Дар КВД «Тоҷикаэронавигатсия» машғулияти амалӣ оид ба қоидаҳои бехатарӣ аз сӯхтор гузаронида шуд
ДУШАНБЕ,13.06.2023 /АМИТ «Ховар»/. Бо ҷалби намояндагони Сарраёсати Хадамоти давлатии оташнишонии Вазорати корҳои дохилии Ҷумҳурии Тоҷикистон, дастаи наҷотдиҳӣ аз сӯхтор, Хадамоти ҷустуҷӯии садамавӣ, наҷотдиҳӣ, таъминоти парвозҳои Фурудгоҳи байналмилалии шаҳри Душанбе дар Корхонаи воҳиди давлатии «Тоҷикаэронавигатсия» машғулияти навбатии амалӣ оид ба риояи қоидаҳои бехатарӣ аз сӯхтор гузаронида шуд, ки дар он кормандони ин корхона фаъолона иштирок намуданд.
Тавре АМИТ «Ховар» бо истинод ба КВД «Тоҷикаэронавигатсия» иттилоъ медиҳад, дар машғулияти мазкур мутахассисон доир ба риояи қоидаҳои бехатарӣ аз сўхтор маълумоти муфассал дода, дар бораи расонидани кумаки аввалия ҳангоми сўхтор, хомўш намудани оташ ва истифодаи таҷҳизот тавсияҳои муфид доданд.
Дар доираи машқи амалӣ корманди аз оташ осебдидаи манораи назоратии КВД «Тоҷиаэронавигатсия»-ро тибқи қоида ба берун интиқол доданд. Ин яке аз вазифаҳо дар доираи машқи амалӣ буд. Бо истифода аз воситаҳои нақлиёту таҷҳизоти оташнишонӣ сӯхтори шартӣ дар масоҳати аввалааш бе паҳншавӣ хомӯш карда шуд.
Кормандон дар раванди машғулияти амалӣ сарҷамъона ва бо ҳисси масъулиятшиносӣ иштирок намуда, усули истифодаи таҷҳизотро омўхта, сӯхторро хомўш намуданд.
Бояд гуфт, ки ҳадафи гузаронидани машқҳои амалӣ оид ба қоидаҳои бехатарӣ аз сӯхтор, пеш аз ҳама сайқал додани маҳорати оташнишонӣ, омодагии кормандон дар пешгирию хомўш намудани сӯхтор ва ҳамагуна ҳодисаҳои номатлуб мебошад.
Илова бар ин, дар КВД «Тоҷикаэронавигатсия» тамоми чораҳои зиддисӯхтор андешида шуда, бинои он бо таҷҳизоти оташнишонӣ таъмин ва маълумоти зарурӣ овезон шудаанд.
Корҳои фаҳмондадиҳӣ низ аз ҷониби масъулон ва кормандон ба роҳ монда шуда, тафтишу санҷиши ҳолати истифодаи биноҳо, иншоот, дастгоҳҳо, техника, механизмҳо, дигар таҷҳизот, воситаҳои нақлиёт ва асбобҳо тибқи нақша амалӣ карда мешавад.
АКС: КВД «Тоҷикаэронавигатсия»
Ҷаласаи корӣ бо иштироки роҳбарони мақомоти марказии иҷроияи ҳокимияти давлатии Ҷумҳурии Тоҷикистон доир гардид
ПЕШГИРИИ СӮХТОР. Қоидаҳо бар зидди сӯхторро қатъиян бояд риоя намуд
Милитсияи пойтахт аз шаҳрвандон талаб намуд, ки аз фурӯшу паҳнсозӣ ва истифодаи маводи тарфгарӣ худдорӣ кунанд
Ба муносибати таъсиси Воҳидҳои таъйиноти махсуси милитсия дар вилоятҳои Суғд, Хатлон ва Бадахшон ҷамъомади тантанавӣ доир шуд
РӮЗИ ТАЪСИСИ ВОҲИДҲОИ ТАЪЙИНОТИ МАХСУСИ МИЛИТСИЯ. Кормандони ин ниҳод вазифаҳои душвору масъулиятнок бар зимма доранд
Дар Минск вохӯрии вазирони корҳои дохилии Тоҷикистон ва Беларус баргузор гардид
Изҳороти Маркази матбуоти Қӯшунҳои сарҳадии Кумитаи давлатии амнияти миллии Ҷумҳурии Тоҷикистон
«МУҚОВИМАТ БО КОРРУПСИЯ ДАР СОҲАИ ТИҶОРАТ». Дар Душанбе таҳти ин унвон форуми байналмилалӣ баргузор мешавад
Дар Душанбе оид ба усулҳои нави ҷамъоварии маълумот дар самти муқовимат ба савдои одамон ҷаласа доир шуд
Нақшаи даъвати тирамоҳии шаҳрвандони Тоҷикистон ба сафи Артиши миллӣ пурра иҷро гардид
Ҳайати Тоҷикистон дар конференсияи 26-уми байналмилалии раисони судҳои олии кишварҳои ҷаҳон иштирок намуд
ҚОИДАҲОИ БЕХАТАРӢ АЗ СӮХТОРРО РИОЯ НАМОЕД! Дар Тоҷикистон беш аз 900 ҳодисаи сӯхтор ба қайд гирифта шудааст
