СТАНИСЛАВ ЗАС СУХАНОНИ РУСТАМИ ЭМОМАЛИРО ДАСТГИРӢ КАРД. Созмони Аҳдномаи амнияти дастҷамъӣ таҳаддуди пайваста аз қаламрави Афғонистонро таъйид сохт

Декабрь 6, 2022 11:02

ДУШАНБЕ, 06.12.2022 /АМИТ «Ховар»/. Ҳифзи сарҳади Тоҷикистон ва Афғонистонро бояд таҳким бахшид, гуфтанд Раиси Маҷлиси миллии Маҷлиси Олии Ҷумҳурии Тоҷикистон Рустами Эмомалӣ. Дар ин хусус сарвари палатаи болоии Парлумони ҶТ дар ҷараёни ҷаласаи якҷояи XV Ассамблеяи парлумонии Созмони Аҳдномаи амнияти дастҷамъӣ (АП СААД), ки рӯзи душанбе, 5 декабр дар Маскав доир гардид, изҳори назар намуданд, иттилоъ доданд ба АМИТ «Ховар» дар хадамоти матбуоти АП СААД.

Рустами Эмомалӣ аз вазъи кунунӣ дар кишвари ҳамсояи Афғонистон изҳори нигаронӣ намуданд.

«Ба ҳолати имрӯза он (вазъият дар Афғонистон – Тавз. АМИТ «Ховар») нишондиҳандаи як таҳдиди воқеӣ ва мӯҳтамал ба манофеи амнияти дастаҷамъона мебошад. Дар чунин вазъият кишварҳои мо бояд ҷиҳати таъмин ва таҳкими сарҳадоти ҷанубии СААД ва ба ҳадди ақал расонидани таҳдиди хатар тадбирҳои фаврӣ андешанд», — иброз доштанд Рустами Эмомалӣ.

Раиси Маҷлиси миллии Маҷлиси Олӣ ба афзоиши таҳдидҳо дар ҳоли ҳозир аз қаламрави Афғонистон, амсоли терроризм, ифротгароӣ, ҷиноятҳои созмонёфтаи фаромиллӣ, аз ҷумла қочоқи маводи мухаддир таъкид намуданд.

Суханони Рустами Эмомалӣ роҷеъ ба он, ки терроризм ва қочоқи маводи мухаддир аз таҳдидҳои асосӣ аз қаламрави Афғонистон ба шумор мераванд, аз ҷониби Муншии умумии СААД Станислав Зас пуштибонӣ ёфтанд.

«Дар минтақаи Осиёи Марказӣ воқеан ҳам чолишҳо ва таҳдидҳои ношӣ аз қаламрави Афғонистон нигаронкунандаанд. Ин, қабл аз ҳама, хавфи зиёди терроризм ва қочоқи маводи мухаддир мебошад», — изҳор намуд Зас зимни суханронии худ дар ин ҷаласа.

Бино ба суханони ӯ, «дар чунин шароит расонидани кумак ба Тоҷикистон ҷиҳати мустаҳкам сохтани сарҳадоташ бо Афғонистон масъалаи муҳими рӯз боқӣ мемонад».

Станислав Зас бар илова зикр намуд, ки дар ҷаласаи қарибулвуқӯи Гурӯҳи кории назди Шӯрои вазирони корҳои хориҷии СААД оид ба Афғонистон, ки баргузории он 8 декабри ҳамин сол дар назар дошта шудааст, бояд перомуни ин масъала табодули амиқи дидгоҳҳо сурат бигирад.

АКС: АМИТ «Ховар»

Декабрь 6, 2022 11:02

Хабарҳои дигари ин бахш

Гӯштини тоҷикӣ мақоми байналмилалӣ гирифт
ЭҲЁИ ҶАШНИ САДА ДАР ТОҶИКИСТОНИ СОҲИБИСТИҚЛОЛ. Мулоҳизаҳои мушовири бахши Ёрдамчии Президенти Ҷумҳурии Тоҷикистон оид ба масъалаҳои рушди иҷтимоӣ ва робита бо ҷомеа Масрур Абдуллозода
ТАВОНО БУВАД, ҲАР КӢ ДОНО БУВАД (андешаҳо перомуни Паёми Президенти Ҷумҳурии Тоҷикистон ба Маҷлиси Олии Ҷумҳурии Тоҷикистон)
ОБШАВИИ ПИРЯХҲО-МУШКИЛИ ҶАҲОНӢ. Пешниҳодҳо ва саҳми дурахшони Президенти Тоҷикистон дар масъалаи пешгирии маҳви пиряхҳои сайёра назаррас аст
ПАЁМ НАВИДЕ ФАРАҲБАХШ. Бардоштҳои мушовири бахши Ёрдамчии Президенти Ҷумҳурии Тоҷикистон оид ба масъалаҳои рушди иҷтимоӣ ва робита бо ҷомеа Муҳиддин Пайшанбезода дар ин бора
SIM-КОРТҲОЯТОНРО ДАР ВАҚТАШ АЗ ҚАЙД ГУЗАРОНЕД! Хабарнигори АМИТ «Ховар» бори дигар ба таваҷҷуҳ мерасонад, ки барои ин кор кадом ҳуҷҷатҳо заруранд
ЭҲТИЁТ: САКТАИ ДИЛ АЗ САРДӢ! Табиби қалб ба АМИТ «Ховар» доир ба сабабҳои авҷ гирифтани бемориҳои дилу рагҳо дар фасли зимистон маълумот дод
БИШКЕК ДАР САДРИ РӮЙХАТИ 100 ШАҲРИ ДОРОИ ҲАВОИ ОЛУДА ҚАРОР ГИРИФТ. Миёни чанд шаҳри ИДМ, ки ба ин феҳрист шомил шудаанд, ягон шаҳри Тоҷикистон нест
АМАЛИ ХАЙР ВА ИБРАТОМӮЗ! Дар Мастчоҳ ба беш аз 200 нафар кормандони идораи роҳ ва хоҷагии манзилию коммуналӣ, ки дар паи рафъи пайомадҳои бориши барф буданд, хӯроки гарм дода шуд
Дар Тоҷикистон нархи гази моеъ тақрибан 50% поён рафт
БА БИНОҲО НАЗДИК НАШАВЕД! КҲФ ва МГ аз сокинон даъват ба амал овард, ки чораҳои бехатариро риоя намоянд
ПАЁМИ ФАРОГИР ВА ДУРНАМОИ РУШДИ КИШВАР БО ТАШАББУСҲОИ ҶАҲОНӢ. Мулоҳизаҳои Президенти Академияи миллии илмҳои Тоҷикистон дар ҳошияи Паёми Сарвари давлат