«ФУТБОЛ ДАР МАКТАБ». Фестивали футбол барои духтарон дар дораи ин лоиҳа ба роҳ монда шуд

ДУШАНБЕ, 10.04.2023 /АМИТ «Ховар»/. Дар муассисаи таълимии давлатии «Литсейи №3 барои хонандагони болаёқати шаҳри Душанбе» дар доираи лоиҳаи «Футбол дар мактаб» фестивал баргузор гардид. Дар ин хусус ба АМИТ «Ховар» дар Федератсияи футболи Тоҷикистон хабар доданд.

Лоиҳа аз ҷониби Вазорати маориф ва илми Ҷумҳурии Тоҷикистон ва Федератсияи футболи Тоҷикистон ба роҳ монда  мешавад.

Дар  маросими  ифтитоҳи Фестивал ҳудуди 100 духтари Литсейи рақами 3-и Душанбе иштирок кард. Дар доираи лоиҳаи «Футбол дар мактаб» дар муассисаи таълимии мазкур мусобиқа байни хонандагони литсей доир карда мешавад.

Қаблан лоиҳаи «Футбол дар мактаб» дар муассисаи таҳсилоти миёнаи умумии №3-и Шаҳринав, мактаб-интернати №1 барои кӯдакони ятиму бепарастори шаҳри Душанбе, мактаби миёнаи русӣ-тоҷикии ба номи Михаил Ломоносови шаҳри Бохтар, инчунин муассисаҳои таълимии миёнаи ноҳияи Носири Хусрав ташкил шуда буд.

Мақсади асосии фестивал оммавигардонии футбол байни наврасон ва ҷалби онҳо ба тарбияи ҷисмонӣ мебошад.

АКС: Федератсияи футболи Тоҷикистон