«КӮЗАИ ВАҲДАТ». Мехоҳед онро бубинед? Пас барои тамошои он ба Осорхонаи миллии Тоҷикистон биёед!
ДУШАНБЕ, 13.06.2023. /АМИТ «Ховар»/. Моҳи июли соли 1999 дар Тоҷикистон бо ташаббуси Президенти мамлакат, Пешвои миллат муҳтарам Эмомалӣ Раҳмон «Корвони сулҳу ваҳдат дар Шоҳроҳи ваҳдат» ташкил шуд, ки ба ҳайати он 240 нафар фаъолони ҷомеаи шаҳрвандӣ шомил гардида буданд. Корвони мазкур аз Қулма ва Мурғоби Вилояти Мухтори Кӯҳистони Бадахшон шуруъ карда, то шаҳри Исфараи вилояти Суғд сафар намуданд ва бо мардум суҳбату вохўриҳо доир карда, ғояҳои дӯстию хештаншиносиро талқин намуданд. Ҳангоми сафар аҳли корвон аз ҳамаи минтақаҳои Тоҷикистон як кафӣ хок ҷамъ намуданд ва аз он ҳунармандони шаҳри Исфара кӯзаи мунаққаше сохтанд. Кӯза ба таври рамзӣ «Кӯзаи Ваҳдат» номгузорӣ шуд.
Тавре дар Осорхонаи миллии Тоҷикистон ба АМИТ «Ховар» хабар доданд, «Корвони сулҳу ваҳдат дар Шоҳроҳи ваҳдат» «Кӯзаи Ваҳдат» -ро дар ҳузури иштирокдорони Анҷумани чоруми тоҷикон ва форсизабонони ҷаҳон ба Президенти Ҷумҳурии Тоҷикистон муҳтарам Эмомалӣ Раҳмон тақдим намуд.
Сарвари давлат бо самимият «Кӯзаи Ваҳдат»-ро қабул намуда, онро бӯсиданд. Ашки шодӣ беихтиёр дар чашмонашон ҳалқа зад ва изҳор намуданд, ки: «Ин кӯза аз хок нест, аз зар аст! Зеро, ки тамоми хоки Тоҷикистон зар аст!»
Ҳоло ин нигораи нодири таърихӣ дар Осорхонаи миллӣ дар қатори дигар кӯзаю армуғонҳо бо рамзи «Эҳёи Ваҳдат» ба намоиш гузошта шудааст.
Ёдовар мешавем, ки дар экспозитсияи гӯшаи «Ваҳдати миллӣ» дар Осорхонаи миллии Тоҷикистон нигораҳо ва аксҳои гуногун пешниҳод шудаанд, ки онҳо инъикоскунандаи давраҳои расидан ба сулҳу субот ва ваҳдати миллӣ дар Тоҷикистон мебошанд.
АКС: Осорхонаи миллии Тоҷикистон
Ҳамкорӣ байни муассисаҳои илмӣ-таҳқиқотии Тоҷикистон ва Ҷопон густариш меёбад
ШОҲНОМАПАЖӮҲӢ ДАР ЗАМОНИ СОҲИБИСТИҚЛОЛИИ ТОҶИКИСТОН. Ҳадафи ниҳоии Фирдавсӣ аз иншои асараш инсонсозӣ бо ҳувияти миллӣ будааст
Китоби «Мероси таърихӣ, фарҳангӣ ва табиии Тоҷикистон» аз чоп баромад
Антропологи машҳури рус дар ёдгории Сари Майни ноҳияи Айнӣ таҳқиқот мегузаронад
НИШАСТҲОИ МАТБУОТӢ. 21 июл дар вазорату идораҳои Тоҷикистон нишастҳои матбуотӣ оғоз мегарданд
«Қалъаи Хуҷанд» ба рӯйхати 10 мавзеи ҷолиби сайёҳии Тоҷикистон шомил гардидааст
Дар мавзеи Сари Майни ноҳияи Айнӣ корҳои омӯзишии бостоншиносӣ ва антропологӣ оғоз ёфт
Санъаткорони Қирғизистон Осорхонаи миллии Тоҷикистонро тамошо карданд
Дар Душанбе бо мақсади рушди ҳамкорӣ дар самти илмҳои яхшиносӣ вохӯрӣ баргузор гардид
Ба Маркази мероси хаттӣ беш аз 100 нусха китобҳои чопи сангӣ ва дастнависҳо тақдим гардид
«ШОҲНОМА». Фирдавсӣ дар сар то сари ин асари безавол дӯст доштани Ватанро таъкид мекунад
Беш аз 23 ҳазор нусха китобҳои Китобхонаи миллии Тоҷикистон ба шаҳру ноҳияҳои ҷумҳурӣ фиристода шуд
