Дар Душанбе масъалаи ҳамкории фарогир байни Тоҷикистон ва Чин баррасӣ гардид
ДУШАНБЕ, 29.03.2023. /АМИТ «Ховар»/. 28 март мулоқоти Директори Маркази тадқиқоти стратегии назди Президенти Ҷумҳурии Тоҷикистон Хайриддин Усмонзода бо Сафири Фавқулода ва Мухтори Ҷумҳурии Мардумии Чин дар Ҷумҳурии Тоҷикистон Тзи Шумин баргузор гардид, ки зимни он масъалаи баргузории чорабинии илмӣ доир ба ҳамкории фарогир байни Тоҷикистон ва Чин мувофиқи мақсад шуморида шуд. Дар ин хусус ба АМИТ «Ховар» дар ин марказ хабар доданд.
Гуфта шуд, ки ҳамкории Тоҷикистон ва Чин тайи бештар аз 30 сол рушду такмил ёфта, равобити ду давлат дар асоси ҳусни ҳамҷаворӣ, ҳамсоягии нек ва дӯстӣ ба сатҳи шарикии стратегӣ расид.
Таъкид гардид, ки дар сиёсати хориҷии Тоҷикистон Чин яке аз шарикони боэътимод ба ҳисоб меравад. Имрӯз Ҷумҳурии Тоҷикистон ва Ҷумҳурии Мардумии Чин дар сатҳи байналмилалӣ аз ташаббусҳои якдигар ҷонибдорӣ менамоянд. Албатта, Чин вазъи мураккаб, печида ва ноустуворро дар сатҳи ҷаҳон комилан дарк намуда, барои беҳтар гаштани вазъият ташаббусҳо нишон дода истодааст. Бидуни шак, ташаббусҳое, ки Чин амалӣ намуда истодааст, ба хотири суботи ҷаҳонӣ ва ҳамдигарфаҳмии ҷомеаи байналмилалӣ муҳим арзёбӣ мегарданд.
Сафир Тзи Шумин ишора намуд, ки ҳамкории ду давлат дар тамоми соҳаҳо тақвият меёбад. Ҷониби Чин низ худро муаззаф медонад, ки барои рушди бештари робитаҳо роҳҳо ва воситаҳои нави ҳамкориро ҷустуҷӯ намуда, муносибатҳоро таҳким бахшад.
Дар мулоқот иброз гардид, ки имсол ба санаи баимзорасии «Изҳороти муштарак дар бораи принсипҳои асосии муносибатҳо байни Ҷумҳурии Тоҷикистон ва Ҷумҳурии Мардумии Чин» 30 сол пур мешавад. Он яке аз санадҳои муҳиме мебошад, ки самтҳои асосии равобити Тоҷикистон ва Чинро муайян намуда, дар таҳкими ҳамкории судманд байни ду давлат нақши бориз дорад.
АКС: Маркази тадқиқоти стратегии назди Президенти Ҷумҳурии Тоҷикистон
«СУЛҲОФАРӢ-МАРОМИ СИЁСАТИ БАШАРДӮСТОНАИ ПЕШВОИ МИЛЛАТ». Таҳти ин унвон ҳамоиш доир шуд
Ба кӯдакони ятим ва ниёзманди ноҳияи Ёвон кумак расонида шуд
Ҷаласаи якуми Шурои ҷамъиятии «Занони Тоҷикистон» баргузор гардид
«ЭМОМАЛӢ РАҲМОН — ПЕШВОИ СУЛҲОФАР». Таҳти чунин унвон ҳамоиш баргузор гардид
«ЗАНОН — ДАР МЕҲВАРИ ПАЁМ». Дар Душанбе ҳамоиши занону духтарон баргузор гардид
Кумитаи ҳолатҳои фавқулода ва мудофиаи гражданӣ аз ронандагон хоҳиш менамояд, ки пеш аз сафар вазъи роҳҳоро омӯзанд
IRS: Ҳаракати тамоми нақлиёт дар роҳи мошингарди Душанбе- Чанок таъмин аст
Раванди ислоҳоти низоми тандурустӣ то соли 2030 баррасӣ гардид
МАСЛИҲАТИ МУТАХАССИС. Омилҳои пайдоиши диабети қанд ирсӣ, фарбеҳӣ ва фишорбаландӣ мебошанд
Оид ба барномаи ислоҳоти маблағгузории тандурустӣ вохӯрӣ баргузор шуд
Доир ба нақши мероси тамаддунҳои бостонӣ дар ташаккули давлатҳои муосири миллӣ конференсияи илмӣ баргузор шуд
Дар Душанбе намоиши ҷойҳои кории холӣ ва имкониятҳои нави шуғл баргузор гардид
