Таҷрибаи Ваҳдати миллии тоҷикон аз ҷониби Созмони Милали Муттаҳид эътироф гардидааст
ДУШАНБЕ, 26.06.2023 /АМИТ «Ховар»/. «Боиси ифтихор аст, ки таҷрибаи Ваҳдати миллии тоҷикон аз ҷониби Созмони Милали Муттаҳид эътироф гардида, барои ҳалли мушкилоти дохилии дигар давлатҳо аз ҷониби созмонҳои гуногуни байналмилалӣ таҳти омӯзиш қарор дорад». Чунин гуфта шуд дар ҳамоише, ки бахшида ба 26-умин солгарди Рӯзи Ваҳдати миллӣ дар Корхонаи воҳиди давлатии «Тоҷикаэронавигатсия» доир шуд.
Тавре АМИТ «Ховар» бо истинод ба «Тоҷикаэронавигатсия» иттилоъ медиҳад, иштирокдорони ҳамоиш доир ба Ваҳдати миллӣ, сарчашмаи сулҳу оромиш ва роҳ ба сӯи фардои дурахшон, оид ба таърих ва саҳми Ваҳдати миллӣ дар рушди соҳаи авиатсияи граждании Ҷумҳурии Тоҷикистон, рушди соҳаи авиатсия пас аз ба даст овардани сулҳу ваҳдати тоҷикон сухан гуфтанд.
Таъкид гардид, ки маҳз бо хиради азалии Президенти Ҷумҳурии Тоҷикистон муҳтарам Эмомали Раҳмон миллати тоҷик аз парокандагӣ наҷот ёфт, давлат аз нестшавӣ ва халқ аз ҷанги шаҳрвандӣ раҳо гардид, дар рушди соҳаҳои сиёсӣ, иқтисодиву иҷтимоӣ ва таърихиву фарҳангии давлати мустақили Тоҷикистон заминаи боэътимод гузошта шуд. Дар замони муосир истиқлол ва ваҳдат волотарин ва пурарзиштарин дастоварди давлат ба шумор рафта, пос доштани ин неъмати беназир, эҳтирому арҷ гузоштан ба муқаддасоти миллӣ ва мероси бойи сиёсиву маънавии роҳи давлатсозӣ вазифаи муқаддаси ҳар як фарди ҷомеа маҳсуб меёбад.
Иштирокдорон иброз намуданд, ки маҳз сулҳу субот ва ваҳдату ягонагӣ буд, ки дар даврони Истиқлоли давлатӣ соҳаи авиатсия рушд ёфт ва ба дастовардҳои назаррас ноил гардид. Дар ин раванд бо иштироки Сарвари давлат ба истифода додани аэровокзал, терминали нав, терминали боркашонӣ, толори замонавии қабулу гусели меҳмонон ва манораи назоратии танзимӣ бо таҷҳизоти муосир, алалхусус таҷҳизоти аэронавигатсионӣ, далели гуфтаҳои боло мебошад.
АКС: Корхонаи воҳиди давлатии «Тоҷикаэронавигатсия»
Дар Душанбе оид ба таҳкими ҳамкории минтақавӣ дар самти коҳиши хавфи офатҳо вохӯрӣ доир шуд
Маркази тадқиқоти стратегии Тоҷикистон бо Институти осиёии дипломатия ва муносибатҳои байналмилалии Непал Ёддошти тафоҳум ба имзо расонид
Муовини Сарвазири Тоҷикистон дар Конфронси минтақавии сатҳи баланд вобаста ба пешгирии зӯроварӣ нисбат ба кӯдакон иштирок намуд
Густариши ҳамкорӣ дар самти татбиқи системаҳои рақамӣ дар раванди таълим бо намояндагони Бунёди аврупоии маориф баррасӣ шуд
Дар муассисаҳои кумаки аввалини тиббию санитарии Тоҷикистон шакли намунавӣ амалӣ мегардад
ИМРӮЗ — РӮЗИ БАЙНАЛМИЛАЛИИ ЗАНОНИ ДЕҲОТ. Фаъолияти Раҳима Салимова дар деҳа намунаи ибрат аст
Маркази тадқиқоти стратегии Тоҷикистон ва Гурӯҳи муассисаҳои MERI-и Ҳиндустон ҳамкориро тақвият мебахшанд
РӮЗИ ҶАҲОНИИ КОҲИШИ ХАТАРИ ОФАТҲОИ ТАБИӢ. Барои пешгирӣ аз пайомадҳои офатҳои табиӣ шаҳрвандон низ бояд масъулиятшинос бошанд.
Байни Маркази тадқиқоти стратегии Тоҷикистон ва Институти Чин ва Осиёи муосири Академияи илмҳои Русия Ёддошти тафоҳуми ҳамкорӣ ба тасвиб расид
Тавассути «Почтаи Тоҷикистон» беш аз 27 миллион рӯзномаю маҷалла ба мизоҷон расонида шуд
Дар Душанбе Форуми дуюми коршиносии «Осиёи Марказӣ – Русия: рӯзномаи рушди муштарак» ба кори худ оғоз намуд
СИРДАРЁ МУТТАҲИД МЕНАМОЯД. Дар Гулистон Форуми сеюми ҷавонони ҳавзаи дарёи Сир – 2025 баргузор мегардад
