Дар Хуҷанд ба 12 нафар эҳтиёҷманд калиди хонаи истиқоматӣ тақдим гардид
ДУШАНБЕ, 29.06.2023. /АМИТ «Ховар»/. 26 июн дар шаҳри Хуҷанд, дар арафаи Рӯзи Ваҳдати миллӣ ба 12 нафар мутахассисони соҳаҳои гуногун ва кадрҳои ҷавон, инчунин оилаҳои камбизоат калиди хонаҳои истиқоматӣ супорида шуд, хабар медиҳад АМИТ «Ховар» бо истинод ба Хадамоти матбуоти Раиси вилояти Суғд.
Хонаҳои истиқоматӣ дар биноҳои баландошёнаи шаҳри Хуҷанд ҷойгир буда, дорои шароити зарурӣ мебошанд.
Дар маросими тақдими калиди хонаҳои истиқоматӣ Раиси вилояти Суғд Раҷаббой Аҳмадзода таъкид кард, ки иқдоми мазкур дар асоси дастуру ҳидоятҳои Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон амалӣ гардида, ҳадафи он дастгирии кадрҳои ҷавон ва қишри ниёзманди ҷомеа мебошад.
Раиси вилоят изҳор дошт, ки иқдоми мазкур минбаъд низ идома ёфта, марҳила ба марҳила мутахассисони соҳаҳои мухталиф бо манзили зист таъмин карда мешаванд.
Шахсоне, ки соҳиби хона шудаанд, воқеан ҳам ба беҳтар намудани шароити зист ниёз дошта, барои дастгирӣ ба Пешвои муаззами миллат муҳтарам Эмомалӣ Раҳмон барои зоҳир намудани ғамхорӣ изҳори миннатдорӣ намуданд.
АКС: Хадамоти матбуоти Раиси вилояти Суғд
ИХТИРОЪКОРИ БЕҲТАРИНИ ТОҶИКИСТОН. Фаъолияти Ганҷина Наврӯззода намунаи ибрат ва шоистаи пайравӣ аст
Пешвои миллат: «Зан – модар меҳвари хонавода ва пайвандгари оила бо ҷомеа аст»
Эмомалӣ Раҳмон: «Модар рамзи ҷовидонаи ҳаёти башар аст»
Дар Ваколатдор оид ба ҳуқуқи инсон Рӯзи Модар ҷашн гирифта шуд
Ба нақши беназири модарон дар ҳаёти оила ва ҷомеа ҳамеша арҷ гузошта мешавад
МОДАР — САРЧАШМАИ МЕҲРУ ВАФО. Рӯзи Модарро дар Агентии суғуртаи иҷтимоӣ ва нафақа таҷлил намуданд
Нақши занон дар таҳкими Истиқлоли давлатӣ ва рушди иҷтимоию сиёсии Тоҷикистон назаррас аст
Бахшида ба 35-солагии Истиқлоли давлатӣ дар Хатлон 6260 иншооти гуногун ба истифода дода шуд
Дар Душанбе ба муносибати Рӯзи Модар барномаи бошукуҳи фарҳангӣ доир гардид
Занон дар рушди иқтисодиёти Тоҷикистон саҳми назаррас доранд
«ТУҲФА БА МОДАР». Сарбозон бо дастовез ба назди модарон мераванд
