МУҚОВИМАТ БА ЭКСТРЕМИЗМ ВА ТЕРРОРИЗМ. Дар Норак ба ҷавонон аз даст надодани ҳушёрию зиракии сиёсиро таъкид намуданд

Июнь 15, 2023 20:47

НОРАК, 15.06.2023. /АМИТ «Ховар»/. Ифротгароӣ – зуҳуроти номатлубест, ки на танҳо барои кишварҳои алоҳида ё минтақаҳои муайян, балки барои тамоми сайёра ва ҷомеаи осоишта хатари бузург дорад. Чӣ бояд кард, то ҷавонони мо фирефтаи таблиғоти ин созмону ҳаракатҳои характери ифротиву террористидошта нагарданд? Ин суолест, ки ҷомеа имрӯз ба он посух меҷӯяд. Дар ин хусус 14 июн зимни мулоқоти гурӯҳи кории Мақомоти иҷроияи ҳокимияти давлатии шаҳри Норак бо сокинон, ҷавонон ва волидайни хонандагони муассисаҳои таҳсилоти миёнаи умумии шаҳр гуфта шуд.

Тавре ба АМИТ «Ховар» дар Мақомоти иҷроияи ҳокимияти давлатии шаҳри Норак хабар доданд, дар мулоқот масъулин оид ба раванди иҷрои Фармони Президенти Ҷумҳурии Тоҷикистон «Дар бораи Стратегияи муқовимат ба экстремизм ва терроризм дар Ҷумҳурии Тоҷикистон барои солҳои 2021-2025» маълумот дода, аз ҷумла изҳор намуданд, ки ифротгароӣ – ин экстремизм аст. Дар «Фарҳанги забони тоҷикӣ» маънии калимаи «ифрот» чунин оварда шудааст: аз ҳад гузаштан, зиёдаравӣ кардан, аз андоза берун баромадан. Маънии калимаи лотинии extremus низ қариб айнан ҳамин чиз аст: амале ё ақидаеро ба ҳадди ифрот расонидан, ба ақидаҳои ба ҳадди ифрот расонидашуда пайравӣ кардан мебошад.

Таъкид гардид, ки барои анҷом додани амалҳои носолими худ ин гурӯҳҳои даҳшатангез асосан аз нерӯи ҷавон ва махсусан ҷавонони дорои дониши нокифоя ва ноогоҳ истифода мекунанд ва онҳоро бо ҳар роҳу восита ба доми худ мекашанд.

Хотиррасон гардид, ки дар шароити мураккаби ҷаҳони муосир баҳри ҳифзи манфиатҳои сиёсиву иқтисодӣ ва фарҳангию иҷтимоӣ назди ҷавонон вазифаҳое истодаанд, ки иҷрои онҳо баҳри таҳкими истиқлолият ва бақои давлату миллат аҳмияти бузургеро доро мебошанд. Бахусус, аз даст надодани зиракии сиёсӣ ва ҳушёрӣ зарур аст, ки аз ҷониби Асосгузори сулҳу ваҳдати миллӣ- Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон пайваста таъкид мегардад.

Барои насли ҷавон ҳифзи манфиатҳои миллӣ, ҳимояи марзу буми Ватан, боло гузоштани арзишҳои миллӣ аз ҳама гуна манфиатҳои шахсӣ бояд нуктаи меҳварӣ бошад.

АКС: Мақомоти иҷроияи ҳокимияти давлатии шаҳри Норак

Июнь 15, 2023 20:47

Хабарҳои дигари ин бахш

ТАШАККУЛИ МАКТАБИ ЗЕҲНГАРОЁНАИ ИДОРАКУНӢ ДАР СИЁСАТИ ҶУМҲУРИИ ТОҶИКИСТОН. Мулоҳизаҳои докторони илми фалсафа Хайриддин Усмонзода ва Саидмурод Фаттоҳзода
Дар Душанбе вобаста ба хатари хурофот ва ифротгароӣ ҳамоиш доир шуд
ҲАҶ ФАРЗ АСТ Ё ХУДНАМОЙИИ ҲОҶИЁН? Агар зоирон нисфи хароҷоти исрофкоронаашонро барои бунёди пул, ҳаммом, кандани ҷӯй сарф менамуданд, аҷру савоби бештар мегирифтанд
ЗАНГӮЛАИ ҲУШДОР ВА Ё ҲИДОЯТҲОИ НАВИНИ ПЕШВОИ МИЛЛАТ. Дар ҳошияи мулоқоти Президенти Тоҷикистон бо фаъолон, намояндагони ҷомеа ва ходимони дини мамлакат
Мубориза бо зуҳуроти номатлуб ва риояи қонуни миллӣ дар вохӯрии намояндагони Кумитаи дин бо гумрукчиёни мамлакат баррасӣ гардид
СОЛИМИИ МИЛЛАТ АЗ ТАФАККУРИ НАСЛИ ҶАВОН ВОБАСТА МЕБОШАД. Андешаҳои Зулфиқор Гулаҳмадзода дар ин мавзуъ
МО-ЗИДДИ ХУРОФОТ! Он чашмҳои биноро кӯр ва гӯшҳои шунаворо кар менамояд
СИЁСИШАВИИ ДИН — ХАТАР БА ФАРҲАНГИ МИЛЛӢ ВА СУБОТИ ҶОМЕА. Андешаҳои профессор Нозим Маҳмадизода дар ин мавзуъ
ХУРОФОТПАРАСТӢ-САРЧАШМАИ ҶАҲОЛАТУ ТОРИКӢ. Дар Консерваторияи миллии Тоҷикистон ин зуҳуроти номатлубро маҳкум намуданд
Эмомалӣ Раҳмон: «Хурофот хатарест, ки ба имрӯзу ояндаи Тоҷикистон ва минтақа таҳдиди ҷиддӣ дорад»
Сарвари давлат аз вазъи таассубу хурофот дар мамлакат изҳори нигаронӣ намуданд
Дар Хуросон дар мавзуи «Сиёсишавии дин ҳамчун омили пайдоиши гурӯҳҳои динӣ – ифротӣ ва роҳҳои пешгирии он дар ҷомеаи Тоҷикистон» ҷаласа доир шуд