Академияи миллии илмҳои Тоҷикистон бо якчанд муассисаи илмии Чин созишномаи ҳамкорӣ ба имзо расонид

Май 24, 2023 15:40

ДУШАНБЕ, 24.05.2023 /АМИТ «Ховар»/. 18 май дар Ҷумҳурии Мардумии Чин ҷиҳати тақвият ва тавсеаи ҳамкории муштараки илмӣ Академияи миллии илмҳои Тоҷикистон бо якчанд муассисаву ташкилоти илмии ин мамлакат созишномаҳои ҳамкорӣ ба имзо расонид.

Созишномаҳо дар доираи сафари давлатии Президенти Ҷумҳурии Тоҷикистон муҳтарам Эмомалӣ Раҳмон 16-19 май ба Ҷумҳурии Мардумии Чин ба имзо расиданд.

1. Созишнома оид ба ҳамкории таълимӣ, илмӣ ва техникӣ байни Академияи миллии илмҳои Тоҷикистон ва Донишгоҳи почта ва телекоммуникатсияи Чунтсини Чин.

Тавре ба АМИТ «Ховар» дар шуъбаи робитаҳои байналмилалии Академияи миллии илмҳои Тоҷикистон иттилоъ доданд, дар доираи ин санад дар Тоҷикистон таъсиси лабораторияи муосир ва омода намудани кадрҳо дар назар дошта шудааст.

  1. Созишнома байни Академияи миллии илмҳои Тоҷикистон ва Пажӯҳишгоҳи экология ва географияи Шинҷони Академияи илмҳои Чин дар бораи таъсиси Пажӯҳишгоҳи муштарак дар доираи иқдоми «Як камарбанд, як роҳ» оид ба ҳифз ва истифодаи устувори захираҳои биологӣ.

Тибқи ин санад дар заминаи Академияи миллии илмҳои Тоҷикистон ва Институти  экология ва географияи Шинҷони Академияи илмҳои Чин Пажуҳишгоҳи байналмилалии  муштараки ҳифз ва истифодаи босамари захираҳои биологӣ таъсис дода мешавад.

  1. Протоколи тасдиқи рӯйхати лоиҳаҳои муштараки илмию техникӣ, ки ҷиҳати маблағгузорӣ барои солҳои 2022-2023 байни Академияи миллии илмҳои Тоҷикистон ва Вазорати илм ва технологияи Ҷумҳурии Мардумии Чин тасдиқ шудааст.

Санади мазкур дар заминаи Протоколи ҷаласаи 2-юми Комиссияи байниидоравии Тоҷикистон ва Чин оид ба ҳамкории илмӣ-техникӣ аз 14 декабри соли 2021 мутобиқи Ёддошти тафоҳум байни Вазорати илм ва технологияи Ҷумҳурии мардумии Чин ва Академияи миллии илмҳои Тоҷикистон аз 31 августи соли 2017 бо мақсади тасдиқи номгӯи 20 лоиҳаи муштараки маблағгузоришаванда тартиб дода шудааст. Дар ин замина маблағгузории лоиҳаҳои муштарак дар ҳаҷми зиёда аз 4 млн доллари ИМА дар назар дошта шудааст.

  1. Созишнома оид ба ҳамкории илмӣ-техникӣ дар соҳаи геология байни Институти геология, сохтмони ба заминҷунбӣ тобовар ва сейсмологияи Академияи миллии илмҳои Тоҷикистон ва Маркази корҳои геологӣ-иктишофии Сиани Хадамоти геологии Чин.

Мақсади Созишнома аз он иборат аст, ки муносибатҳои корӣ дар соҳаи заминшиносӣ байни тарафҳо дар асоси баробарӣ, муносибати умумӣ ва манфиати тарафайн ба роҳ монда мешавад. Дар ин замина рушди ҳамкорӣ дар соҳаи илмҳои замин, мусоидат ба навоварӣ ва рушди илм ва технологияи геологӣ, рушди устувори иҷтимоӣ ва иқтисодӣ тавассути ҳамкории лоиҳавӣ, табодули иттилоот ва боздидҳои фардӣ (сафарҳои илмии тарафайн) роҳандозӣ мегардад.

Таҳлили раванди ҳамкории илмӣ-техникӣ байни муассисаҳои илмии ду мамлакат нишон медиҳад, ки муносибатҳои байнидавлатии Ҷумҳурии Тоҷикистон ва Ҷумҳурии Мардумии Чин ҳамчун давлатҳои дӯст ва ҳамсояҳои наздик аҳамияти калони иқтисодиву сиёсӣ дорад. Бо назардошти он ки илм ва фарҳанг яке аз воситаҳои асосии рушди дипломатияи мардумӣ ба ҳисоб меравад, он ҳамчунин самти хеле муҳим ва афзалиятноки ҳамкорӣ арзёбӣ гардидааст.

АКС: Хадамоти матбуоти Президенти Ҷумҳурии Тоҷикистон / АМИТ «Ховар»

Май 24, 2023 15:40

Хабарҳои дигари ин бахш

Кормандони Кумита оид ба таҳсилоти ибтидоӣ ва миёнаи касбӣ суханронии Сарвари давлатро ба муносибати Рӯзи дониш якҷоя тамошо намуданд
Ба намояндагони касбу кори гуногуни вилояти Хатлон мукофотҳои давлатӣ тақдим карда шуд
«Барномаи рушди соҳаҳои таҳсилоти ибтидоӣ ва миёнаи касбии Ҷумҳурии Тоҷикистон барои солҳои 2026-2030» қабул гардид
Татбиқи лоиҳаҳои сармоягузорӣ дар соҳаи таҳсилоти ибтидоӣ ва миёнаи касбӣ бо намояндаи Бонки Осиёии рушд баррасӣ гардид
Дар Душанбе оид ба татбиқи иммунизатсия бар зидди вируси папилломаи одам машварати омӯзишӣ оғоз шуд
Татбиқи лоиҳаи «Беҳтарсозии малакаҳои касбӣ ва имконияти бокортаъминшавӣ» баррасӣ гардид
НЕЪМАТЕ ХУШТАР ЗИ ИСТИҚЛОЛ НЕСТ! Муҳимтарин омили таҳкими истиқлоли Тоҷикистон густариши худшиносию худогоҳии миллӣ аст
Сиёсати иҷтимоии Пешвои миллат такягоҳи суботи иҷтимоӣ ва рушди устувори давлат мебошад
Беш аз 15 ҳазор оилаҳои дар минтақаи зериобшавандаи НБО «Роғун» қарордошта бо манзили доимии зист ва қитъаи замини наздиҳавлигӣ таъмин гардиданд
Тоҷикони муқими шаҳри Толяти аз пешрафту дастовардҳои Тоҷикистон ифтихор менамоянд
Дар Тоҷикистон Рӯзҳои иммунизатсияи иловагӣ бар зидди бемориҳои сурхча ва гулафшон оғоз гардид
Мутахассисон баланд шудани ҳолати ифлосшавии ҳавои атмосфериро дар Тоҷикистон пешгӯӣ менамоянд