Варзишгари тоҷик Муҳаммадалӣ Мирзоев дар Чемпионати Осиё оид ба пауэрлифтинг сазовори медали тилло шуд
ДУШАНБЕ, 09.12.2022 /АМИТ «Ховар»/. Варзишгари тоҷик ва Устоди варзиши Ҷумҳурии Тоҷикистон Муҳаммадалӣ Мирзоев дар Чемпионати Осиё оид ба пауэрлифтинг (вазнбардории секарата) дар вазни 120 кг соҳиби медали тилло гардид ва бо бардоштани 194,5 кг вазн (хобида) дар қораи Осиё рекорд гузошт. Дар ин бора Муҳаммадалӣ Мирзоев ба шореҳи варзиши АМИТ «Ховар» Меҳрони Қурбон хабар дод.
Дар ин мусобиқаи сатҳи баланд, ки аз 1 то 7 декабр дар шаҳри Дубайи Амороти Мутаҳидаи Араб баргузор шуд, ӯ миёни варзишгарони 29 кишвари Осиё сазовори ҷойи аввал шуд.
Ёдовар мешавем, ки Муҳаммадалӣ Мирзоев дар намуди пауэрлифтинг Устоди варзиши Тоҷикистон, чемпиони чандинкаратаи ҷумҳурӣ, чемпиони мутлақи ҷумҳурӣ, аввалин чемпиони Осиё оид ба Федератсияи байналмилалии пауэрлифтинг (IPF) дар Тоҷикистон байни наврасон ба ҳисоб меравад.
Мавриди зикр аст, ки Муҳаммадалӣ Мирзоеви 23-сола дар Чемпионати ҷаҳон миёни калонсолон, ҷавонон ва наврасон, ки 21-29 майи соли равон дар шаҳри Алмато баргузор шуд, байни варзишгарони беш аз 30 кишвари ҷаҳон дар вазни 105 кг сазовори медали нуқра гардида буд.
АКС аз манбаъҳои боз
Дар шаҳри Душанбе мусобиқаи «Дави дӯстӣ» баргузор гардид
Дастаи мунтахаби Тоҷикистон оид ба футбол дар раддабандии нави ФИФА мавқеашро беҳтар намуд
ЛИГАИ ОЛИИ ТОҶИКИСТОН. «Панҷшер» дар сафар дастаи футболи «Регар-ТадАЗ»-и шаҳри Турсунзодаро мағлуб намуд
ФУТБОЛ. Доварони Тоҷикистон бозиҳои дӯстонаи дастаҳои мунтахаби занонаи Русия ва Озарбойҷонро доварӣ мекунанд
9 варзишгари Тоҷикистон дар Чемпионати Осиё оид ба бокс иштирок мекунанд
Дастаи «Истиқлол»-и шаҳри Душанбе маротибаи 13-ум ғолиби Лигаи олии Тоҷикистон гардид
Баъди бозӣ бо «Эсхата» ба дастаи «Истиқлол»-и шаҳри Душанбе Ҷоми чемпиони Тоҷикистон супорида мешавад
4 варзишгари Тоҷикистон дар мусобиқаи Tokyo Grand Slam 2024 оид ба гӯштини ҷудо иштирок менамояд
Дар бозии дастаҳои футболи «Истиқлол» ва «Регар-ТадАЗ» ғолиб муайян нашуд
ЛИГАИ ОЛИИ ТОҶИКИСТОН. «Равшан» дастаи футболи «Хуҷанд»-ро мағлуб намуд
Дастаи мунтахаби Тоҷикистон дар бозии дӯстона бар тими Афғонистон пирӯз шуд
Асламҷон Азизов дар мусобиқаи байналмилалӣ дар Ямали Русия соҳиби медали тилло шуд
