Соли равон миёни Душанбе ва Чимкент хатсайри ҳавоӣ боз мегардад
ДУШАНБЕ, 19.01.2023 /АМИТ «Ховар»/. Қазоқистон реҷаи «осмони боз»-ро барои 5 сол тамдид кард. Дар он ҷо хатсайрҳои нави байналмилалӣ ба роҳ монда мешаванд. Дар давраи баҳор-тобистони навигатсионӣ аз Остона ба Давҳа, аз Оқтой ва Чимкент ба Анқара, аз Алмаато ва Оқтой ба Мадина, аз Остона ба Боку ва аз Чимкент ба Душанбе парвозҳо роҳандозӣ мешаванд. Дар ин бора АМИТ «Ховар» бо истинод ба Агентии байналмилалии иттилоотии «Казинформ» иттилоъ медиҳад.
Бо мақсади амалӣ намудани супоришҳои Президенти Ҷумҳурии Қазоқистон оид ба васеъ намудани ҷуғрофияи парвозҳо ва зиёд намудани шумораи парвозҳои байналмилалӣ Кумитаи авиатсияи граждании Вазорати саноат ва рушди инфрасохтори Ҷумҳурии Қазоқистон реҷаи «осмони боз»-ро то охири соли 2027 тамдид кард, хабар медиҳад АБИ «Казинформ» бо истинод ба хадамоти матбуоти идора.
Реҷаи мазкур аз байн бардоштани тамоми маҳдудиятро аз рӯи шумори парвозҳо ва додани дараҷаи панҷуми «фазои озод» ба ширкатҳои ҳавопаймоии хориҷӣ дар хатсайрҳое, ки ширкатҳои ҳавопаймоии Қазоқистон кор намекунанд, пешбинӣ мекунад.
Аз Вазорати саноат ва рушди инфрасохтори Ҷумҳурии Қазоқистон хабар доданд, ки имрӯз Қазоқистон парвозҳои байналмилалиро ба 29 кишвари ҷаҳон дар 109 хатсайр барқарор ва боз кардааст.
Ёдовар мешавем, ки ҳоло ҳавопаймоҳои Тоҷикистон пайваста ба Россия, Чин, Амороти Муттаҳидаи Араб, Туркия, Ҳиндустон, Эрон, Қазоқистон ва Узбекистон парвоз мекунанд. Қарор аст парвозҳои мунтазам бо Озарбойҷон, Гурҷистон ва Олмон ба роҳ мона шаванд.
АКС: АМИТ «Ховар»
CASA-1000. Ин лоиҳа ҳамчун пули энергетикӣ барои ҳамгироии иқтисодӣ ва сиёсӣ замина фароҳам меорад
Ба боғдорону соҳибкорон равандҳои ҳамлу нақл ва логистикаи содироти хушкмева аз Тоҷикистон ба бозорҳои ҷаҳон омӯзонида шуд
Иштирокчиёни Форуми сайёҳии «Суғд — чорроҳаи Роҳи бузурги Абрешим» Қалъаи Хуҷандро тамошо намуданд
Тоҷикистон барои сохтмони марказҳои агрологистикӣ хостори ҷалби сармоя аз Арабистони Саудӣ мебошад
Масоили марбут ба бунёди иншооти муҳими стратегӣ дар Тоҷикистон бо ҷалби сармояи Корея баррасӣ шуд
Дар Палатаи ҳисоб бо иштироки роҳбарони мақомоти олии аудити давлатҳои аъзои СҲШ ҳамоиш доир шуд
Тоҷикистон ва Эрон хостори таҳкими ҳамкории саноатӣ гардиданд
Ҷаласаи чоруми Комиссияи муштараки байниҳукуматӣ оид ба ҳамкории иқтисодию тиҷоратии Тоҷикистону Арманистон баргузор мегардад
Шарҳи дуюми татбиқи барномаи фишанги ҳамоҳангсозии сиёсати Хазинаи Байналмилалии Асъор барои Тоҷикистон баррасӣ шуд
Дар Душанбе гузариш ба иқтисоди «сабз» ва истифодаи оқилонаи захираҳои ангишт баррасӣ гардид
Дар ноҳияи Спитамен дар 6490 гектар пунбадона кишт карда мешавад
Тоҷикистон Эронро аз муҳимтарин шарикони стратегии минтақавӣ дар Ховари Миёна медонад
