МАҲДУДИЯТ ДАР ТАЪМИНИ БАРҚ АЗ БАЙН БАРДОШТА ШУД. Дар ин бора ба АМИТ «Ховар» дар ШСХК «Барқи Тоҷик» хабар доданд
ДУШАНБЕ, 12.01.2023. /АМИТ «Ховар»/. Ширкати саҳҳомии холдинги кушодаи (ШСХК) «Барқи Тоҷик» дар асоси дастури Ҳукумати Ҷумҳурии Тоҷикистон, бо истифода аз тамоми захираву имкониятҳо тасмим гирифтааст, ки таъминоти мунтазами неруи барқро дар сар то сари кишвар пурра ба роҳ монад. Дар ин бора имрӯз ба АМИТ «Ховар» дар маркази матбуоти ширкати мазкур хабар доданд.
Рӯзҳои охир ва якчанд рӯзи дигар дар қаламрави ҷумҳурӣ боришоти зиёди барф ва ҳарорати аз нишондиҳандаи миёнаи иқлимӣ хеле паст пешгӯӣ шудааст. Дар чунин рӯзҳо, ки вазъи ҳаво пешгӯишаванда мебошад, дар фаъолияти хоҷагии комуналии шаҳру ноҳияҳо ва зиндагии рӯзмарраи аҳолӣ пеш омадани мушкилиҳо аз эҳтимол дур нест ва талабот низ дар истифодаи неруи барқ бениҳоят зиёд мегардад.
Новобаста ба ин, бо мақсади бе мушкилӣ гузаронидани рӯзҳои сарди фасли зимистон бо дастури Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон аз 11-уми январи соли равон дар мамлакат маҳдудият дар таъмини неруи барқ аз байн бардошта шуд. Ширкати саҳҳомию холдингии кушодаи “Барқи тоҷик” вазифадор гардидааст, ки бо истифода аз тамоми захираву имконият неруи барқро дар тамоми қаламрави мамлакат бе маҳдуддият таъмин намояд.
Иттилоъ дода шуд, ки то ин вақт бо сабаби норасоии мавсимии захираҳои обу энергетикӣ, ки аз рӯи ҳисоби мутахассисони мо дар давраи тирамоҳу зимистон ба қадри зиёда аз 1 милиард квт. соат пешгӯӣ шудааст, таъмини барқ дар баъзе минтақаҳои мамлакат танҳо шабона аз соати 22:00 то 05:00 маҳдуд карда мешуд.
Интиқоли бемаҳдудияти неруи барқ бо назардошти афзоиши талабот дар рӯзҳои сард аз як ҷониб боиси хароҷоти иловагии оби обанбори НБО «Норак» гашта, аз тарафи дигар дар ҳолати риоя нагардидани тадбирҳои сарфаҷӯии неруи барқ ба сербории шабакаҳои барқӣ, тарансформаторҳо ва садамаҳо дар системаи энергетикаи ҷумҳурӣ оварда мерасонад.
Аз ин лиҳоз Ширкати «Барқи Тоҷик» аз муштариёни неруи барқ дар мамлакат хоҳиш намудааст, то ки ҷавобан ба ин ғамхориҳои Ҳукумати мамлакат неруи барқро сарфакорона ва мақсаднок истифода намоянд.
«Маҳз истифодаи сарфакоронаи неруи барқ аз тарафи ҳар як муштарӣ имкон медиҳад, ки таъминоти тамоми соҳаҳои мамлакат ва аҳолӣ бо неруи барқ беҳтар гардад», — тазаккур додааст манбаъ.
АКС: АМИТ «Ховар»
Кэтрин Рассел, директори иҷроияи ЮНИСЕФ: «Мо мехоҳем, ки садои кӯдакон ва ҷавонон дар сиёсати иқлимӣ шунида шавад»
Ясмин Сиддиқӣ: «Обшавии пиряхҳо танҳо як мушкили муҳити зист нест, ин буҳрони об, ғизо ва рӯзгор аст»
Қоҳир Расулзода Конфронси байналмилалии сатҳи баланд оид ба ҳифзи пиряхҳоро натиҷагирӣ намуд
Шамс Аббосӣ: «Таҳти роҳбарии Эмомалӣ Раҳмон мардуми тоҷик дар самти мубориза бо тағйирёбии иқлим ва пешбурди донишҳои экологӣ қадамҳои бузург мегузоранд»
Султон Ҷамшед: «ВАО-и Тоҷикистон дар инъикоси кори конфронси сатҳи баланд муваффақ буд»
КОНФРОНСИ БАЙНАЛМИЛАЛИИ САТҲИ БАЛАНД ОИД БА ҲИФЗИ ПИРЯХҲО. Дар Душанбе масоили кунунии мониторинги пиряхҳо дар Осиёи Марказӣ баррасӣ шуд
Кристин Мишел: «Дар масъалаи тағйирёбии иқлим ва ҳифзи пиряхҳо давлатҳои ҷаҳон бояд муттаҳид бошанд»
Лидия Брито: «ЮНЕСКО Эъломияи Душанбе оид ба ҳифзи пиряхҳоро дастгирӣ намуда, ҳамеша дар паҳлуи ҷомеаи ҷаҳонӣ қарор мегирад»
ДУШАНБЕ-МАРКАЗИ ҚАБУЛИ ҚАРОРҲОИ МУҲИМИ БАЙНАЛМИЛАЛӢ. Дар ҳошияи Конфронси байналмилалии сатҳи баланд оид ба ҳифзи пиряхҳо
Дар Душанбе хатари офатҳои табиии марбут ба пиряхҳоро баррасӣ намуданд
Дар доираи Конфронси байналмилалии сатҳи баланд оид ба ҳифзи пиряхҳо масоили об ва иқлим баррасӣ гардид
