Дар ноҳияи Кӯшониён оид ба усулҳои мубориза бар зидди малах машварат доир гардид
КӮШОНИЁН, 16.03.2023 АМИТ «Ховар»/. 15 март дар деҳаи «Эргашобод»-и Ҷамоати деҳоти «Бӯстонқалъа»-и ноҳияи Кӯшониёни вилояти Хатлон «Оид ба ташкили усулҳои мубориза бар зидди малах» машварати вилоятӣ баргузор гардид, ки дар кори он муовини Сарвазири мамлакат Сулаймон Зиёзода иштирок намуд. Дар ин хусус мухбири минтақавии АМИТ «Ховар» Сулаймон Холзода иттилоъ додааст.
Дар қисми амалии машварат ба ҳозирин усули мубориза бар зидди малах бо тарзи механикӣ, агротехникӣ, химиявӣ ва биологӣ нишон дода шуд. Ҳамчунин масъулини экспедитсияи мубориза бар зидди малахи вилоят омода намудани маҳлул ва истифодаи дурусти заҳрхимикатҳоро фаҳмониданд.
Дар машварат ба иштирокдорон техникаву мошинолоте, ки бар зидди малах нигаронида шудааст, намоиш дода шуд.
Таъкид гардид, ки Хатлон яке аз вилоятҳои калонтарини ҷумҳурӣ мебошад. Ҳамасола яке аз аввалинҳо шуда, маҳсулоти кишоварзии барзгарони ин вилоят ба бозорҳои дохил ва беруни ҷумҳурӣ ворид карда мешавад.
Муборизаи дастҷамъона бар зидди ҳашароти зараррасон, аз ҷумла малахи марокашӣ дар афзун намудани маҳсулоти кишоварзӣ, пешгирии нобудшавии маҳсулот заминаи хуб мегузорад. Бо омадани Наврӯзи хуҷастапай корҳои саҳроӣ вусъати тоза пайдо карда, ташвишу тараддуди кишоварзон меафзояд.
Муовини Сарвазири мамлакат Сулаймон Зиёзода дар ҷамъбасти машварат вобаста ба соҳаи кишоварзӣ сухан гуфта, аз масъулини соҳаи кишоварзии шаҳру ноҳияҳои вилоят даъват ба амал овард, ки дар кишти пунбадона, интихоби тухмиҳои серҳосил ва ба минтақа киштбоб, обдиҳии захиравии маҳсулот, кишти ҷуворимакка, офтобпараст ва дигар маҳсулоти кишоварзӣ ба қафомонӣ роҳ надиҳанд.
Сулаймон Зиёзода иброз дошт, ки дар ин давра ҳаҷми истеҳсоли маҳсулоти кишоварзӣ дар вилоят рӯ ба афзоиш дошта бошад ҳам, ин талаботи Ҳукумати ҷумҳуриро қонеъ карда наметавонад. Болоравии нархи маҳсулоти мавриди ниёзи аввал, аз ҷумла картошка ва пиёз кишоварзонро водор месозад, ки ба кишту парвариши ин навъи маҳсулот диққати ҷиддӣ равона созанд.
Дар машварат роҳбарияти вилояти Хатлон доир ба вазъи кишту кори баҳорӣ, иҷрои дурнамои кишти картошка ва вусъати корҳои саҳроӣ маълумот дод.
АКС: Мақомоти иҷроияи ҳокимияти давлатии вилояти Хатлон
Ҷаласаи гурӯҳи кории Шурои роҳбарони Палатаи савдо ва саноати Иттиҳоди Давлатҳои Мустақил доир гардид
Тоҷикистон ва Миср ҳамкориро дар соҳаҳои дорусозӣ, нассоҷӣ ва мошинсозӣ густариш медиҳанд
Тавсеаи ҳамкории дуҷонибаи сармоягузорӣ ва тиҷоратӣ байни Тоҷикистон ва Миср баррасӣ гардид
Ҳайати Тоҷикистон дар Лондон бо намояндагони ниҳодҳои бонуфузи байналмилалии молиявӣ вохӯрӣ намуд
Муовини Сарвазири Тоҷикистон бо вазъи соҳаи кишоварзӣ дар Ҳисор, Турсунзода ва Шаҳринав шинос шуд
Ҷаласаи нахустини Комиссияи давлатӣ оид ба радиобасомадҳои Ҷумҳурии Тоҷикистон доир шуд
Ҷаласаи Кумитаи муштараки роҳбарикунандаи Ҳукумати Тоҷикистон ва Созмони Милали Муттаҳид доир шуд
Нишасти Кумитаи пайгирии иҷрои Протоколи Комиссияи муштараки Тоҷикистону Эрон баргузор гардид
Дар Минтақаи озоди иқтисодии «Кӯлоб» Маркази логистикӣ таъсис дода мешавад
Ҷаласаи 8-уми Комиссияи муштараки Тоҷикистон ва Покистон оид ба ҳамкории тиҷоратӣ, иқтисодӣ ва илмӣ-техникӣ доир мегардад
Дар Тотористон бо соҳибкорони Тоҷикистон вохӯрӣ доир гардид
Хатҳои интиқоли барқ дар Кӯҳистони Мастчоҳ бояд навсозӣ карда шаванд
