ШАРАФ БА ҶАВОНОНИ ВАТАНДӮСТ. Хатмкардагони Донишгоҳи байналмилалии забонҳои хориҷии Тоҷикистон ба Артиши миллӣ ҳамроҳ шуданд
ДУШАНБЕ, 26.04.2023 /АМИТ «Ховар»/. 25 апрел 14 хатмкардаи Донишгоҳи байналмилалии забонҳои хориҷии Тоҷикистон ба номи Сотим Улуғзода ба таври ихтиёрӣ барои хизмат ба Ватан ба сафи Қувваҳои Мусаллаҳи Ҷумҳурии Тоҷикистон ҳамроҳ гардид, ки ба ин муносибат дар саҳни муассиса ҷамъомади тантанавӣ ва барномаи хотирмони фарҳангӣ баргузор шуд. Дар ин хусус АМИТ «Ховар» бо истинод ба Донишгоҳи мазкур хабар медиҳад.
Дар маросим роҳбарияти Донишгоҳ, волидайни ҷавонон ва омӯзгорону донишҷӯён иштирок карданд.
Дар ҳамоиш дар бораи хизмат ба Ватан-Модар, дастгириву ташаббусҳои Пешвои миллат муҳтарам Эмомалӣ Раҳмон нисбат ба сарбозону афсарон дар замони соҳибистиқлолӣ ва ҳифзи марзу буми давлатӣ аз ҷониби родмардони Ватан сухан гуфта, ин амали дастпарварони Донишгоҳ намунаи ибрат барои дигар ҷавонон дониста шуд. Гуфта шуд, ки хизмат дар сафи Артиши миллӣ барои ҳар ҷавони ватандӯсту худшинос мактаби мардонагиву диловарӣ аст.
Воқеан, хизмат дар сафи Қувваҳои Мусаллаҳи мамлакат барои ҷавонон шараф буда, маҳз дар ин мактаб ҷавонон шуҷоату мардонагӣ омӯхта, муқаддастарин арзиши ҳаёт — дӯст доштан ва содиқонаву самимона муҳофизат кардани хоки Ватанро меомӯзанд.
Сипас, аз ҷониби бахши фарҳанги Донишгоҳ барномаи хотирмони фарҳангӣ-фароғатии саршор аз сурудҳои ватандӯстона пешниҳод гардид. Инчунин волидайни хатмкардагон сухан гуфта, ба фарзандонашон дуои хайр доданд.
Дар анҷоми ҳамоиш бо иҷрои анъанаи миллии «кулчагазон»-у дуои неки модарон, ки ҷавонони саодатманду меҳандӯст минбаъд ҳомию сипари боэътимоди Ватан гарданд, онҳо ба сафи Қувваҳои Мусаллаҳи Ҷумҳурии Тоҷикистон равона карда шуданд.
АКС: Донишгоҳи байналмилалии забонҳои хориҷии Тоҷикистон
Терроризм ва экстремизм хатари минтақавию байналмилалӣ дорад
ТАҒЙИРУ ИЛОВАҲО БА КОДЕКСИ ҲУҚУҚВАЙРОНКУНИИ МАЪМУРӢ. Дар ду соли охир дар садамаҳои роҳу нақлиёт зиёда аз ҳазор нафар ба ҳалокат расидааст
Прокурори генералии Тоҷикистон бо Сафири Иттиҳоди Аврупо масоили марбут ба ҳамкорӣ дар соҳаи амниятро баррасӣ намуд
Дар Бадахшон мусобиқаи варзишӣ аз намуди футбол байни сохторҳои қудратӣ ҷамъбаст гардид
Дар Вазорати мудофиаи Тоҷикистон Рӯзи Қувваҳои Мусаллаҳро бо шаҳомати хосса таҷлил намуданд
Дар Вазорати корҳои дохилӣ ба муносибати Рӯзи таъсиси Қувваҳои Мусаллаҳи Тоҷикистон ҳамоиш доир шуд
Бахшида ба Рӯзи Қувваҳои Мусаллаҳ дар Раёсати Вазорати корҳои дохилӣ дар шаҳри Душанбе ҳамоиш доир шуд
Дар Душанбе Рӯзи Қувваҳои Мусаллаҳи Тоҷикистон бошукуҳ таҷлил гардид
Қувваҳои Мусаллаҳ — сипари боэътимоди давлату миллат ва ҳифзи амнияту субот
Бахшида ба Рӯзи таъсиси Қувваҳои Мусаллаҳи Тоҷикистон дар Душанбе ҳамоиши тантанавӣ доир шуд
ҚУВВАҲОИ МУСАЛЛАҲИ ҶУМҲУРИИ ТОҶИКИСТОН. Он на танҳо сохтори низомӣ, балки рамзи мавҷудияту бақои давлат аст
Президенти Тоҷикистон: «Фидокорию ҷонбозиҳои афсарону сарбозони шуҷои Ватан ҳаргиз фаромӯш намешавад»
