Дар шаҳри Турсунзода фарзандони шуҷои Ватан бо мукофотҳои давлатӣ сарфароз гардонида шуданд

Июнь 13, 2023 11:30

ДУШАНБЕ, 13.06.2023. /АМИТ «Ховар»/. Дар шаҳри Турсунзода бо фарзандони шуҷои Ватан, ки ҳангоми ҳифзи сарҳади давлатӣ ҳалок ва захмӣ гардидаанд бо Фармони Президенти Ҷумҳурии Тоҷикистон  бо мукофотҳои давлатӣ сарфароз гардонида шуданд. Дар ин хусус ба АМИТ «Ховар» дар Мақомоти иҷроияи ҳокимияти давлатии шаҳри Турсунзода хабар доданд.

Бо ин мақсад дар Мақомоти иҷроияи ҳокимияти давлатии шаҳри Турсунзода бо иштироки роҳбарияти шаҳр, Қӯшунҳои сарҳадии Кумитаи давлатии амнияти миллии Ҷумҳурии Тоҷикистон ва намояндагони касбу кори гуногун ҷамъомад баргузор гардид.

Дар ҷамъомад аз хизматҳои қаҳрамононаи сарбози дар муноқишаҳои сарҳадӣ ҳалокшуда, сокини деҳаи Байналмилали Ҷамоати деҳоти Регари шаҳри Турсунзода Ҳамидулло Шодмонов ва сарбози дар муноқишаҳои мазкур захмишуда, сокини Ҷамоати деҳоти Навобод, деҳаи Шодмон-2 Санҷар Эшниёзов ёдовар шуда, дар фазои тантанавӣ ба волидони Ҳамидулло Шодмонов ва сарбоз Санҷар Эшниёзов мукофотҳо супорида шуданд.

Дар бораи қаҳрамониҳою ҷасорати фарзандони шуҷои Ватан, саҳми арзандаи онҳо дар ҳифзи марзу бум ва ҷоннисориҳо дар роҳи садоқат ба Ватан сухан гуфта, ҳозирин хизмат ба Ватан — Модарро қарзи шаҳрвандии ҳар як ҷавонмарди боору баномус унвон намуданд.

АКС: Мақомоти иҷроияи ҳокимияти давлатии шаҳри Турсунзода

Июнь 13, 2023 11:30

Хабарҳои дигари ин бахш

Дар Душанбе Маркази тамоси электронӣ оид ба қабули муроҷиатҳо ташкил карда шуд
АМАЛИЁТИ «БАЧАҲО». Бо мақсади пешгирии ҳодисаҳои роҳу нақлиёт бо иштироки кӯдакону наврасон гузаронида мешавад
Сатҳи забондонии кормандони милитсияи Хатлон санҷида мешавад
Дар шаш моҳ дар Тоҷикистон 495 ҳолати машғул шудан ба ҷодугарӣ ва фолбинӣ ошкор карда шуд
«МАДАНИЯТИ ШАҲРДОРӢ». Дар Хатлон бо мақсади таҳким бахшидани ҳамкорӣ бо аҳолӣ амалиёт гузаронида шуд
Дар Душанбе татбиқи марҳилаи дуюми лоиҳаи «Шаҳри бехатар» баррасӣ гардид
Дар Хатлон масъалаҳои ҳифзи тартиботи ҷамъиятӣ баррасӣ карда шуданд
Дар Вазорати мудофиаи Тоҷикистон тарҳрезии либоси хизматчиёни ҳарбӣ дар шакли ягонаи миллӣ баррасӣ гардид
Сатҳи забондонии кормандони Вазорати корҳои дохилӣ санҷида мешавад
ДАСТОВАРДИ ДАВРОНИ СОҲИБИСТИҚЛОЛӢ. Ба таъсиси Кумитаи ҳолатҳои фавқулода ва мудофиаи граждании Тоҷикистон 31 сол пур шуд
Ҳамкорӣ дар самти пешгирии ҷинояткорӣ байни милитсияи Душанбе ва Тошканд тақвият меёбад
Дар Хоруғ машқи омодабошии мудофиаи ҳудудӣ ва захираҳои сафарбарӣ баргузор шуд