ДАР ТОҶИКИСТОН БОРИ АВВАЛ ШАШГОНИК БА ДУНЁ ОМАД. Мутаассифона, бинобар таваллуди бармаҳал ва вазни нокифоя кӯдакони навзод натавонистанд зинда бимонанд
ДУШАНБЕ, 12.01.2023 /АМИТ «Ховар»/. 11 январ дар Таваллудхонаи вилоятии шаҳри Хуҷанд сокини 26-солаи ҷамоати Овчиқалъачаи ноҳияи Бобоҷон Ғафуров Муборак Соҳибова шашгоник таввалуд намуд. Аммо бинобар сабаби бармаҳал таваллуд шуданашон ду писару чор духтари навзод субҳи 12 январ фавтиданд, иттилоъ доданд ба хабарнигори АМИТ «Ховар» дар таваллудхонаи зикршуда.
Сардухтури Таваллудхонаи вилоятии шаҳри Хуҷанд Нурӣ Додобоева 12-уми январ ба хабарнигори АМИТ «Ховар» чунин гуфт: «Шароит ва маводу дору барои кудакон муҳайё буд. Азбаски норасид буданд, мутаассифона, фавтиданд».
ДАР АКС: Сардухтури Таваллудхонаи Хуҷанд Нурӣ Додобоева
Ба гуфтаи сардухтур, тифлони шашгоник шашмоҳа ба дунё омада, вазнашон аз 550 то 700 граммро ташкил медод, ҳол он ки ин рақамҳо, тибқи меъёрҳои Ташкилоти умумиҷаҳонии тандурустӣ бояд ба 2,8-4,0 кг баробар бошанд. Айни замон вазъи саломатии модари ин тифлакони ғӯррамарг хуб аст ва ӯ феълан дар таваллудхона қарор дошта, як муддат зери назорати табибон боқӣ хоҳад монд. Муборак Соҳибова ду фарзанди дигар ҳам доштааст.
ҶАДВАЛИ
вазни кӯдакони навзод тибқи меъёрҳо ва тавсияҳои Ташкилоти умумиҷаҳонии тандурустӣ
| Меъёр | Духтарон | Писарон | ||
| Сиину сол | Вазн, кг | Қад, см | Вазн, кг | Қад, см |
| Навзод | 2,8 – 3,8 | 48 – 51 | 3,0 – 4,0 | 48 – 52 |
| Моҳи 1 | 3,5 – 4,6 | 51 – 56 | 3,6 – 5,0 | 52 – 57 |
| Моҳи 2 | 4,3 – 5,5 | 55 – 59 | 4,5 – 6,0 | 55 – 60 |
| Моҳи 3 | 5,3 – 6,4 | 58 – 62 | 5,5 – 6,9 | 59 – 64 |
| Моҳи 4 | 5,8 – 7,1 | 60 – 65 | 6,1 – 7,7 | 61 – 66 |
| Моҳи 5 | 6,2 – 8,0 | 62 – 67 | 7,0 – 8,4 | 65 – 69 |
| Моҳи 6 | 7,0 – 8,8 | 64 – 69 | 7,9 – 8,95 | 66 – 70 |
| Моҳи 7 | 7,2 – 9,1 | 65 – 70 | 7,8 – 10,05 | 67 – 72 |
| Моҳи 8 | 7,2 – 9,4 | 68 — 72 | 8,2 – 10,4 | 69 — 73 |
| Моҳи 9 | 8,1 – 10,8 | 68 – 73 | 8,7 – 11,05 | 70 – 76 |
| Моҳи10 | 8,2 – 10,8 | 69 – 75 | 9,2 – 11,5 | 71 – 77 |
| Моҳи11 | 8,9 – 11,0 | 71 – 76 | 9,3 – 11,5 | 72 — 77 |
| Моҳи 12 | 9,0 – 11,3 | 72 — 77 | 9,4 – 11,9 | 73 — 79 |
Омили бармаҳал таваллуд шудани тифлро табибон гуногун рабт медиҳанд. Аз ҷумла, тағйирот дар бачадон, гарданаки бачадон ё платсента (шикастани платсента, пешгузарандаи платсента), машқи ҷисмонии барзиёд, истемолӣ доруҳо бе тавсияи тибиб, суст будани мушакҳои бачадон, ба бемориҳои сироятӣ гирифтор шудани модар ҳангоми дар батн будани тифл ва ғайра сабаб шуда метавонанд.
