«РАССОМИ НАВРАС». Дар Вазорати фарҳанги Тоҷикистон Озмуни истеъдодҳои наврас ҷамъбаст гардид
ДУШАНБЕ, 16.12.2022 /АМИТ «Ховар»/. 15 декабр дар Консерваторияи миллии Тоҷикистон ба номи Талабхўҷа Сатторов Озмуни истеъдодҳои наврас таҳти унвони «Рассоми наврас» ҷамъбаст гардид, ки аз миёни 322 эҷодкор 33 нафар соҳиби Диплом ва 12 кас ғолиби озмун дониста шуданд. Дар ин бора ба АМИТ «Ховар» дар Вазорати фарҳанг хабар доданд.
Дар озмуни имсола шумораи иштирокдорон беш аз 200 нафарро ташкил дод. Озмун дар ду давр- аз рӯи равияҳои санъати тасвирӣ ва ороишӣ-амалӣ дар мавзӯъҳои Истиқлолият, Тоҷикистон, Ватан, сулҳ, ваҳдат ва аз рӯи синни аз 7 то 18 дар се гурӯҳ: гурӯҳи хурдсол (аз 7 то 10- сола), гурӯҳи наврасон (аз 11 то 14-сола) ва гурӯҳи наврасон (аз 15 то 18-сола) баргузор гардид.
Дар маросими ҷамъбаст ва мукофотсупорӣ ба ғолибони озмун муовини Вазири фарҳанги Ҷумҳурии Тоҷикистон Манучеҳр Шарифзода, ҳайати ҳакамон ва устодон иштирок доштанд.
Бояд гуфт, ки Озмуни «Рассоми наврас» бо дастгирии Ҳукумати Ҷумҳурии Тоҷикистон ва Вазорати фарҳанги Ҷумҳурии Тоҷикистон бахшида ба 30-солагии Иҷлосияи 16-уми Шӯрои Олии Ҷумҳурии Тоҷикистон бо мақсади ҷалби ҷавонону наврасон дар соҳаи санъати тасвирӣ, ҳайкалтарошӣ, кандакорӣ, санъати ороишӣ-амалӣ (кулолгарӣ, заргарӣ), таблиғу ташвиқ ва дастгирии истеъдодҳои наврас, баланд бардоштани сатҳи зебоишиносии ҷавонон, омода намудани истеъдодҳои ҷавон ба озмуну фестивалҳои байналмилалӣ, ҳавасмандгардонии омӯзгорон, ҳарчи бештар ҷалб намудани онҳо ба санъати рассомӣ, дарёфт ва тарғиби асарҳои рассомони ҷавон, интихоби ҷавонони боистеъдод барои таҳсил дар муассисаҳои таълими миёна ва миёнаи касбии Вазорати фарҳанги Тоҷикистон ва дастгирии рушди соҳа гузаронида шуд.
АКС: Маркази матбуоти Вазорати фарҳанги Тоҷикистон
Бо ташаббуси Агентии ҳифзи мероси таърихию фарҳангӣ дар ноҳияи Ховалинг Рӯзи Ваҳдати миллӣ ҷашн гирифта шуд
Шоири халқии Тоҷикистон Камол Насрулло: «Ҳақиқат ин аст, ки Пешвои миллат ваҳдатро бунёд гузошту таҳким доду қавӣ сохт»
Дар Осорхонаи миллӣ гӯшаи доимоамалкунандаи «Ваҳдати миллӣ» ташкил гардидааст
Тамоми комёбиҳои миллат ва саодати рӯзгори мардум аз иттиҳоди миллӣ ибтидо мегирад
«ЭМОМАЛӢ РАҲМОН – МЕЪМОРИ СУЛҲУ ВАҲДАТ». Дар Вазорати фарҳанг ҳамоиши илмӣ доир гардид
Таҳти унвони «Қисса ва ҳикояҳо» китоби Абдурофеъ Рабизода нашр гардид
«ДАР МЕҲМОНИИ ДУШАНБЕ». Фестивали байналмилалии эҷодиёти бадеии кӯдакон ва наврасони ИДМ оғоз гардид
Дар Агентии ҳифзи мероси таърихию фарҳангӣ таҳти унвони «Ваҳдати миллат — бақои миллат!» ҳамоиш баргузор шуд
Дар ёдгории Ҳалқаҷари ноҳияи Хуросон бозёфти нодири таърихӣ — «обкӯзаи хонуми Сагкин» кашф гардид
«Душанбе — нусхае аз биҳишт». Таҳти ин унвон дар васфи пойтахти Тоҷикистон китоб ба нашр расид
Донишҷӯдухтарони Донишгоҳи давлатии Кӯлоб ба меҳмонони хориҷӣ либосҳои миллиро намоиш доданд
Дар Институти биологии Помир озмоишгоҳи биотехнологӣ ба истифода дода шуд
