Дар Москва ҷаласаи якуми гурӯҳи кории аъзои Шӯрои байниҳукуматии ИДМ оид ба иктишоф, истифода ва ҳифзи қаъри замин баргузор шуд
ДУШАНБЕ, 15.03.2023 /АМИТ «Ховар»/. 14 март дар шаҳри Москва ҷаласаи якуми гурӯҳи кории аъзои Шӯрои байниҳукуматии Иттиҳоди Давлатҳои Мустақил оид ба иктишоф, истифода ва ҳифзи қаъри замин доир гардид, ки дар кори он Раиси Шӯрои байниҳукуматии Иттиҳоди Давлатҳои Мустақил оид ба иктишоф, истифода ва ҳифзи қаъри замин дар соли 2023, Сардори Саридораи геологияи назди Ҳукумати Ҷумҳурии Тоҷикистон Илҳомҷон Оймуҳаммадзода тариқи онлайн ва гурӯҳи корӣ дар шаҳри Москва таҳти роҳбарии муовини сардори Саридора Алимаҳмуд Ализода ба таври ҳузурӣ иштирок намуданд. Дар ин бора сардори маркази матбуоти Саридораи геология Мавҷуда Анварӣ ба хабарнигори АМИТ «Ховар» иттилоъ дод.
Дар ҷаласа гуфта шуд, ки нақшаи ояндадори корҳои муштарак оид ба иктишоф, истифода ва ҳифзи қаъри замини давлатҳои аъзои Иттиҳоди Давлатҳои Мустақил барои солҳои 2021-2025 бо қарори Шӯрои иқтисодии ИДМ аз 12 марти соли 2021 қабул карда шуд. Дар доираи ин нақшаи ояндадор корҳо дар 41 лоиҳа дар дувоздаҳ самти асосӣ гузаронида шуданд.
Дар ҷаласаи XXV Шӯрои байниҳукуматӣ оид ба иктишоф, истифода ва ҳифзи қаъри замини давлатҳои аъзои ИДМ барои баррасии самтҳои муҳими рушди геология ва ҳифзи қаъри замин дар шароити муосир пешниҳод шуда буд, ки аз ҳисоби коршиносони давлатҳои аъзои ИДМ гурӯҳи корӣ таъсис дода шавад.
Қарор карда шуд, ки рӯйхати самтҳои афзалиятнок бо мақсади амиқтар кардани ҳамкорӣ байни давлатҳои иштирокчии ИДМ дар соҳаи геология ва истифодаи зеризаминӣ дар шароити муосир таҳия карда шуда, ба баррасии иҷлосияи 26-уми Шӯрои байниҳукуматӣ пешниҳод карда шавад.
Ёдовар мешавем, ки дар кори ҷаласаи якум намояндагони мақомоти соҳавии ИДМ, вазорату идораҳои аъзои ИДМ, аз ҷумла Тоҷикистон, Арманистон, Беларус, Қазоқистон, Қирғизистон, Озарбойҷон, Узбекистон, Федератсияи Русия ва кормандони масъули Кумитаи иҷроияи ИДМ иштирок намуданд.
АКС: АМИТ «Ховар»
Дар Душанбе бахшида ба Рӯзи кормандони мақомоти назорати давлатии молиявӣ ва мубориза бо коррупсия ҷамъомад баргузор шуд
ИМРӮЗ — РӮЗИ КОРМАНДОНИ МАҚОМОТИ НАЗОРАТИ ДАВЛАТИИ МОЛИЯВӢ ВА МУБОРИЗА БО КОРРУПСИЯ. Аз таъсиси Агентии назорати давлатии молиявӣ ва мубориза бо коррупсия 19 сол пур шуд
Неругоҳи барқи обии «Себзор» давоми фаъолият беш аз 21 миллион кВт-соат неруи барқ истеҳсол намудааст
Баҳодур Шерализода: «Қабули Қатъномаи ЮНЕП дар пешбурди дипломатияи муҳити зисти Тоҷикистон нақши назаррас дорад»
Агентии «Тоҷикстандарт»: «Аз маҳсулоти ширкати «Nestle» бо тамғаи NAN дар марҳилаи муайяншуда истифода набаред!»
Тоҷикистон ҳамкориро бо Бонки осиёии сармоягузории инфрасохторӣ тақвият медиҳад
Бонки миллии Тоҷикистон: иттилои паҳншуда дар бораи он, ки Бонки миллӣ бо 1 фоиз қарз медиҳад, воқеият надорад
Дар Ишкошим зеристгоҳи барқии «Қозидеҳ» ба истифода дода мешавад
Дар Вазорати рушди иқтисод ва савдо оид ба иҷрои супоришҳои Президенти Тоҷикистон дар Паём ба Маҷлиси Олӣ ҷаласа доир шуд
Дар Тоҷикистон лоиҳаи Қонун дар бораи сиёсати аграрӣ таҳия мегардад
Дар Панҷакент ҷаласаи Шуро оид ба рушди соҳибкорӣ ва беҳтар намудани фазои сармоягузорӣ баргузор гардид
Дар хоҷагии ҷангали ноҳияи Данғара дар 44 гектар ниҳолҳои пистаҳои хушкшуда барқарор гардид
