«ШАҲРАКИ ТАХТИ САНГИН-МЕРОСИ БОСТОНИИ ХАЛҚИ ТОҶИК». Оид ба он дар Осорхонаи миллӣ конфронси ҷумҳуриявӣ доир шуд
ДУШАНБЕ, 19.05.2023 /АМИТ «Ховар»/. «Шаҳраки Тахти Сангин – мероси бостонии халқи тоҷик» — таҳти чунин унвон 15 май дар Осорхонаи миллии Тоҷикистон конфронси илмӣ-амалии ҷумҳуриявӣ баргузор гардид, ки дар он роҳбарият ва кормандони Осорхонаи миллӣ, намояндагони Академияи миллии илмҳои Тоҷикистон, устодону донишҷӯёни Донишгоҳи давлатии омӯзгории Тоҷикистон ба номи Садриддин Айнӣ ва Донишгоҳи миллии Тоҷикистон иштирок намуданд. Дар ин хусус ба АМИТ «Ховар» сардори шуъбаи экскурсионӣ ва оммавии Осорхонаи миллии Тоҷикистон Фариддун Кенҷаев иттилоъ дод.
Иштирокдорони конфронс дар мавзуъҳои «Тахти Сангин – маркази динии Ориёнвейҷ», «Ҳифз ва муаррифии Тахти Сангин дар даврони истиқлол», «Тахти Сангин аз нигоҳи муҳаққиқони тоинқилобии рус», «Баргузории ҳафриёт дар ёдгории эллинистии Тахти Сангин дар даврони Истиқлоли давлатии Ҷумҳурии Тоҷикистон» маъруза намуданд.
Таъкид шуд, ки «Тахти Сангин» ёдгории арзишманде аст, ки ба давраҳои Ҳахоманишиҳо, Мақдуниҳо ва Кушониён (асрҳои V то мелод ва II мелодӣ) тааллуқ дошта, бозёфтҳои нодири он бо номи «Хазинаи Амударё» то ба имрӯз мавриди омӯзишу таҳқиқи олимони ҷаҳон қарор дорад.
Ёдгории таърихии «Тахти Сангин» дар даврони Истиқлоли давлатии Тоҷикистон барои ворид гардидан ба Феҳристи мероси фарҳангии ҷаҳонии ЮНЕСКО пешниҳод шуда, ноябри соли 2021 номинаи Тоҷикистон оид ба 2500-солагии шаҳраки қадимаи «Тахти Сангин» ба Феҳристи ҷашнвораҳои ЮНЕСКО барои таҷлил дар солҳои 2022-2023 ворид шуд.
Дар хотимаи конфронси илмӣ-амалии ҷумҳуриявӣ байни олимон, муҳаққиқон, бостоншиносон дар мавзуи «Шаҳраки Тахти Сангин – мероси бостонии халқи тоҷик» табодули афкор сурат гирифт.
АКС: Осорхонаи миллии Тоҷикистон
Чойхонаи тоҷикии «Шоми Ваҳдат» фарҳанги миллати тоҷикро дар шаҳри Краснодар муаррифӣ менамояд
Дар Донишкадаи давлатии фарҳанг ва санъати Тоҷикистон Маркази машваратӣ-равоншиносӣ таъсис дода шуд
НИШАСТИ МАТБУОТӢ. Дар Консерваторияи миллии Тоҷикистон даврҳои кӯтоҳмуддати омӯзишӣ таъсис дода шудаанд
Лоиҳаи «Барномаи давлатии рушди адабиёти бачагона дар Ҷумҳурии Тоҷикистон барои солҳои 2026-2030» таҳия мегардад
3 феврал дар якчанд вазорату идораҳо нишастҳои матбуотӣ баргузор мегарданд
Дар Муассисаи давлатии «Тоҷикфилм» барои дастгирии лоиҳаҳои филмсозони ҷавон ягон монеа вуҷуд надорад
1050-СОЛАГИИ РОБИАИ БАЛХӢ. Мавзуи асосии сурудаҳои ӯ ишқу муҳаббати инсонӣ, тасвири табиат ва зебоиҳои он мебошанд
Ёдгориҳои Хутали Қадим таъриху фарҳанги бостонии миллати тоҷикро дар арсаи ҷаҳонӣ муаррифӣ менамояд
«ҲАФТРАНГ БА ХОТИРАИ УСТОД». Дар Донишкадаи давлатии санъати тасвирӣ ва дизайни Тоҷикистон намоишгоҳ оғоз гардид
САДА — ҶАШНИ БОСТОНИИ МАРДУМИ ТОҶИК. Нуру гармӣ ҷавҳар ва рамзу асли зиндагиофарии ин ид мебошанд
РӮЗИ БАЙНАЛМИЛАЛИИ ЗАРГАР. Мардуми тоҷик давоми ҳазорсолаҳо бо санъати заргарии худ шуҳрат пайдо кардааст.
НИШАСТИ МАТБУОТӢ. «Феҳристи номҳои миллии тоҷикӣ» дар таҳрири нав таҳия шудааст
