Дар ноҳияи Муъминобод бахшида ба Рӯзи даъватшаванда ҳамоиши тантанавӣ баргузор гардид
МУЪМИНОБОД, 03.04.2023 /АМИТ «Ховар»/. 2 апрел бахшида ба Рӯзи даъватшаванда дар комиссариати ҳарбии ноҳияи Муъминобод ҳамоиши тантанавӣ баргузор шуд, хабар медиҳад мухбири минтақавии АМИТ «Ховар» Сулаймон Холзода.
Дар он роҳбарияти ноҳияи Муъминобод, мақомоти ҳифзи ҳуқуқ, собиқадорони ҷангу меҳнат, роҳбарони ташкилоту муассисаҳо ва волидайни ҷавонони навдаъват иштирок намуданд.
Даъватшудагон ҳамроҳ бо волидонашон бо руҳияи тоза ва ҳисси баланди ватандӯстӣ вориди комиссариати ҳарбӣ гардиданд.
Роҳбарияти ноҳия ҳамагонро бо Рӯзи даъватшаванда, ки рамзи хизмати содиқона ва ҷавонмардона бар Ватан аст, табрик гуфта, ба волидоне, ки писаронашон ихтиёран ба сафи Қувваҳои Мусаллаҳ пайвастанд, изҳори сипос намуд.
Изҳор гардид, ки хизмат ба Ватан қарзи ҳар ҷавони тоҷик буда, вазифадоранд, ки марзу бум ва сарзамини муқаддаси худро бебокона ҳимоя намоянд.
Дар ҷамъомад аз ҷониби бахши ҷавонон ва варзиши ноҳия ба наваскарон сарулибоси варзишӣ, аз ҷониби Ташкилоти ҷамъиятии мададгори мудофиаи ноҳия ба 12 даъватшаванда шаҳодатномаи ронандагӣ ва аз ҷониби роҳбарияти ноҳия туҳфаҳои хотиравӣ тақдим карда шуд.
Дар анҷоми ҳамоиш падару модарон фарзандонашонро бо дуои нек ба қисмҳои низомӣ гусел намуданд.
АКС:Мақомоти иҷроияи ҳокимияти давлатии ноҳияи Муъминобод
Дар шаҳри Кӯлоб оид ба тарбияи ватандӯстӣ ва худшиносии миллӣ вохӯриҳо доир гардиданд
Дар шаҳри Кӯлоб оид ба пешгирии омилҳои хурофотӣ ва тафаккури ифротӣ вохӯрӣ доир шуд
Ҷаласаи 10-уми вазирони давлатҳои аъзои СҲИ оид ба коҳиши хатари офатҳои табиӣ доир шуд
Агар бо ҳолати фавқулода рӯ ба рӯ гардем, бояд ба куҷо муроҷиат намоем?
«ПАЁМ-РОҲНАМОИ ЗАНОН ДАР ҶОМЕА». Дар Душанбе ҳамоиши кормандзанони мақомоти корҳои дохилӣ доир шуд
Дар ноҳияи Шаҳритус ба ҷойи дарсхонӣ ба бозиҳои компютерӣ машғул шудани хонандагон ошкор карда шуд
Изҳороти Маркази матбуоти Қӯшунҳои сарҳадии Кумитаи давлатии амнияти миллии Ҷумҳурии Тоҷикистон
Дар Душанбе ҷаласаи Комиссияи байниидоравӣ оид ба муқовимат ба савдои одамон доир шуд
Котиби Шурои амнияти Ҷумҳурии Тоҷикистон бо Сафири Чин мулоқот намуд
ЭҲТИЁТ-КАФИЛИ АМНИЯТ. Риояи қоидаҳои бехатарӣ ҳангоми истифодаи гази моеъ омили асосӣ барои ҳифзи ҷони инсон аст
Милитсияи шаҳри Душанбе беш аз 160 ҳолати ба фолбинӣ машғул шудани шаҳрвандонро ошкор намуд
Дар Душанбе масъалаи таҳкими ҳамкорӣ дар самти муқовимат ба хариду фурӯши одамон баррасӣ гардид
