ОГОҲИИ АГЕНТИИ ОБУҲАВОШИНОСӢ. Аз 10 то 14 январ дар бештари манотиқи Тоҷикистон пастшавии ҳарорат то 20 дараҷа пешгӯӣ мешавад
ДУШАНБЕ, 10.01.2023 /АМИТ «Ховар»/. Аз 10 то 14 январ бо сабаби воридшавии анбӯҳи ҳавои сарди арктикӣ аз самти минтақаҳои шимолию аврупогии Федератсияи Россия ва Сибири Ғарбӣ дар бештари манотиқи кишвар пастшавии ҳарорат то 15-20 дараҷа пешгӯӣ мешавад, иттилоъ доданд ба АМИТ «Ховар» дар Агентии обуҳавошиносии Тоҷикистон.
Инчунин 11-14 январ дар бештари ноҳияҳои водӣ-доманакӯҳии ҷумҳурӣ ҳарорат шабона аз 8 то 19 дараҷа хунук, рӯзона аз 7 то 12 дараҷа хунук, дар ноҳияҳои кӯҳӣ шабона аз 11 то 24 дараҷа хунук, рӯзона аз 5 то 17 дараҷа хунук дар назар аст.
Ҳангоми софшавии ҳаво 14-16 январ дар ноҳияҳои баландкӯҳӣ ҳарорати ҳаво паст шуда, шабона то 37 дараҷа хунук, дар мавзеи Булункӯл то 50 дараҷа сард мешавад.
10 январ ва шаби 11 январ боришоти бошиддат дар намуди барф дар бештари ноҳияҳои ҷумҳурӣ пешгӯӣ шуда, дар қисми зиёди ноҳияҳои водӣ-доманакӯҳӣ ва ағбаҳо фаромадани тормеғ (дурии биниш камтар аз 50 метр) дар назар буда, дар шоҳроҳҳои кӯҳии ҷумҳурӣ пайдоиши қабати барф ва яхбандӣ пешгӯӣ мешавад. Инчунин дар ин рӯзҳо дар ноҳияҳои алоҳидаи вилоятҳои Суғд, Хатлон ва ноҳияҳои тобеи ҷумҳурӣ шиддатёбии вазиши шамол бо суръати то 17-22 метр дар як сония аз эҳтимол дур нест.
10 январ ва 12 январ дар нишебиҳои ҷанубӣ ва шимолии қаторкӯҳҳои Ҳисор, минтақаҳои кӯҳии ноҳияҳои тобеи ҷумҳурӣ ва дар баъзе ноҳияҳои ғарбии Вилояти Мухтори Кӯҳистони Бадахшон сар задани зуҳуроти тарма дар назар аст.
Тибқи пешгӯии обуҳавошиносон, моҳи январи соли 2023 дар қисми зиёди қаламрави ҷумҳурӣ ҳарорати миёнаи моҳонаи ҳаво дар ҳудуди меъёри иқлимӣ, дар баъзе ноҳияҳо аз меъёри иқлимӣ то 1-2 дараҷа баландтар дар назар дошта шудааст.
Нисбат ба соли гузашта моҳи январи имсол 1-2 дараҷа хунуктар дар назар аст (соли 2022 дар қисми зиёди ҷумҳурӣ ҳарорати миёнаи моҳонаи ҳаво аз меъёри муқаррарӣ аз 2 дараҷа то 4 дараҷа гарм буд).
Дар даҳрӯзаи сеюми ин моҳ асосан ҳавои тағйирёбанда, дар рӯзҳои алоҳида ҳавои абрнок пешгӯӣ шуда, боришоти дорои хусусияти гуногун (боришоти суст то мӯътадил) дар назар дошта шудааст.
АКС аз манбаъҳои боз
Маҷлиси Кумитаи иҷроияи Ҳизби Халқии Демократии Тоҷикистон дар шаҳри Душанбе баргузор гардид
НИШАСТИ МАТБУОТӢ. Маркази тадқиқоти стратегӣ бо 26 маркази тадқиқотии хориҷӣ созишномаҳо ба имзо расонид
НИШАСТИ МАТБУОТӢ. Зиёда аз 57 миллион сомонӣ маблағ ба манфиати модару кӯдак ситонида шудааст
Дар Тоҷикистон содиршавии ҷиноят нисбат ба кӯдакон 30 фоиз зиёд шудааст
НИШАСТИ МАТБУОТӢ. Ваколатдор оид ба ҳуқуқи инсон дар Тоҷикистон бо мақомоти ваколатдори Қатар ва Булғористон Ёддошти тафоҳум ба имзо мерасонад
Дар истироҳатгоҳи «Ширкент» 1783 нафар кӯдакону наврасон ба истироҳати бофароғат фаро гирифта шуданд
Маблағи грантҳои президентӣ вобаста ба арзиши лоиҳаҳои пешниҳодшуда ҷудо мегардад
Ҷарроҳони чинӣ наврасонеро, ки бемории нуқсони модарзодии дил доранд, ройгон ташхис менамоянд
НИШАСТИ МАТБУОТӢ. Дар Тоҷикистон ҳолатҳои бекоршавии ақди никоҳ кам шудаанд
Ҳайати ҷавонони Тоҷикистон дар ҷаласаи Шурои ҷавонони Созмони ҳамкории Шанхай иштирок намуд
НИШАСТИ МАТБУОТӢ. Корхонаи «Тоҷиксуғурта» ба 588 оилаи аз офати табиӣ зарардидаи минтақаи Рашт кумаки молиявӣ расонид
Беш аз 5 ҳазор нафар дар муассисаҳои таҳсилоти ибтидоии касбӣ машғулияти касбомӯзиро хатм намуданд
