Дар вилояти Суғд саршумори чорвои калон дар ҳамаи шаклҳои хоҷагидорӣ 719,3 ҳазор сарро ташкил медиҳад
ДУШАНБЕ, 14.02.2023 /АМИТ «Ховар»/. Ба ҳолати 1 январи соли 2023 саршумори чорвои калон дар ҳамаи шаклҳои хоҷагидории вилояти Суғд 719 ҳазору 329 сарро ташкил дода, соли гузашта 281 ҳазору 645 тонна шир истеҳсол карда шуд. Дар ин хусус ба хабарнигори АМИТ «Ховар» дар Сарраёсати кишоварзии вилояти Суғд иттилоъ доданд.
Дар вилояти Суғд барои рушди соҳаи чорводорӣ имконият бештар буда, хоҷагидорон ҷиҳати афзоиши истеҳсоли гӯшту шир ҳамасола саршумори чорвои зоти сермаҳсулро зиёд менамоянд.
Гуфта шуд, ки 93,1 фоизи саршумори чорвои калон ба хоҷагиҳои аҳолӣ рост меояд.
Тибқи маълумоти масъулин, нисбат ба соли 2021 саршумори чорвои калон 8,9 ҳазор сар зиёд гардида, Мақомоти иҷроияи ҳокимияти давлатии вилояти Суғд бо мақсади таъсиси фермаҳои нави молию ширӣ ҳамкориро бо хоҷагидорону соҳибкорони шаҳру ноҳияҳо густариш мебахшад.
Дар соли гузашта афзоиши саршумори чорвои калон дар хоҷагиҳои ноҳияҳои Деваштич — 8,5 фоиз, Спитамен — 2,0 фоиз ва Зафаробод — 1,9 фоизро ташкил дод.
Ба ҳолати 1 январи соли 2023 ҳаҷми истеҳсоли гӯшт дар ҳамаи бахшҳои хоҷагӣ 77795,2 тоннаро ташкил дод.
Бояд тазаккур дод, ки давоми солҳои охир дар натиҷаи татбиқи саривақтии барномаҳои давлатӣ дар вилоят саршумори чорво, хусусан чорвои зоти сермаҳсул зиёд гардида, чорводорон дар таъмини бозори дохилӣ бо гӯшту шир саҳми назаррас мегузоранд.
АКС аз бойгонӣ
ДЕҲОТИ РАҚАМӢ. Лоиҳа бо мақсади беҳтар намудани дастрасии интернет ва алоқаи мобилӣ дар минтақаҳои Тоҷикистон амалӣ мешавад
Дар Душанбе татбиқи «Барномаи рушди таҳвилгарон ва содирот» расман оғоз гардид
Дар комплекси сайёҳии Шаҳристон — эко резорт ба масофаи зиёда аз 5 километр таноброҳ сохта мешавад
Соли равон фурудгоҳҳои байналмилалии Тоҷикистон ба зиёда аз 1,5 миллион мусофир хизмат расонидаанд
Ҳоким Холиқзода бо Сафири нави Арабистони Саудӣ дурнамои ҳамкориро баррасӣ намуд
НИШАСТИ МАТБУОТӢ. Дар 65 шаҳру ноҳияи Тоҷикистон пойгоҳои базавии стандартӣ 5G насб карда мешавад
Дар Душанбе ҷаласаи дуюми Шурои кории Тоҷикистону Туркманистон баргузор гардид
НИШАСТИ МАТБУОТӢ. Соли равон тавассути ҳама намуди нақлиёт беш аз 76 миллион тонна бор ва 552 миллион мусофир интиқол дода шуд
Тавсеаи ҳамкорӣ байни Тоҷикистон ва Агентии давлатии ҳамкории байналмилалӣ ва рушди Чин баррасӣ шуд
НИШАСТИ МАТБУОТӢ. Дар 55 деҳа, маҳалла ва шаҳракҳои Тоҷикистон тадқиқоти муҳандисӣ-геологӣ анҷом дода шуд
Телевизиони «Синамо» силсилафилми ҳунарии «Нерӯи ишқ»-ро таҳия намуд
Сарвазири Тоҷикистон дар ноҳияҳои вилояти Хатлон бо рафти корҳои созандагӣ шинос гардид
