Сарвазири Тоҷикистон Қоҳир Расулзода: «Соли 2022 дар Тоҷикистон 221 мактаб ва кўдакистон бунёд гардиданд»
ДУШАНБЕ, 26.01.2023 /АМИТ «Ховар»/. Соли 2022 дар Тоҷикистон бо мақсади рушди соҳаи маориф 221 мактаб ва кўдакистон сохта мавриди истифода қарор дода шуданд. Дар ин сол аз ҳисоби буҷети давлатӣ барои рушди соҳаи маориф беш аз 6,4 миллиард сомонӣ равона гардид, ки нисбат ба соли 2021-ум 14,3 фоиз зиёд мебошад.
Дар ин бора зимни ҳисоботи Сарвазири мамлакат Қоҳир Расулзода оид ба натиҷаҳои рушди иқтисодию иҷтимоӣ дар соли 2022 дар маҷлиси васеи Ҳукумати ҷумҳурӣ, ки таҳти раёсати Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон, Раиси Ҳукумати мамлакат муҳтарам Эмомалӣ Раҳмон 24 январи соли равон баргузор гардид, иттилоъ дода шуд.
Таъкид кардан ба маврид аст, ки дар 30 соли Истиқлолияти давлатӣ дар мамлакат 3240 муассисаи нави таълимӣ барои 1 миллиону 400 ҳазор хонанда сохта ба истифода дода шуда, 173 муассисаи таълимии типи нав – литсей, гимназия, мактаби президентӣ, мактаби байналмилалӣ ва муассисаҳои таълимӣ барои хонандагони болаёқат, инчунин, 196 муассисаи таҳсилоти томактабӣ ва умумии хусусӣ бунёд ва мавриди истифода қарор дода шудаанд.
Дар ин замина, ҳамчунин Ҳукумати Ҷумҳурии Тоҷикистон бо мақсади рушди соҳаи маориф ҳамкориро бо шарикони рушд низ тақвият мебахшад. Масалан, тавре моҳи декабри соли 2022 АМИТ «Ховар» бо истинод ба Агентии иттилоотии Арабистони Саудӣ хабар дода буд, Бонки исломии рушд барои рушди соҳаи маориф дар Тоҷикистон 9,5 миллион доллар ҷудо намуд.
Мисоли дигари гуфтаҳои боло — ин ифтитоҳи аввалин Маркази миллии ғизои мактабӣ дар назди Вазорати маориф ва илми Ҷумҳурии Тоҷикистон аст.
Марказ ба Вазорати маориф ва илми Тоҷикистон имкон медиҳад, ки ҷараёни иҷрои Барномаи ғизои мактабиро назорат кунад, ки ин қадами муҳим дар роҳи ба хусусияти воқеан миллӣ табдил ёфтани он хоҳад буд.
Рухсораи НУР,
АМИТ «Ховар»
АКС: Хадамоти матбуоти Президенти Ҷумҳурии Тоҷикистон/АМИТ «Ховар»
Донишгоҳи техникии Тоҷикистон бо Донишгоҳи давлатии Лакнави Ҳиндустон ҳамкориро тақвият мебахшад
ТОҶИКОН ҶАҲОНРО ТАСХИР МЕНАМОЯНД! Барномаи «Дурахшандагон» ба ҷавонони лаёқатманди Тоҷикистон кумак мерасонад
Дар солҳои соҳибистиқлолӣ дар Тоҷикистон 22 маротиба музди меҳнати кормандони соҳаи маориф зиёд карда шуд
Дар ноҳияи Фирдавсии шаҳри Душанбе Муассисаи таҳсилоти томактабии хусусии «Боғи Мурод» ифтитоҳ ёфт
Барои таҳқиқоти илмӣ то 35 ҳазор сомонӣ мукофотпулӣ муайян гардид
РУШДИ ТАҲСИЛОТИ ТОМАКТАБӢ. Давоми 7 соли охир дар Душанбе 22 кӯдакистон ба истифода дода шуд
Китобҳои дарсии синфҳои 8 ва 9 «Асосҳои давлат ва ҳуқуқи Ҷумҳурии Тоҷикистон» ба забони туркманӣ нашр шуданд
Дар ноҳияи Рашт оид ба иҷрои дастуру супоришҳои Сарвари давлат вобаста ба рушди соҳаи маориф вохӯрӣ доир шуд
35-СОЛАГИИ ИСТИҚЛОЛИ ДАВЛАТӢ. Дар Хуҷанд бинои иловагии муассисаи таълимӣ барои 1280 хонанда сохта мешавад
ЗИЁДШАВИИ МАОШИ ОМӮЗГОРОН АЗ ОНҲО ЭҲСОСИ МАСЪУЛИЯТИ ДУЧАНДРО ТАҚОЗО ДОРАД. Бардошт аз ҷаласаи Раёсати маорифи вилояти Хатлон
Президенти Тоҷикистон дастур доданд, ки ба омӯзиши забонҳои хориҷӣ диққати махсус дода шавад
Дар Душанбе бо иштироки 1048 хонанда даври шаҳрии олимпиадаи фаннӣ оғоз гардид
