ТОҶИКИСТОН ВА ЧИН. Бо мақсади зиёд намудани ҳаҷми ҳамлу нақли байналмилалӣ гузаргоҳи «Қулма-Қаросу» таҷдид мегардад
ДУШАНБЕ, 22.05.2023 /АМИТ «Ховар»/. Тоҷикистон ва Чин хамкориро дар соҳаи нақлиёт тақвият мебахшанд. Далели ин ба имзо расидани Ёддошти тафоҳум байни Вазорати нақлиёти Ҷумҳурии Тоҷикистон ва Вазорати нақлиёти Ҷумҳурии Мардумии Чин оид ба ҳамкорӣ мебошад, ки 18 майи соли равон дар шаҳри Сиани Чин дар ҳузури Сарони ду давлат ба имзо расид. Дар ин хусус АМИТ «Ховар» бо истинод ба Вазорати нақлиёти ҷумҳурӣ иттилоъ медиҳад.
Тибқи ин санад вазоратҳои нақлиёти ду давлат омодагии худро барои идома ва густариши ҳамкорӣ дар чаҳорчӯби ташаббуси «Як камарбанд, як роҳ» ва «Муколамаи Осиёи Марказӣ ва Чин» изҳор намуда, тасмим гирифтанд, ки дар самтҳои зерин ҳамкорӣ намоянд:
— Сохтмон ва таҷдиди гузаргоҳи «Қулма-Қаросу» бо мақсади зиёд намудани ҳаҷми ҳамлу нақли байналмилалӣ;
— Сохтмон ва таҷдиди шоҳроҳи Барсем (ноҳияи Шуғнони Вилояти Мухтори Кӯҳистони Бадахшон) — Кулма (сарҳади ВМКБ Тоҷикистон ва НМШУ Чин), шоҳроҳи байналмилалии Душанбе — Кӯлоб — Дарвоз — Мурғоб — Кулма;
— Фаъолгардонӣ ва таҷҳизонидани Маркази нақлиёту логистикии шаҳри Кӯлоб.
Интизор меравад, ки тавассути долони нақлиётии мултимодалии Чин-Тоҷикистон-Туркманистон-Эрон-Туркия борҳо нахуст тавассути роҳи автомобилгард аз Чин ба шаҳри Кӯлоб, ки дар он яке аз 5 минтақаи озоди иқтисодии таъсисдодаи Тоҷикистон фаъолият мекунад, интиқол дода шаванд. Аз ин ҷо борҳо ба Узбекистон-Туркманистон-Эрон-Туркия ва сипас ба кишварҳои Аврупо интиқол дода мешавад.
Ёдовар мешавем, ки ҳамлу нақли байналмилалии автомобилӣ байни Тоҷикистон ва Чин дар асоси Созишномаи байни Ҳукумати Ҷумҳурии Тоҷикистон ва Ҳукумати Ҷумҳурии Мардумии Чин, ки 27 августи соли 2008 ба имзо расида буд, амалӣ карда мешавад.
АКС: Вазорати нақлиёти Ҷумҳурии Тоҷикистон
Тоҷикистон тасмим гирифтааст, ки то соли 2040 дастрасии ҳадди ақалл 90 фоизи аҳолиро ба оби мутамарказ таъмин намояд
Татбиқи лоиҳаҳои иҷтимоию иқтисодӣ дар Тоҷикистон бо Бонки аврупоии таҷдид ва рушд баррасӣ гардид
Эмомалӣ Раҳмон: «Тоҷикистон тасмим гирифтааст, ки то соли 2040 рақамикунонии мудирияти захираҳои обро то 80 фоиз афзоиш диҳад»
РАВАНДИ ОБИ ДУШАНБЕ. Дар намоишгоҳи байналмилалӣ иқтидори обию энергетикӣ ва шаҳсозии Тоҷикистон муаррифӣ гардид
РАВАНДИ ОБИ ДУШАНБЕ. Дар Душанбе таҳти унвони «Об — манбаи ҳаёти инсоният» Фестивали об ва барномаи фарҳангӣ доир шуд
Имконоти иқтисодии Тоҷикистон бо ҳайати намояндагони ширкатҳои байналмилалии молиявӣ баррасӣ шуд
РАВАНДИ ОБИ ДУШАНБЕ. Форуми ҳамоҳангсозии Осиёи Марказӣ оид ба мониторинг, арзёбӣ ва моделсозии пешгӯии пиряхҳо ва криосфера баргузор гардид
РАВАНДИ ОБИ ДУШАНБЕ. Устувории низомҳои озуқаворӣ дар давраи камбуди ҷаҳонии об дар Душанбе баррасӣ гардид
Форуми байналмилалии «Об ва зеҳни сунъӣ – робитаи дуҷониба» баргузор гардид
Равиши ҳамгироёнаи идоракунии захираҳои об дар меҳвари Форуми 7-уми байналмилалӣ дар Душанбе қарор гирифт
РАВАНДИ ОБИ ДУШАНБЕ. Машварати минтақавии Осиё ва Уқёнуси Ором оид ба Конфронси оби СММ баргузор гардид
Султон Раҳимзода: «Тоҷикистон имконияти бузурги таъмини кишварҳои Осиёи Марказӣ ва ҳатто Осиёи Ҷанубиро бо барқи «сабз» дорад»
