«СУРАҶКУНД МЕЛА-2023». Фарҳанги мардуми тоҷик дар Фестивали байналмилалии Ҳиндустон муаррифӣ гардид
ДУШАНБЕ, 28.02.2023 /АМИТ «Ховар»/. Аз 3 то 19 феврал дар шаҳри Сураҷкунди Ҳиндустон бо иштироки намояндагони фарҳанги давлатҳои аъзои Созмони ҳамкории Шанхай Фестивали байналмилалии «Сураҷкунд Мела — 2023» баргузор гардид, ки дар он ҳайати ҳунармандони Тоҷикистон иштирок намуд. Дар ин хусус ба АМИТ «Ховар» дар маркази матбуоти Вазорати фарҳанги мамлакат иттилоъ доданд.
Дар фестивали мазкур инчунин намояндагон — ҳунармандони давлатҳои аъзои Созмони ҳамкории Шанхай аз Федератсияи Русия, Қирғизистон, Узбекистон, Арманистон ва 50 давлати ҷаҳон иштирок карда, санъату ҳунари миллати худро муаррифӣ намуданд.
Аз Тоҷикистон дар Фестивал панҷ нафар ҳунармандони дастаи Ансамбли рақсии «Чаман»-и Филармонияи давлатии Тоҷикистон ба номи А.Ҷӯраев, 4 нафар сарояндагони Ансамбли «Фалак»-и Филармонияи давлатии Тоҷикистон ба номи А.Ҷӯраев ва Консерваторияи миллии Ҷумҳурии Тоҷикистон, инчунин шаш нафар ҳунармандону ошпазон иштирок намуданд.
Ҳайати Тоҷикистон ба иштирокдорону меҳмонони Фестивал суруду рақсҳои миллӣ, намунаи ҳунарҳои мардумӣ, либосҳо ва хӯрокҳои миллиамонро, ки таъриху фарҳанги миллати тоҷикро бозгӯӣ менамуданд, намоиш доданд.
Инчунин дар гӯшаи намоишгоҳи ҳунарҳои мардумии Тоҷикистон армуғони зиёди ҳунарҳои мардумӣ — гулдӯзию сӯзаниҳои тоҷикӣ ба намоиш гузошта шуд. Дар намоишгоҳ сайёҳон ва ширкаткунандагони Фестивал аз меҳмоннавозию меҳмондории миллати тоҷик баҳравар шуданд. Ошпазони моҳири тоҷик оши палави тоҷикӣ омода карда, ба дӯстдорони таомҳои миллии тоҷикӣ ва миллатҳои гуногун пешниҳод намуданд.
АКС: Вазорати фарҳанги Ҷумҳурии Тоҷикистон
Дар Ҷумҳурии Мардумии Чин дуюмин Ассамблеяи умумии Эътилофи мероси Осиё баргузор гардид
Филми «Моҳӣ дар шаст» дар синамоҷашнвораи «Парвонаи алмосӣ» ба сегонаи беҳтаринҳо роҳ ёфт
«ФУРӮҒИ СУБҲИ ДОНОӢ КИТОБ АСТ». Имрӯз довталабони озмун барои «Шоҳҷоиза» рақобат менамоянд
Дар намоишгоҳи байналмилалии Пекин нигораҳои нодири Тоҷикистонро беш аз 1 миллион нафар тамошо намуданд
Довталабони даври ниҳоии Озмуни ҷумҳуриявии «Фурӯғи субҳи доноӣ китоб аст» бо адибон вохӯрӣ намуданд
Туҳфаи Пешвои миллат- «Шоҳнома»-и Ҳаким Фирдавсӣ ба собиқадорони меҳнати ноҳияи Кӯшониён тақдим карда шуд
Туҳфаи Пешвои миллат-«Шоҳнома»-и безаволи Абулқосим Фирдавӣ ба шаҳри Левакант расид
Бахшида ба 570-солагии Камолиддини Беҳзод конференсияи байналмилалӣ баргузор шуд
Дар маҷаллаи фарҳангӣ–иттилоотии «ЭКО-нома» фарҳангу ҳунари Тоҷикистон муаррифӣ шудааст
Ба зиёда аз 28 ҳазор хонаводаи шаҳри Бохтар китоби «Шоҳнома» тақдим мегардад
Иштирокчиёни Озмуни ҷумҳуриявии «Фурӯғи субҳи доноӣ китоб аст»: «Озмун сабқате ба манфиати ҷомеа, давлат ва миллат аст»
4 лоиҳаи ҳифзи мероси фарҳангии Тоҷикистон аз ҷониби Иттиҳоди байналмилалии ҳифзи мерос дастгирӣ ёфт
