30-СОЛАГИИ ҚУВВАҲОИ МУСАЛЛАҲ. «Бонувони Тоҷикистон» барои марзбонони ноҳияи Шамсиддин Шоҳин маҳфили фарҳангӣ доир намуд
ДУШАНБЕ, 17.02.2023. /АМИТ «Ховар»/. 16 феврал роҳбарияти маҷаллаи «Бонувони Тоҷикистон» дар ҳамбастагӣ бо намояндагони Донишгоҳи давлатии молия ва иқтисоди Тоҷикистон бахшида ба 30-солагии таъсисёбии Қувваҳои Мусаллаҳ ба яке аз қисмҳои низомии қушунҳои сарҳадии Кумитаи давлатии амнияти милли Ҷумҳурии Тоҷикистон, воқеъ дар ноҳияи Шамсиддин Шоҳини вилояти Хатлон рафта, бо сарбозону афсарон мулоқот намуданд. Дар ин хусус АМИТ «Ховар» бо истинод ба маҷаллаи «Бонувони Тоҷикистон» хабар медиҳад.
Меҳмонон бо шароити хизмат, будубоши афсарону сарбозон шинос шуда, зимни вохўрӣ иброз доштанд, ки таваҷҷуҳи ҳамешагии Сарфармондеҳи олии Қувваҳои Мусаллаҳи Ҷумҳурии Тоҷикистон, Генерали артиш муҳтарам Эмомалӣ Раҳмон ба беҳтар гардидани шароити хизмат дар Артиши миллӣ равона гардидааст.
Сармуҳаррири Муассисаи давлатии маҷаллаи «Бонувони Тоҷикистон Шоҳона Одиназода иштирокдорони ҷамъомадро ба муносибати 30-солагии таъсисёбии Қувваҳои Мусаллаҳи Ҷумҳурии Тоҷикистон муборак гуфта, барои садоқату вафодориашон дар муҳофизати марзи Тоҷикистон, барои хоби бароҳати модарон ва зиндагии осудаи сокинон ба афсарону сарбозони Ватан изҳори сипос намуд.
«Ташкили чунин вохўриҳои хотирмон бо модарон ва аҳли зиё, ки аз дастуру супоришҳои Пешвои миллат муҳтарам Эмомалӣ Раҳмон сарчашма мегирад, ба хизматчиёни ҳарбӣ неруву илҳоми тоза мебахшад»,-илова намуд Шоҳона Одиназода.
Дар вохӯрӣ оид ба таърихи халқи тоҷик ва роҳи пурпечутоби аҷдодони мо дар масири давлатдорӣ, ҷонбозиҳои фарзандони фарзонаи миллат Куруши Кабир, Спитамен Бобаку Темурмалик ва дигарон дар ҳифзу пойдории Ватан бо овардани мисолҳои ҷолиб аз саргузашти ин қаҳрамонон изҳори андеша карда шуд.
Ҳамчунин барои фарзандони шуҷои Ватан шеъру ғазалҳо, ки дар васфи матонату ҷонфидоии марзбонон дар роҳи ҳифзи сарзамини аҷдодӣ бахшида шудаанд, қироат гардида таъкид шуд, ки хизмат ба Ватан қарзи муқаддаси ҳар ҷавонписар ба ҳисоб меравад ва он мактаби бузурги ҷавонмардӣ мебошад.
Дар идомаи чорабинӣ аз ҷониби кормандони Муассисаи давлатии маҷаллаи «Бонувони Тоҷикистон ва намояндагони Донишгоҳи давлатии молия ва иқтисоди Тоҷикистон ба сарбозон туҳфаҳои идона тақдим карда шуд.
Баъдан ҳунармандони бахши фарҳанги ноҳияи Шамсиддини Шоҳин ва дигар ҳофизони шинохтаи ҷумҳурӣ бо пешниҳоди барномаи рангини ҳунарӣ табъи хизматчиёни ҳарибро болида гардониданд.
Ёдовар мешавем, ки ҳайати меҳмонон ба ин қисми низомӣ маводи хӯрока, маҷаллаю рӯзномаҳо ва асарҳои тозанашр тақдим намуданд.
Рухсораи НУР,
АМИТ «Ховар»
АКС: маҷаллаи «Бонувони Тоҷикистон»
Дар Душанбе масъалаи густариши ҳамкории судӣ байни Тоҷикистон ва Арабистони Саудӣ баррасӣ гардид
Барои пешгирии заҳролудшавӣ аз дуди ангишт қоидаҳои муҳими истифодаи онро бояд риоя намуд
Доктор Ҳала бинти Мазид Ат-Тувайҷирӣ: «Дар «Стратегияи дурнамои рушди Арабистони Саудӣ то соли 2030» ҳифзи ҳуқуқи инсон ҷойгоҳи хос дорад»
Тавсеи ҳамкорӣ байни мақомоти Ваколатдор оид ба ҳуқуқи инсон дар Ҷумҳурии Тоҷикистон ва Кумитаи ҳуқуқи инсони Шоҳигарии Арабистони Саудӣ баррасӣ гардид
Ҳокимияти судӣ дар Тоҷикистон такягоҳи адолат ва пояи устувори қонун аст
Пешвои миллат: «Фалсафаи ҷашни Меҳргон инсонҳоро ба адолатхоҳӣ, баробарӣ ва меҳрубонӣ ҳидоят мекунад»
Дар Душанбе Форуми ёздаҳуми миллӣ оид ба волоияти қонун доир мешавад
Вазири меҳнат, муҳоҷират ва шуғли аҳолии Тоҷикистон дар Давҳа бо роҳбари ширкати қатарии «Jusour» мулоқот намуд
Дар Маркази ҷумҳуриявии илмии ҷарроҳии дилу рагҳо шуъбаи ҷарроҳии бариатрикӣ ва герниологӣ пас аз таъмиру азнавсозӣ ба истифода дода шуд
Ҳамкории Тоҷикистону Қатар дар самти меҳнат ва шуғли аҳолӣ тақвият меёбад
Намояндаи Тоҷикистон дар Конфронси шашуми вазирони меҳнати кишварҳои аъзои СҲИ иштирок намуд
КУМАКҲОИ УНВОНИИ ИҶТИМОӢ. Ба қишри осебпазири Тоҷикистон беш аз 917 миллион сомонӣ кумак расонида шуд
