Дар Душанбе бо намояндагони Дафтари минтақавии Созмони умумиҷаҳонии тандурустӣ дар Аврупо вохӯрӣ доир гардид
ДУШАНБЕ, 27.04.2023. /АМИТ «Ховар»/. 26 апрел дар шаҳри Душанбе Вазири тандурустӣ ва ҳифзи иҷтимоии аҳолии Ҷумҳурии Тоҷикистон Ҷамолиддин Абдуллозода бо миссияи Дафтари минтақавии Созмони умумиҷаҳонии тандурустӣ (СУТ) дар Аврупо таҳти роҳбарии хонум Аззопарди Маскат вохӯрӣ намуд. Дар ин хусус ба АМИТ «Ховар» дар маркази матбуоти вазорати мазкур хабар доданд.
Ҳадаф аз ташрифи миссияи Дафтари минтақавии СУТ дар Аврупо ба Тоҷикистон- ин дастгирии таҳкими низоми тандурустӣ, бахусус бо таваҷҷуҳ ба идоракунии қувваи кории соҳаи тандурустӣ, ислоҳоти маблағгузории соҳаи тандурустӣ, рушди КАТС, беҳтар намудани тавонбахшии маъюбон, истифодаи технологияҳои ёрирасон ва рақамикунонии соҳа дар мамлакат мебошад.
Таъкид карда шуд, ки Ҳукумати Ҷумҳурии Тоҷикистон ба масоили баланд бардоштани иқтидори кадрии соҳаи тандурустӣ таваҷҷуҳи махсус дода, дар ин самт пайваста тадбирҳои муҳим меандешад.
Ҳамзамон 26 апрел дар доираи ҳамкории Корхонаи давлатии «Заводи протезию ортопедӣ»-и шаҳри Душанбе ва Созмони умумиҷаҳонии тандурустӣ зимни амалинамоии лоиҳаи «Равзанаи ягона» дар назди Вазорати тандурустӣ ва ҳифзи иҷтимоии аҳолии Ҷумҳурии Тоҷикистон ва зерсохторҳои он барои солҳои 2022 – 2023 меҳмонон аз намоиши дастгоҳҳои ёрирасон барои маъюбон дидан намуданд.
Намоиши дастгоҳҳои ёрирасон дар Муассисаи кумаки аввалияи тиббӣ-санитарии ноҳияи Рӯдакӣ доир шуда, дар кори он ба як зумра маъюбони ноҳия воситаҳои тавонбахшии техникии маъюбӣ тақдим карда шуд.
Мавриди ёдоварист, ки ноҳияи Рӯдакӣ яке аз минтақаҳои таҷрибавии татбиқи лоиҳаи мазкур мебошад. Мақсад аз ҷудо намудани миқдори муайяни воситаҳои техникии тавонбахшӣ ба ноҳияи мазкур- ин гузаронидани мониторинги дастрасии маъюбон ва шаҳрвандон ба воситаҳои техникии тавонбахшӣ ба шумор меравад.
Аз тарафи Вазорати тандурустӣ ва ҳифзи иҷтимоии аҳолии Ҷумҳурии Тоҷикистон ҷиҳати таъмини табақаи маъюби мамлакат бо дастгоҳҳои ёрирасон дар миқёси ҷумҳурӣ мунтазам корвони хизматрасонии тавонбахшӣ, воситаҳои ёрирасон ва муоинаи беморон гузаронида мешавад.
АКС: Маркази матбуоти Вазорати тандрустӣ ва ҳифзи иҷтимоии аҳолии Ҷумҳурии Тоҷикистон
Ба Раёсатҳои захираҳои оби минтақаҳои ҳавзавии Вахш ва Панҷ нақлиёти нави барқӣ тақдим гардид
МАСЛИҲАТИ МУТАХАССИС. Истеъемоли биҳӣ мушкилоти ҳозима, аз ҷумла қабзиятро кам мекунад
Дар муассисаҳои тандурустии шаҳру ноҳияҳои Тоҷикистон усулҳои нави ҷарроҳӣ гузаронида мешавад
Имсол 39 нафар занони ҳунарманди вилояти Суғд соҳиби гранти президентӣ гардиданд
Дар шаҳри Копенгаген масъалаҳои саломатии кӯдакон ва ҳаёти солим баррасӣ гардид
Дар Душанбе ҷаласаи хотимавии «Муколамаи занони Осиёи Марказӣ» баргузор мегардад
35-СОЛАГИИ ИСТИҚЛОЛИ ДАВЛАТӢ. Истироҳатгоҳи «Санги сипар» дар Панҷакент барқарор карда мешавад
Дар Суди Олӣ оид ба нақши Конститутсия дар таҳкими давлати демократию ҳуқуқбунёд конференсия баргузор шуд
Бахшида ба Рӯзи Конститутсия бо иштироки судяҳо конфронси ҷумҳуриявии илмӣ-амалӣ баргузор гардид
«КОНСТИТУТСИЯ- ШОҲСУТУНИ ДАВЛАТИ ОБОДИ МО». Таҳти ин унвон дар Кумитаи хоҷагии манзилию коммуналӣ ҳамоиш доир гардид
Ҳаракати навбатии пиряхи Деҳдал мушоҳида гардид
Дар Академияи миллии илмҳо бахшида ба 31-солагии Конститутсия конференсияи илмию амалӣ баргузор шуд
