Дар Душанбе ҷаласаи Комиссияи байнидоравии танзими равандҳои муҳоҷират баргузор шуд
ДУШАНБЕ, 04.04.2023. /АМИТ «Ховар»/. 3 апрел дар Вазорати меҳнат, муҳоҷират ва шуғли аҳолии Ҷумҳурии Тоҷикистон бо иштироки муовини Сарвазири Ҷумҳурии Тоҷикистон Матлубахон Сатториён ҷаласаи Комиссияи байнидоравии танзими равандҳои муҳоҷирати назди Ҳукумати Ҷумҳурии Тоҷикистон баргузор гардид. Дар ин хусус ба АМИТ «Ховар» дар Вазорати мазкур хабар доданд.
Дар ҷаласа намояндагони вазорату идораҳо ва мақомоти иҷроияи маҳаллии ҳокимияти давлатии шаҳру ноҳияҳои ҷумҳурӣ иштирок доштанд.
Дар ҷаласаи мазкур ҳисоботу пешниҳоди намояндагони вазорату идораҳо ва мақомоти иҷроияи маҳаллии ҳокимияти давлатӣ оид ба масъалаҳои рӯзнома шунида шуд.
Дар ҷаласа муовини Вазири меҳнат, муҳоҷират ва шуғли аҳолии Ҷумҳурии Тоҷикистон дар бораи рафти иҷрои Протоколи ҷаласаи Комиссияи байниидоравии танзими равандҳои муҳоҷирати назди Ҳукумати Ҷумҳурии Тоҷикистон №4/43-26 аз 30 сентябри соли 2022 гузориш дод.
Ҳамзамон вобаста ба масъалаи дигари рӯзнома гузоришҳои намояндагони кумитаҳои ҷавонон ва варзиш, кор бо занон ва оила, кумитаи дин, танзими анъана ва ҷашну маросимҳои назди Ҳукумати Ҷумҳурии Тоҷикистон дар самти бурдани корҳои фаҳмондадиҳӣ дар байни ҷавонон, аз ҷумла муҳоҷирони меҳнатӣ оид ба пешгирӣ аз шомилшавӣ ба гурӯҳҳои ифротӣ, экстремистӣ ва террористӣ, баланд бардоштани ҳувияти миллӣ, ҳифзи арзишҳои миллӣ ва фарҳангӣ дар дохил ва хориҷи ҷумҳурӣ шунида шуданд.
Дар охири кори ҷаласа аз ҷониби муовини Сарвазири Ҷумҳурии Тоҷикистон ба вазорату идораҳои дахлдор барои иҷрои саривақтии супоришҳои Ҳукумати Ҷумҳурии Тоҷикистон дар самти муҳоҷирати меҳнатӣ, муҳоҷирати дохилӣ ва экологӣ ва корҳои фаҳмондадиҳӣ байни муҳоҷирон супоришҳои мушаххас дода шуданд.
АКС: Вазорати меҳнат, муҳоҷират ва шуғли аҳолии Ҷумҳурии Тоҷикистон
Дар Душанбе масъалаи хизматрасонии профилактикӣ ва таъмири таҷҳизоти тиббӣ баррасӣ гардид
«САҲМИ ЗАНОН ДАР РУШДИ ИЛМ». Дар Душанбе таҳти ин унвон конференсияи байналмилалии илмӣ-амалӣ баргузор шуд
«КОРВОНИ САЛОМАТӢ». Сокинони ноҳияи Спитамен аз ташхису муоинаи ройгони тиббӣ гузаштанд
IRS: Дар роҳи Душанбе-Чанок ҳаракати тамоми намуди нақлиёт муваққатан маҳдуд карда шуд
ОГОҲӢ. 25-26 феврал дар Тоҷикистон бориши борон ва барф пешгӯӣ мешавад
Дар Тоҷикистон амалиёти ҷарроҳии урологӣ бе буриш гузаронида мешавад
АРТИШИ МИЛЛӢ — СИПАРИ БОЭЪТИМОДИ ВАТАН. Дар Душанбе барномаи ҳарбӣ-ватандӯстӣ ва гузашти низомӣ баргузор гардид
ЗАНОН ВА ШУҒЛИ ПУРМАҲСУЛ. Занону духтарон ҳуқуқ доранд касбу ҳунар ва самти фаъолиятро озодона интихоб намоянд
Дар Тоҷикистон низоми электронии сабти таваллуд ва фавт дар таваллудхонаҳои шаҳру ноҳияҳо амалӣ мегардад
ГУРДОФАРИДОНИ ВАТАН. Дар сафи Қувваҳои Мусаллаҳ беш аз 1000 нафар занону духтарон хизмат менамоянд
«ПЕШВОИ МИЛЛАТ-ПОЯГУЗОРИ АРТИШИ МИЛЛӢ». Дар Хатлон ҳамоиши сиёсӣ-тантанавӣ доир гардид
ИМРӮЗ — РӮЗИ ХАРИТАҲОИ ОБУҲАВОШИНОСӢ. Ин харитаҳо имкон медиҳанд, ки дар ҷомеа барои пешгирии офатҳо тадбирҳо андешида шавад
