ҶОМИ ОСИЁ-2024. Дастаи мунтахаби занонаи то 20-солаи Тоҷикистон барои иштирок дар мусобиқаи интихобӣ ба Таиланд сафар намуд

ДУШАНБЕ, 06.03.2.2023 /АМИТ «Ховар»/. 5 март дастаи мунтахаби занонаи Тоҷикистон (U-20) оид ба футбол барои иштирок дар даври аввали мусобиқоти интихобии Ҷоми Осиё-2024 дар гурӯҳи «Е» ба шаҳри Бурирами Таиланд сафар кард. Дар ин хусус ба АМИТ «Ховар» дар Федератсияи футболи Тоҷикистон хабар доданд.

Ба ҳайати дастаи мунтахаби бонувони Тоҷикистон (U-20) 21 бозингар – 3 дарвозабон, 6 ҳимоятгар, 9 нимҳимоятгар ва 3 ҳамлагар шомил шудаанд.

Дастаи мунтахаби бонувони ҷавони Тоҷикистон дар даври аввали мусобиқаи интихобии Ҷоми Осиё-2024 бо тимҳои Тайбейи Чин (8 март), Таиланд (10 март) ва Узбекистон (12 март) бозӣ мекунад.

Мусобиқаи интихобии Ҷоми Осиё-2024 байни дастаҳои бонувони ҷавон (U-20) 

Даври якум. Гурӯҳи «Е» 

Даври 1
8 март (чоршанбе)

Тайбейи Чин – ТОҶИКИСТОН

Таиланд – Узбекистон

Даври 2
10 март (ҷумъа)

ТОҶИКИСТОН – Таиланд

Узбекистон – Тайбейи Чин

Даври 3
12 март (якшанбе) 

ТОҶИКИСТОН – Узбекистон

Таиланд – Тайбейи Чин

АКС: Федератсияи футболи Тоҷикистон