Дар шаҳри Ҳисор Рӯзи Шашмақом пуршукуҳ таҷлил карда шуд
ДУШАНБЕ, 12.05.2023 /АМИТ «Ховар»/. Дар иртибот ба Рӯзи Шашмақом, ки ҳамасола дар Тоҷикистон 12 май доир мегардад, дар Кохи фарҳанги шаҳри Ҳисор маҳфили пуршукуҳи фарҳангӣ доир гардид. Роҳбарияти шаҳри Ҳисор ба ҳунармандони ансамбли «Шашмақом»-и бахши фарҳанги шаҳр, ки бо ҳунари волои сарояндагиву навозандагӣ дар рушди ин жанри мусиқӣ саҳми арзанда доранд, сипоснома ва туҳфаҳои Мақомоти иҷроияи ҳокимияти давлатии шаҳрро тақдим намуд. Дар ин хусус АМИТ «Ховар» бо истинод ба Мақомоти иҷроияи ҳокимияти давлатии шаҳри Ҳисор иттилоъ медиҳад.
Шашмақомсароёни ансамбл силсилаи суруду оҳангҳоро аз ин шоҳасари мусиқии халқи тоҷик пешниҳоди аҳли толор намуданд, ки аз ҷониби дӯстдорони жанри мусиқии Шашмақом бо кафкӯбиҳои бардавом истиқбол гардид.
Бояд тазаккур дод, ки дар даврони соҳибистиқлолии Тоҷикистон бо дастгириву ғамхории Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон жанри Шашмақом ва ҳунари мақомсароӣ рушду такомул ёфт. Ин аст, ки бо Фармони Президенти мамлакат 12 майи соли 2000 ба дастаи мақомхонони Кумитаи телевизион ва радиои назди Ҳукумати Ҷумҳурии Тоҷикистон мақоми давлатӣ ва номи устоди Шашмақом Фазлиддин Шаҳобов дода шуд.
Дар иртибот ба ин ҳар сол 12 май дар саросари ҷумҳурӣ Рӯзи Шашмақом таҷлил мегардад. Инчунин дар партави ин Фармони Президенти мамлакат дар шаҳру навоҳии Тоҷикистон, аз ҷумла дар шаҳри Ҳисор дастаҳои мақомсароён ташкил карда шуд, ки дар рушду такомули ин жанри мусиқӣ нақши назаррас мегузоранд.
Ҳамзамон бо таъсиси Консерваторияи миллии Тоҷикистон дар соли 2000, Ансамбли давлатии мақомхонони «Нури Хуҷанд» (2000), Академияи мақом (2003) ва Мактаби мусиқии бачагонаи «Шашмақом» дар Душанбе (2005) дар таълиму тадриси жанри мусиқии Шашмақом шароити мусоид фароҳам оварда шуд.
Бо пешниҳоди Ҳукумати Ҷумҳурии Тоҷикистон созмони фарҳангии байналмилали ЮНЕСКО соли 2003 Шашмақомро шоҳкории мероси фарҳанги ғайримоддӣ эълон намуд. Бояд тазаккур дод, ки шоҳасари безаволи мусиқии классикии «Шашмақом» дар радифи Фалак, Даргилик, Нақш, Мавригӣ ва ғайра дар хазинаи фарҳанг ва тамаддуни бою қадимии мардуми тоҷик ганҷи бебаҳо аст.
АКС: Мақомоти иҷроияи ҳокимияти давлатии шаҳри Ҳисор
Дар Тоҷикистон Рӯзҳои фарҳанги Федератсияи Русия оғоз гардид
Таҳти унвони «Меандешам пас ҳастам» намоиши осори Рассоми халқии Тоҷикистон Сӯҳроб Қурбонов оғоз гардид
Дар Фестивали байналмилалии «Интермузей. БРИКС+» густариши ҳамкорӣ байни осорхонаҳо баррасӣ шуд
Дар Донишгоҳи технологии Тоҷикистон даври якуми Озмуни ҷумҳуриявии «Донандаи беҳтарини асарҳои Пешвои миллат» доир гардид
Бахшида ба 35-солагии робитаҳои бародаршаҳрӣ байни Душанбе ва Санкт-Петербург дар Осорхонаи миллӣ намоиши аксҳо ифтитоҳ ёфт
Аъзои ҳайати шаҳри Санкт-Петербург дар Осорхонаи миллӣ бо давраҳои пурифтихори таъриху фарҳанги бостонии тоҷикон шинос шуданд
Дабири кулли САҲА дар Осорхонаи миллии Тоҷикистон бо тамаддуни миллати тоҷик шинос шуд
Рушди ҳамкории фарҳангии Тоҷикистону Қирғизистон баррасӣ шуд
«…МОДАР ЯКТОСТ, ТОҶИКИСТОН ЯКТОСТ…». Ба зодрӯзи Шоири халқии Тоҷикистон устод Лоиқ Шералӣ 85 сол пур шуд
«МЕАНДЕШАМ, ПАС ҲАСТАМ». Таҳти ин унвон намоиши осори Рассоми халқии Тоҷикистон Суҳроб Қурбонов ташкил карда мешавад
Дар Бишкек маросими тантанавии ифтитоҳи Рӯзҳои фарҳанги Ҷумҳурии Тоҷикистон баргузор гардид
Дар Донишкадаи санъати тасвирӣ ва дизайни Тоҷикистон даврҳои омӯзишии «Эбру», 3D ва колиграфия ифтитоҳ шуданд
