Дар Хуҷанд беш аз 1 миллион бех ниҳолҳои гуногун ва гулу буттаҳои ороишӣ ба фурӯш гузошта шуд
ДУШАНБЕ, 24.02.2023 /АМИТ «Ховар»/. Дар шаҳри Хуҷанд намоиш- фурӯши ниҳол, кӯчату тухмии гулу зироати кишоварзӣ баргузор гардид, ки дар он кишоварзони 14 шаҳру ноҳияҳои вилояти Суғд беш аз 1 миллион бех ниҳоли дарахтони мевадиҳанда, ҳамешасабзу ороишӣ ва гулу буттаҳоро пешкаши харидорон намуданд, иттилоъ медиҳад хабарнигори АМИТ «Ховар».
Ин иқдом бо дастгирии Мақомоти иҷроияи ҳокимияти вилояти вилояти Суғд доир карда шуда, мақсад аз он муташаккилона гузаронидани маъракаи сабзазоркуниву ободонӣ ва расонидани ёрии амалӣ ба хоҷагиҳои кишоварзӣ ва аҳолии шаҳру ноҳияҳои вилоят мебошад.
Дар чорабинӣ Раиси вилояти Суғд Раҷаббой Аҳмадзода таъкид намуд, ки соли 2022 дар шаҳру ноҳияҳои вилоят 890 гектар боғу токзори нав бунёд гардид.
Илова бар ин, соли сипаригашта ба ҷои 570 гектар нақшаи барқароркунии боғу токзори куҳна, 970 гектар корҳои барқароркунӣ гузаронида шуд, ки иҷрои нақша ба 170 фоиз ё 400 гектар зиёд мебошад.
Дар вилоят бунёди боғҳои интенсивӣ ва суперинтенсивӣ низ вусъат меёбад. Дар 5 соли охир дар вилоят 286 гектар боғи интенсивӣ бунёд карда шудааст.
Зикр гардид, ки ба истиқболи ҷашни 35-солагии Истиқлоли давлатӣ дар вилояти Суғд бунёди 9 ҳазору 600 гектар боғу токзори замонавӣ, инчунин 1 ҳазору 640 гектар ниҳолхона барои омода кардани ниҳоли дарахтони мевадиҳанда ва 390 гектар ниҳолхона барои омодасозии ниҳоли дарахтони ороишӣ ба нақша гирифта шудааст.
Иттилоъ дода шуд, ки соли равон ниҳолпарварони вилояти Суғд зиёда аз як миллион ниҳоли дарахтони мевадиҳанда ва ток истеҳсол намуданд ва ин миқдор талаботро барои бунёду барқароркунии боғҳо таъмин менамояд.
Дар чорабинии имрӯза бобати шиносоии иштирокчиёни ярмарка бо усулҳои ташкили мубориза бар зидди ҳашароти зараррасону касалиҳо, шинонидан ва башаклдарории дарахтон нуқтаҳои маслиҳатдиҳӣ ташкил гардида, ба сокинон тавсияҳои судманд дода шуд.
Намоиш-фурӯши ниҳол, кӯчату тухмии гулу зироати кишоварзӣ дар маркази вилояти Суғд – шаҳри Хуҷанд то 26 феврали соли равон идома меёбад.
АКС: Хадамоти матбуоти Раиси вилояти Суғд
ИМРӮЗ — РӮЗИ КОРМАНДОНИ МАҚОМОТИ НАЗОРАТИ ДАВЛАТИИ МОЛИЯВӢ ВА МУБОРИЗА БО КОРРУПСИЯ. Аз таъсиси Агентии назорати давлатии молиявӣ ва мубориза бо коррупсия 19 сол пур шуд
Неругоҳи барқи обии «Себзор» давоми фаъолият беш аз 21 миллион кВт-соат неруи барқ истеҳсол намудааст
Баҳодур Шерализода: «Қабули Қатъномаи ЮНЕП дар пешбурди дипломатияи муҳити зисти Тоҷикистон нақши назаррас дорад»
Агентии «Тоҷикстандарт»: «Аз маҳсулоти ширкати «Nestle» бо тамғаи NAN дар марҳилаи муайяншуда истифода набаред!»
Тоҷикистон ҳамкориро бо Бонки осиёии сармоягузории инфрасохторӣ тақвият медиҳад
Бонки миллии Тоҷикистон: иттилои паҳншуда дар бораи он, ки Бонки миллӣ бо 1 фоиз қарз медиҳад, воқеият надорад
Дар Ишкошим зеристгоҳи барқии «Қозидеҳ» ба истифода дода мешавад
Дар Вазорати рушди иқтисод ва савдо оид ба иҷрои супоришҳои Президенти Тоҷикистон дар Паём ба Маҷлиси Олӣ ҷаласа доир шуд
Дар Тоҷикистон лоиҳаи Қонун дар бораи сиёсати аграрӣ таҳия мегардад
Дар Панҷакент ҷаласаи Шуро оид ба рушди соҳибкорӣ ва беҳтар намудани фазои сармоягузорӣ баргузор гардид
Дар хоҷагии ҷангали ноҳияи Данғара дар 44 гектар ниҳолҳои пистаҳои хушкшуда барқарор гардид
Дар Тоҷикистон раванди ҷорӣ намудани низоми рамзгузории электронии молҳо амалӣ мегардад
