ТЕРРОРИЗМ ВА ЭКСТРЕМИЗМ — ХАТАРИ ҶИДДӢ БА ҶОМЕАИ ҶАҲОНӢ. Дар Душанбе доир ба ин мавзӯъ ҳамоиш доир шуд
ДУШАНБЕ, 07.05.2023. /АМИТ «Ховар»/. Дар Муассисаи давлатии «Маркази миллии тиббии Ҷумҳурии Тоҷикистон»— «Шифобахш» вобаста ба пешгирии ҷинояткорӣ, аз ҷумла пешгирии ҳолатҳои коррупсионӣ, терроризм ва экстремизм ҳамоиш доир гардид, ки дар он роҳбарияти Вазорати тандурустӣ ва ҳифзи иҷтимоии аҳолии Ҷумҳурии Тоҷикистон ва доираи васеи кормандони соҳаи тандурустӣ иштирок намуданд, хабар доданд ба АМИТ «Ховар» дар маркази матбуоти Вазорати тандурустӣ.
Дар ҳамоиш гуфта шуд, ки ин падидаҳои номатлуб ба пешрафт ва шукуфоии ҷомеа хатари ҷиддӣ ворид сохта, монеаи рушди соҳаҳои ҳаётан муҳим мегарданд.
Мафҳуми муқовимат ба коррупсия фаъолияти тамоми мақомоти давлатиро барои ошкор, пешгирӣ ва бартараф кардани сабабу шароити ба омилҳои коррупсионӣ мусоидаткунанда, мубориза бо ҳуқуқвайронкунӣ ва ҷиноятҳои коррупсионӣ, таъмини ҳуқуқу озодиҳо, баланд бардоштани сатҳи зиндагии шаҳрвандон, пешрафти иқтисодиёт ва таъмини амнияти мамлакат дар бар мегирад.
Пешвои миллат муҳтарам Эмомалӣ Раҳмон иброз намудаанд, ки «коррупсия зуҳуроти номатлубест, ки эътимоди мардумро ба давлат коста гардонида, обрӯву эътибори онро коҳиш медиҳад, ба рушди иқтисодиёти пинҳонӣ ва истифодаи ғайримақсадноки маблағҳои давлативу ҷамъиятӣ шароит фароҳам меорад, дар маҷмуъ боиси поймолшавии ҳуқуқи инсон ва заиф шудани пояҳои ахлоқии ҷомеа мегардад».
Президенти Ҷумҳурии Тоҷикистон муҳтарам Эмомалӣ Раҳмон дар суханрониҳои худ дар чорабиниҳои сатҳи байналмилалӣ, мулоқот бо роҳбарони давлатҳо, зиёиён, ҷавонону занон пайваста дар бораи торафт реша давонидани терроризм ва ифротгароӣ хушдор дода, онҳоро ҳамчун таҳдиди ҷиддӣ ба ҷомеаи ҷаҳонӣ ва ҷони ҳар сокини сайёра маҳкум менамоянд: «Терроризм ва экстремизм, аз як ҷониб, чун вабои аср хатари глобалии ҷиддӣ буда, аз ҷониби дигар аъмоли он гувоҳ аст, ки террорист ватан, миллат ва дину мазҳаб надорад, балки як таҳдиде ба ҷомеаи ҷаҳонӣ ва ҷони ҳар як сокини сайёра аст».
Дар ҳамоиш иштирокчиён дар мавзуи «Муқовимат ба коррупсия- вазифаи асосии ҳар шаҳрванд» ва «Терроризм ва экстремизм- хатари саросарии ҷомеаи ҷаҳонӣ» маъруза намуданд.
Ҳамзамон вобаста ба пешгирии шомилшавӣ ба ҳизбу ҳаракатҳои экстремизм ва терроризм ба ҳозирин видеоролик намоиш дода шуд.
АКС: Вазорати тандурустӣ ва ҳифзи иҷтимоии аҳолии Ҷумҳурии Тоҷикистон
Чаро ғизои дар ҳавопаймо дастрас маззаи хӯроки маъмулиро надорад?
ИНТИХОБОТИ ВАКИЛОНИ ХАЛҚ-2025. Интихобот ифодаи рушди демократия мебошад
БАРДОШТ АЗ ПАЁМ. Ҳар давлати миллӣ ба сифати арзишҳои миллӣ, пеш аз ҳама, забонро мавриди пуштибонӣ ва ҳимоя қарор медиҳад
ДАСТОВАРДИ ТАБИБОНИ ТОҶИК. Бори аввал дар самти бемории рагҳои мағзи сар ҷарроҳӣ ба тариқи эндоскопӣ гузаронида шуд
«МАҚОМИ ЗАНОН ДАР МЕҲВАРИ ПАЁМ». Дар шаҳри Душанбе ҳамоиши занону духтарон баргузор гардид
Масъалаи касбомӯзии аҳолӣ дар меҳвари таваҷҷуҳи Ҳукумати мамлакат, хусусан Президенти Тоҷикистон қарор дорад
Дар ҳама шаҳру ноҳияҳои сераҳолии Тоҷикистон марказҳои касбомӯзию хизматрасонӣ ва рушди малака таъсис дода мешаванд
Президенти Тоҷикистон: «Дар фарҳангу тамаддуни тоҷикон иззату эҳтироми зан – модар ҳамеша ҷойгоҳи хос дорад»
Масъалаи муқовимат ба коррупсия дар ҷараёни иҷрои Барномаи давлатӣ оид ба кумаки унвонии иҷтимоӣ баррасӣ шуд
