҳир карда, дар ҳар иду ҷашн ба табрикашон меоянд ва дастархон ороста, барномаҳои фарҳангӣ-фароғатӣ доир менамоянд.
АКС: Мақомоти иҷроияи ҳокимияти давлатии шаҳри Ҳисор
Ҷаласаи корӣ бо иштироки роҳбарони мақомоти марказии иҷроияи ҳокимияти давлатии Ҷумҳурии Тоҷикистон доир гардид
ПЕШГИРИИ СӮХТОР. Қоидаҳо бар зидди сӯхторро қатъиян бояд риоя намуд
Милитсияи пойтахт аз шаҳрвандон талаб намуд, ки аз фурӯшу паҳнсозӣ ва истифодаи маводи тарфгарӣ худдорӣ кунанд
Ба муносибати таъсиси Воҳидҳои таъйиноти махсуси милитсия дар вилоятҳои Суғд, Хатлон ва Бадахшон ҷамъомади тантанавӣ доир шуд
РӮЗИ ТАЪСИСИ ВОҲИДҲОИ ТАЪЙИНОТИ МАХСУСИ МИЛИТСИЯ. Кормандони ин ниҳод вазифаҳои душвору масъулиятнок бар зимма доранд
Дар Минск вохӯрии вазирони корҳои дохилии Тоҷикистон ва Беларус баргузор гардид
Изҳороти Маркази матбуоти Қӯшунҳои сарҳадии Кумитаи давлатии амнияти миллии Ҷумҳурии Тоҷикистон
«МУҚОВИМАТ БО КОРРУПСИЯ ДАР СОҲАИ ТИҶОРАТ». Дар Душанбе таҳти ин унвон форуми байналмилалӣ баргузор мешавад
Дар Душанбе оид ба усулҳои нави ҷамъоварии маълумот дар самти муқовимат ба савдои одамон ҷаласа доир шуд
Нақшаи даъвати тирамоҳии шаҳрвандони Тоҷикистон ба сафи Артиши миллӣ пурра иҷро гардид
Ҳайати Тоҷикистон дар конференсияи 26-уми байналмилалии раисони судҳои олии кишварҳои ҷаҳон иштирок намуд
ҚОИДАҲОИ БЕХАТАРӢ АЗ СӮХТОРРО РИОЯ НАМОЕД! Дар Тоҷикистон беш аз 900 ҳодисаи сӯхтор ба қайд гирифта шудааст
