«ОИЛАИ МАСЪУЛИЯТШИНОС». Байни волидони хонандагони муассисаҳои вилояти Хатлон озмун идома дорад

Май 1, 2023 11:44

 ДУШАНБЕ, 01.05.2023. /АМИТ «Ховар»/. «Оилаи масъулиятшинос» — таҳти чунин унвон байни волидони хонандагони тамоми муассисаҳои таълимии шаҳру ноҳияҳои вилояти Хатлон озмун идома дорад. Мақсад аз он — баланд бардоштани масъулияти волидон дар таълиму тарбияи фарзанд ва зич намудани ҳамкории падару модар бо муассисаҳои таълимӣ мебошад. Дар ин хусус ба АМИТ «Ховар» дар Раёсати маорифи вилояти Хатлон хабар доданд.

Дар озмуни мазкур фаъолтарин оилаҳо иштирок намуда, ба масъулияти онҳо аз рӯйи 10 шарти озмун ва талабот баҳо гузошта мешавад. Озмуни мазкур инчунин бо мақсади мусоидат дар ташкили китобхонаҳои хонагӣ, мустаҳкам намудани ҳамкории волидон бо муассисаи таълимӣ, ҷоннок кардани иштироки насли наврасу калонсол дар озмунҳои ҷумҳуриявӣ, ба эҷодкорию шеърдӯстӣ ҷалб намудан ва дарёфту муаррифӣ кардани оилаҳои намунавию пешсафи ҷомеа, ки дар таълиму тарбияи фарзанд аз ҷумлаи муваффақтарин маҳсуб мешаванд, ташкил гардидааст.

Дар айни замон озмуни «Оилаи масъулиятшинос» дар сатҳи вилоят идома дошта, дар самти баланд гардидани масъулияти волидон дар таълиму тарбияи фарзанд ва зич шудани ҳамкории онҳо бо муассисаи таълимӣ мусоидат намуда истодааст.

Мутасаддиёни озмун дар суҳбат бо волидон иброз доштанд, ки дар таъмини иҷрои муқаррароти Қонуни Ҷумҳурии Тоҷикистон «Дар бораи масъулияти падару модар дар таълиму тарбияи фарзанд» ташаббускору фаъол  бошанд. Фарзандони худро ба роҳи дуруст, анҷоми амалҳои тақдирсоз, омӯзиши илму ҳунар ва азхуднамоии техникаву технологияи муосир, ширкати фаъолона дар корҳои ҷамъиятӣ ва ободониву созандагии Ватан ҳидоят созанд, то ин ки дар оянда тавонанд аз фарзандони содиқу номдори  худ ифтихор намоянд.

Ёдовар мешавем, ки соли 2011 дар мамлакат Қонуни Ҷумҳурии Тоҷикистон «Дар бораи масъулияти падару модар дар таълиму тарбияи фарзанд»  қабул шуд, ки аз 6 боб ва 17 модда иборат аст. Қонуни мазкур аз муқаррароти умумӣ, ҳуқуқ ва уҳдадориҳои падару модар дар таълиму тарбияи фарзанд, уҳдадориҳои фарзанди болиғу қобили меҳнат дар парасторӣ ва таъмини маишати падару модар, уҳдадориҳои омӯзгор, мақомоти давлатӣ, муассиса ва дигар ташкилоте, ки масъалаҳои вобаста ба тарбияи кӯдакро танзим мекунанд, чораҳои пешгирӣ ва ҷавобгарӣ барои иҷро накардани уҳдадориҳо дар таълиму тарбияи фарзанд ва муқаррароти хотимавӣ иборат мебошад.

АКС: Раёсати маорифи вилояти Хатлон

Май 1, 2023 11:44

Хабарҳои дигари ин бахш

Дурнамои ҳамкории Тоҷикистон ва Туркия дар самти меҳнат ва шуғли аҳолӣ баррасӣ гардид
Вобаста ба баланд бардоштани тавонмандсозӣ барои самаранокии идораи давлатӣ ҳамоиш доир шуд
«ЗАНОН ДАР ИҚТИСОДИ «САБЗ» ВА РАҚАМӢ». Дар шаҳри Гулистон Форуми минтақавии Муколамаи занони Осиёи Марказӣ доир шуд
Беш аз 80 ҳазор нафақагирони шаҳри Душанбе аз индексатсия баҳраманд шуданд
Озмуни ҷумҳуриявии нонпазии «Зеби дастархон» ҷамъбаст шуд
Намояндаи Тоҷикистон дар Форуми байналмилалӣ оид ба таҷрибаи Тоҷикистон дар омӯзиши бозори меҳнат сухан гуфт
Раиси Шурои уламои Тоҷикистон бо медали фахрии Анҷумани роҳбарони динҳои ҷаҳонӣ ва суннатӣ сарфароз гардонида шуд
Дар Суғд Форуми Муколамаи занони Осиёи Марказӣ баргузор мешавад
МАСЛИҲАТИ МУТАХАССИС. Хӯрдани анҷир хавфи бемории дилро кам менамояд
35-СОЛАГИИ ИСТИҚЛОЛИ ДАВЛАТӢ. Барои кормандони соҳаи ҳифзи муҳити зист 4 бинои маъмурӣ ба истифода дода мешавад
Истеъмоли хурмо узви босираро мустаҳкам намуда, пеш аз муҳлат пиршавии баданро пешгирӣ менамояд
21 СЕНТЯБР — РӮЗИ БАЙНАЛМИЛАЛИИ СУЛҲ. Тоҷикистон дар роҳи таҳкими сулҳ ва амният дар ҷаҳон пешсаф аст