Сироҷиддин Муҳриддин ва Ҳелга Шмид оид ба Дафтари барномаҳои САҲА дар Душанбе Ёддошти тафоҳум ба имзо расониданд

Декабрь 2, 2022 15:20

ДУШАНБЕ, 02.12.2022 /АМИТ «Ховар»/. Имрӯз, 2 декабр дар шаҳри Лодз дар ҳошияи иҷлосияи 29-уми Шӯрои вазирони Созмони амният ва ҳамкорӣ дар Аврупо (САҲА) Вазири корҳои хориҷии Ҷумҳурии Тоҷикистон Сироҷиддин Муҳриддин бо Дабири кулли САҲА Ҳелга Шмид вохӯрӣ намуд. Дар ин бора ба АМИТ «Ховар» дар Вазорати корҳои хориҷии Ҷумҳурии Тоҷикистон хабар доданд.

Зимни мулоқот масъалаҳои умдаи ҳамкорӣ миёни Тоҷикистон ва САҲА, аз ҷумла вазъ дар минтақа ва Афғонистон, мубориза бо терроризм, ҳамкорӣ дар масъалаҳои обу иқлим мавриди баррасӣ қарор гирифтанд.

Дар анҷоми мулоқот Ёддошти тафоҳум миёни Ҳукумати Ҷумҳурии Тоҷикистон ва САҲА оид ба Дафтари барномаҳои САҲА дар Душанбе ба имзо расид.

Тавре қаблан АМИТ «Ховар» хабар дод, 1 декабр Вазири корҳои хориҷии Ҷумҳурии Тоҷикистон Сироҷиддин Муҳриддин дар кори ҷаласаи 29-уми Шӯрои вазирони корҳои хориҷии кишварҳои ширкаткунандаи Созмони амният ва ҳамкорӣ дар Аврупо (САҲА), ки таҳти раёсати Лаҳистон дар шаҳри Лодз оғоз шудааст, ширкат ва суханронӣ намуд.

С.Муҳриддин мавқеи Ҳуқумати кишварро нисбат ба масъалаҳои умдаи ҳамкорӣ дар чаҳорчӯби се ченаки фаъолияти САҲА – низомӣ-сиёсӣ, иқтисодӣ-муҳитизистӣ ва инсонӣ ироа намуда, ба зарурати андешидани тадбирҳои муштарак ҷиҳати таҳкими амният дар паҳнои САҲА таъкид намуд.

Роҳбари ҳайати Тоҷикистон инчунин доир ба чолишҳои умдаи ҷаҳони муосир, аз қабили мубориза алайҳи терроризму ифротгароӣ, гардиши ғайриқонунии маводи мухаддиру аслиҳа ва мушкилиҳои марбут ба тағйирёбии иқлим изҳори назар кард.

Акс: ВКХ ҶТ

Декабрь 2, 2022 15:20

Хабарҳои дигари ин бахш

Дар Боку омодагӣ ба Конфронси байналмилалии сатҳи баланд оид ба ҳифзи пиряхҳо баррасӣ гардид
Ҳайати Қатар дар Конфронси байналмилалии ҳифзи пиряхҳо дар Душанбе иштирок менамояд
РАВАНДИ ОБИ ДУШАНБЕ. Масъалаи омодагӣ ба Конфронси оби СММ-2028 дар Тоҷикистон баррасӣ гардид
Тоҷикистон ва Кувайт дурнамои муносибатҳои дуҷонибаро баррасӣ намуданд
Сафири Тоҷикистон бо Ректори Донишгоҳи илмҳои гуманитарии ба номи Муҳаммад ибни Зойид мулоқот намуд
Намояндаи Тоҷикистон бо муовини Котиби генералии Иттиҳоди байналмилалии алоқа мулоқот намуд
Дар Душанбе татбиқи тавофуқот аз натиҷаи музокироти сатҳи олии Тоҷикистон ва Русия баррасӣ шуд
Байни вазоратҳои корҳои хориҷии Тоҷикистон ва Муғулистон машваратҳои сиёсӣ доир шуданд
Сарвазири Тоҷикистон Қоҳир Расулзода бо муовини аввали Президенти Эрон Алӣ Наҷафии Хушрудӣ мулоқот намуд
Намояндаи Тоҷикистон дар Созмони Милали Муттаҳид бо намояндаи олии ин созмон мулоқот намуд
Муносибатҳои дуҷонибаю бисёрҷонибаи Тоҷикистон ва Уммон баррасӣ шуданд
Ҳайати Тоҷикистон дар Нишасти сеюми вазирони корҳои хориҷии Муколамаи стратегии кишварҳои Осиёи Марказӣ иштирок намуд