ФАО. Нархи маводи ғизоӣ давоми 11 моҳ муттасил паст мефарояд

Март 8, 2023 17:01

ДУШАНБЕ, 07.03.2023 /АМИТ «Ховар»/. Нархи маводи ғизоӣ моҳи марти соли 2022 якбора боло рафт, вале баъдан ба коҳиш оғоз кард. Ҳоло он назар ба он давра 18,7 фоиз пасттар аст. Тавре ки АМИТ «Ховар» иттилоъ медиҳад, дар ин хусус АЗЕРТАҶ бо истинод ба Созмони озуқаворӣ ва кишоварзии СММ (ФАО) хабар додааст.

Рӯйхати нархи ғалладонагӣ моҳи феврал дар муқоиса бо нишондиҳандаи моҳи январ амалан бетағйир мондааст. Нархи ҷаҳонии гандум каме боло рафт ва рақобати шадид байни содиркунандагон нигарониҳоро ҷиҳати шароити хушк дар Штатҳои Муттаҳидаи Америка ҷуброн намуд. Нархи ҷаҳонии биринҷ ба далели суст шудани фаъолияти тиҷоратии аксари содиркунандагони аслии осиёӣ, асъоре, ки нисбат ба доллар беқурб шудаанд, 1% паст фаромад.

Рӯйхати нархи маҳсулоти ширӣ то 2,7% фаромад ва коҳиши шадидтарин дар нархномаҳои байналмилалӣ оид ба равған ва шири хушки камравған ба қайд гирифта шуд.

Рӯйхати нархномаи шакар асосан аз ҳисоби таҷдиди назар ба коҳиши пешгӯии истеҳсолот дар солҳои 2022-2023 дар Ҳиндустон ва коҳиши нархи нафти хом дар ҷаҳон ва инчунин нархи этанол дар Бразилия аз моҳи январ дар 6 сол то сатҳи баландтарини 6,9% боло рафт.

ФАО инчунин пешгӯии пешакии истеҳсоли гандум дар ҷаҳонро барои соли 2023 нашр кард. Истеҳсоли ҷаҳонӣ 784 миллион тоннаро ташкил медиҳад, ки дуввумин нишондиҳандаи бузургтарин дар таърихи мушоҳидаҳо хоҳад буд. Дар Америкаи Шимолӣ ҳосили баланд дар назар аст, зеро деҳқонон дар ҷавоб ба нархи баланди ғалла майдони киштро васеъ мекунанд.

Дар кишварҳои нимкураи ҷанубӣ дурнамои истеҳсоли зироати ғалладона ва ему хошок дар соли 2023 дар умум мусоид аст ва зироати умумии ҷуворимакка дар Бразилия, тибқи пешгӯиҳо, ба сатҳи рекордӣ расидааст.

Азиза ДАДАБОЕВА,
АМИТ «Ховар»

АКС аз манбаъҳои боз

Март 8, 2023 17:01

Хабарҳои дигари ин бахш

Донишгоҳи байналмилалии сайёҳӣ ва соҳибкории Тоҷикистон ҳамкориро бо ширкатҳои хориҷӣ тақвият мебахшад
Ҷаласаи Шурои ҳамоҳангсозӣ оид ба масъалаҳои омӯзиши касбии кормандони бонкҳои марказӣ (миллӣ) доир шуд
Дар Агентии авиатсияи гражданӣ гардиши ҳуҷҷатҳои электронӣ пурра ба роҳ монда шуд
Ифтитоҳи парвозҳои мустақим дар самти Душанбе – Сиан ва Душанбе – Гуанҷоу баррасӣ гардид
«Стратегияи ҷалби сармоя ба Ҷумҳурии Тоҷикистон барои давраи то соли 2040» дар Шурои ҳамоҳангсози рушд муаррифӣ гардид
Тоҷикистон ва Чин ҳамкориро дар соҳаи инноватсия ва технологияҳои рақамӣ тақвият медиҳанд
Ҳамкории Тоҷикистон бо Барномаи Рушди СММ дар доираи лоиҳаҳои муштарак муҳокима гардид
Дар Истаравшан оид ба истифодаи сарфакоронаи неруи барқ ҷаласа доир гардид
Ҷалби доираҳои соҳибкорию тиҷоратии Русия, Амрико, Покистон ва Беларус ба Форуми байналмилалии «Dushanbe Invest 2025» баррасӣ шуд
Мотосиклронҳои «Ралли Осиёи Марказӣ-2025»-ро дар Тоҷикистон истиқбол гирифтанд
Рушди низоми бонкии Тоҷикистон бо таҳлилгарони ширкати байналмилалии рейтинги «Moody’s Investor Service» баррасӣ гардид
Беш аз 94 фоизи ҳамлу нақли бор дар Тоҷикистон тавассути нақлиёти автомобилӣ таъмин карда мешавад