Бояд гуфт, ки дар Тоҷикистон ин нахустин ҳолати таваллуди шашгоник буд. Шаби Соли нав, 31 декабри соли 2020, сокини деҳаи Бобоҷон Ғафурови ноҳияи Қубодиёни вилояти Хатлон Дилноза Мамадова панҷгоник таваллуд намуда буд.
Тавре АМИТ «Ховар» хабар дода буд, 23 июли соли 2022 дар таваллудхонаи рақами 2-и шаҳри Душанбе сокини 10-миллионаи Тоҷикистон таваллуд гардид.
Мувофиқи маълумоти Вазорати тандурустӣ ва ҳифзи иҷтимоии аҳолии Ҷумҳурии Тоҷикистон ва Агентии омори назди Президенти Ҷумҳурии Тоҷикистон, сокинони ноҳияи Шоҳмансури шаҳри Душанбе Фаридун Баротов ва Махфират Шокирова волидони ин сокини 10-миллионаи кишвар мебошанд.
Вазири адлияи Ҷумҳурии Тоҷикистон Музаффар Ашӯриён 15 июли соли 2022 зимни нишасти матбуотӣ иттилоъ дод, ки дар шаш моҳи соли равон дар Тоҷикистон 111,5 ҳазор кӯдак таваллуд шудааст, ки ин нисбат ба ҳамин давраи соли гузашта 6 фоиз зиёд мебошад.
Ба гуфти мавсуф, дар давраи ҳисоботӣ 16,3 ҳазор нафар фавтидааст, ки нисбат ба ҳамин давраи соли гузашта 5 фоиз кам аст.
Дар 30 соли охир шумораи аҳолии Тоҷикистон аз 5,5 миллион нафар ба зиёда аз 10 миллион нафар расидааст, яъне қариб ду баробар баробар афзудааст.
Фирӯза ДАВЛАТЗОДА,
АМИТ «Ховар»
АКС аз манбаъҳои боз
ҲИЗБИ ХАЛҚИИ ДЕМОКРАТИИ ТОҶИКИСТОН – ҲИЗБИ ВАҲДАТОФАР. Андешаҳои вакилони Маҷлиси намояндагон оид ба таъсиси ҳизб
5 ДЕКАБР-РӮЗИ БАЙНАЛМИЛАЛИИ ВОЛОНТЁРОН. Бахшида ба ин рӯз дар Душанбе ҳамоиш доир гардид
Дар мавзуи «Эъломияи Куруши Кабир – аввалин Эъломияи ҳуқуқи инсон дар ҷаҳон» конфронс доир шуд
Намояндаи Тоҷикистон дар Форуми рушди малакаҳои касбӣ ва маориф дар Филиппин иштирок намуд
«ЗАН ВА ЗАМОН: 26 СОЛИ МУЗАФФАРИЯТ». Дар Душанбе таҳти ин унвон ҳамоиши сиёсию фарҳангӣ доир шуд
Конференсияи илмӣ-амалӣ ба нақши ҳизбҳои сиёсӣ дар баланд бардоштани ҳувияти миллӣ ва амнияти давлат бахшида шуд
Соҳибкорзанони Тоҷикистон лоиҳаҳои худро дар намоишгоҳи «WomenCup–2025» муаррифӣ намуданд
Масъалаи таҳкими ҳамкории илмӣ байни Тоҷикистон ва Барномаи минтақавии Осиёи Марказӣ баррасӣ гардид
Кабк дар Тоҷикистон «Парандаи соли – 2026» интихоб гардид
Агентии «Тоҷикстандарт»: «Сарфаҷӯӣ ва самаранок истифода бурдани неруи барқ масъулияти ҳар як истеъмолкунанда аст»!
Доир ба афзалияти татбиқи манфиатҳои муҳими Тоҷикистон дар Осиёи Марказӣ ҳамоиш баргузор шуд
Дар Хатлон қариб 2 тонна маводи тиббӣ ва дорувории муҳлати истифодааш гузашта нобуд карда шуд
