Дар Бадахшон чорабинии «Тоҷикистон ягона-Бадахшон нигини он» идома дорад

Июнь 19, 2023 10:10

ДУШАНБЕ, 19.06.2023. /АМИТ «Ховар»/. Тавре қаблан иттилоъ додем, аз 16 то 23 июни соли равон дар шаҳру ноҳияҳои Вилояти Мухтори Кўҳистони Бадахшон чорабиниҳои илмиву маърифатӣ, фарҳангиву зеҳнӣ, тандурустиву варзишӣ ва суҳбату вохўриҳо бо сокинон таҳти унвони «Тоҷикистон ягона-Бадахшон нигини он» идома доранд. Дар доираи ин чорабиниҳо, аз ҷумла бо ташаббуси Вазорати фарҳанги Ҷумҳурии Тоҷикитон дар як зумра шаҳру ноҳияҳои вилоят барномаҳои фарҳангии дастаҳои ҳунарӣ ва намоишномаҳои Театри давлатии ба номи М. Воҳидов ва Театри давлатии академии ба номи А.Лоҳутӣ баргузор мегарданд, хабар медиҳад АМИТ «Ховар» бо истинод ба маркази матбуоти вазорати мазкур.

Тибқи иттилои манбаъ, 15 ва 16 июни соли равон барномаҳои консертии ҳунармандони Филармония давлатии ба номи А. Ҷӯраев, ансамбли эстрадии «Гулшан», ансамблҳои рақсӣ дар қисми низомӣ ва байни мардуми санъатдӯсти ноҳияи Дарвоз баргузор гардид.

Мардуми сарбаланди ноҳия аз барномаҳои таҳиянамудани ҳунармандон гарму самимӣ истиқбол намуда, бо шукргӯзорӣ аз Истиқлоли давлатӣ, сулҳу ваҳдати мамлакат дар ҳавои суруду таронаҳои ҳунармандон мерақсиданду хушҳолӣ мекарданд.

19 июн дар ноҳияи Мурғоб ва 23 июн дар шаҳри Хоруғ низ чунин барномаҳои бошукуҳи консертӣ доир мегарданд.

Барномаҳои фарҳангӣ дар шаҳру ноҳияҳои дигари вилоят идома дошта, дар назар аст, ки дар ноҳияҳои Ванҷу Роштқалъа низ баргузор гарданд.

21 июн дар ноҳияи Ишкошим ва 22 июн дар шаҳри Хоруғ Театри давлатии академии ба номи А.Лоҳутӣ намоиши “Зан ва дузд”-ро манзури тамошобинон хоҳад намуд.

23 июн дар шаҳри Хоруғ баргузории мулоқоти муовини Сарвазири Ҷумҳурии Тоҷикистон Матлубахон Сатториён бо роҳбарони сохторҳои давлатӣ, фаъолон ва собиқадорони вилоят ва ҳамчунин Конференсияи илмӣ-амалӣ дар мавзуи «Тоҷикистон ягона-Бадахшон нигини он дар назар дошта шудааст».

АКС: Вазорати фарҳанги Ҷумҳурии Тоҷикитон

Июнь 19, 2023 10:10

Хабарҳои дигари ин бахш

Барои мукофотонидани ғолибони Озмуни ҷумҳуриявии «Шоҳномахонӣ» 2 миллиону 660 ҳазор сомонӣ ҷудо карда мешавад
ТУҲФАИ АРЗАНДАИ ПРЕЗИДЕНТИ ТОҶИКИСТОН. Ба беш аз 57 ҳазор оилаи шаҳри Ваҳдат «Шоҳнома» тақдим мегардад
ИЛМ ДАР БАЛАНДИИ ЗИЁДА АЗ 5000 МЕТР. Дар калонтарин пиряхи Тоҷикистон — Ванҷях таҳқиқоти илмӣ гузаронида шуд
Академияи миллии илмҳои Тоҷикистон бо Донишгоҳи давлатии омӯзгории Шинҷони Чин ҳамкориро тақвият медиҳад
Ёдгориҳои нодири тамаддуни тоҷикон дар Осорхонаи миллии Чин ба намоиш гузошта шуданд
Аз ҷониби нашриёти «Адиб» чор китоб ба нашр расид
Туҳфаи арзишманди Пешвои миллат — китоби «Шоҳнома» ба ноҳияи Файзобод расид
Байни консерваторияҳои Тоҷикистон ва Чин Ёддошти тафоҳум ба имзо расид
Намояндагони Шурои байналмилалии ҳунармандӣ бо намунаҳои сӯзании Панҷакент шинос шуданд
Сокинони шаҳри Роғун соҳиби туҳфаи Президенти Тоҷикистон — «Шоҳнома»-и Абулқосим Фирдавсӣ гардиданд
«АНДАЛЕБ-2025». Дар Панҷакент даври шаҳрии фестивал- озмуни ҷумҳуриявии телевизионӣ доир шуд
Намояндаи Тоҷикистон дар ҳамоиши тарғибгарони илм дар Чин иштирок намуд