БО ИФТИХОР АЗ СОҲИБВАТАНӢ. Ҷавононе, ки тарбияи шоиста гирифтаанд, ҳангоми хизмат дар сафи Қувваҳои Мусаллаҳ худро чун аскари далеру шуҷоъ ва бонизом нишон медиҳанд
ПАНҶАКЕНТ, 25.04.2023. /АМИТ «Ховар»/. Директори муассисаи таҳсилоти миёнаи умумии №43-и деҳаи Камари Ҷамоати деҳоти Саразми шаҳри Панҷакент Аббос Яҳёев дар маъракаи даъвати баҳорӣ писару ҷиянаш Яҳёбек ва Беҳрӯзро бо ифтихори баланди соҳибватанӣ барои ҳимояи марзу буми Ватан ба сафи Артиши миллӣ гусел намуд, хабар медиҳад мухбири минтақавии АМИТ «Ховар» Субҳониддини Маҳмуд.
Аббос Яҳёев мегӯяд, ки ҳар падару модар бояд ба таълиму тарбияи дурусти фарзандон ва ба роҳи рост ҳидоят намудани онҳо эътибори аввалиндараҷа зоҳир намуда, онҳоро баҳри ҳифзи Ватану давлат ба хизмати ҳарбӣ раҳсипор намояд. Танҳо дар ин ҳолат волидон қарзи шаҳрвандию ватандӯстии худро иҷро менамоянд.
Агар фарзанд тарбияи шоиста гирифта бошад, ҳангоми хизмат дар сафи Қувваҳои Мусаллаҳ худро чун аскари далеру шуҷоъ, ботарбия, дилсӯзу ғамхор нисбат ба ҳамхизматон нишон дода, барои дар руҳияи ватандӯстӣ тарбия ёфтани дигар аскарон кумак мерасонад.
Аскароне, ки дар қисмҳои ҳарбӣ бештар аз як сол хизмат намуда истодаанд, бояд барои наваскарон намунаи ибрат бошанд, ба онҳо дар тамрин, азхудкунии оинномаи ҳарбӣ ва дигар усулҳои низомӣ кумак расонанд.
Дар навбати худ падару модарон вазифадоранд, ки фарзандонашонро то расидан ба синни даъвати ҳарбӣ дар руҳияи инсондӯстӣ, дилсӯзӣ, изҳори раҳму шафқат нисбат ба якдигар, дастгирӣ дар лаҳзаҳои душвор ва ҳамдигарфаҳмӣ тарбия намоянд.
Ҷавононе, ки дар оила, ҷамъият, мактабу донишгоҳ бо рафтори худ намунаи ибратанд, зимни хизмат дар сафи Артиши миллӣ низ аз худ масъулияти баланд, одобу рафтори нек, ахлоқи ҳамида ва дигар хислатҳои неки инсондӯстона зоҳир намуда, нисбат ба дигарон дашному ҳақорат, зӯроварӣ, бадбинӣ ва дигар хислати манфиро раво намебинанд. Зеро онҳо дар оила ва ҷамъият тарбияи хубу писандида гирифта, дар сафи Артиши миллӣ низ худро идора карда, бо сари баланд хизмат карда метавонанд.
Пас, танҳо тарбияи дурусти оила ва муносибати неки ҷомеа фарзандони моро метавонад ба роҳи рости зиндагӣ ҳидоят намояд.
АКС: Мақомоти иҷроияи ҳокимияти давлатии шаҳри Панҷакент
Терроризм ва экстремизм хатари минтақавию байналмилалӣ дорад
ТАҒЙИРУ ИЛОВАҲО БА КОДЕКСИ ҲУҚУҚВАЙРОНКУНИИ МАЪМУРӢ. Дар ду соли охир дар садамаҳои роҳу нақлиёт зиёда аз ҳазор нафар ба ҳалокат расидааст
Прокурори генералии Тоҷикистон бо Сафири Иттиҳоди Аврупо масоили марбут ба ҳамкорӣ дар соҳаи амниятро баррасӣ намуд
Дар Бадахшон мусобиқаи варзишӣ аз намуди футбол байни сохторҳои қудратӣ ҷамъбаст гардид
Дар Вазорати мудофиаи Тоҷикистон Рӯзи Қувваҳои Мусаллаҳро бо шаҳомати хосса таҷлил намуданд
Дар Вазорати корҳои дохилӣ ба муносибати Рӯзи таъсиси Қувваҳои Мусаллаҳи Тоҷикистон ҳамоиш доир шуд
Бахшида ба Рӯзи Қувваҳои Мусаллаҳ дар Раёсати Вазорати корҳои дохилӣ дар шаҳри Душанбе ҳамоиш доир шуд
Дар Душанбе Рӯзи Қувваҳои Мусаллаҳи Тоҷикистон бошукуҳ таҷлил гардид
Қувваҳои Мусаллаҳ — сипари боэътимоди давлату миллат ва ҳифзи амнияту субот
Бахшида ба Рӯзи таъсиси Қувваҳои Мусаллаҳи Тоҷикистон дар Душанбе ҳамоиши тантанавӣ доир шуд
ҚУВВАҲОИ МУСАЛЛАҲИ ҶУМҲУРИИ ТОҶИКИСТОН. Он на танҳо сохтори низомӣ, балки рамзи мавҷудияту бақои давлат аст
Президенти Тоҷикистон: «Фидокорию ҷонбозиҳои афсарону сарбозони шуҷои Ватан ҳаргиз фаромӯш намешавад»
