ҲАДАФ — ТАЪМИНИ ШАФФОФИЯТ. Намояндагони Прокуратураи генералӣ бо фаъолияти марказҳои имтиҳонии Маркази миллии тестӣ шинос шуданд
ДУШАНБЕ, 06.07.2023. /АМИТ «Ховар»/. Бо мақсади пешгирӣ аз омилҳои номатлуб ва таъмини шаффофияти фаъолият намояндагони Прокуратураи генералии Ҷумҳурии Тоҷикистон бо фаъолияти марказҳои имтиҳонии Маркази миллии тестии назди Президенти Ҷумҳурии Тоҷикистон дар шаҳри Душанбе аз наздик шинос шуданд. Дар ин хусус ба АМИТ «Ховар» дар Маркази милллии тестӣ хабар доданд.
Мақсади шиносоӣ пеш аз ҳама, назорати риояи тартиби муқарраркардаи Ҳукумати Ҷумҳурии Тоҷикистон дар рафти имтиҳонҳо, шароити барои имтиҳонсупории довталабон фароҳамовардашуда ва огоҳонидани шахсони масъули дар ин раванд ҷалбшуда оид ба пешгирӣ аз амалҳои номатлуб буд.
Ҳангоми суҳбат бо шахсони масъули дар рафти имтиҳонҳо ҷалбшуда, намояндагони Прокуратураи генералӣ дар бораи аҳаммияти имтиҳонҳои марказонидаи дохилшавӣ (ИМД) дар соҳаи маорифи ҷумҳурӣ, риояи талаботу қоидаҳои муқарраргардида дар раванди имтиҳонҳо, пешгирӣ аз амалҳои номатлубу қаллобӣ, андешидани чораҳо барои дар сатҳи зарурӣ баргузор кардани имтиҳонҳо таъкид карданд.
«Марказ бояд барои дар сатҳи зарурӣ ва бо рияои қатъии тартиби муқарраркардаи Ҳукумати Ҷумҳурии Тоҷикистон баргузор кардани имтиҳонҳо тамоми чораҳои заруриро андешида, шаффофияту адолатро аз муҳимтарин усули кори худ қарор дода, онро дар ҳамаи раванду марҳалаҳои имтиҳонҳои марказонидаи дохилшавӣ таъмин намояд»-иброз доштанд кормандони Прокуратура.
Таъкид карда шуд, ки дониш ва малакаю маҳорати ҳар яке аз довталабон воқеӣ (объективона) арзёбӣ карда, ҳеҷ гоҳ ба дахолати инсонӣ (аз берун), тақаллуб ва амалҳои ба ин монанд дар имтиҳонҳои марказонидаи дохилшавӣ роҳ дода нашавад. Барои пешгирӣ аз ҳар гуна амалҳои номатлуб дар раванди имтиҳонҳои марказонидаи дохилшавӣ тамоми тадбирҳои зарурӣ андешида шавад.
АКС: Маркази миллии тестии назди Президенти Ҷумҳурии Тоҷикистон
Ҷавонони боистеъдоди тоҷик дар беҳтарин муассисаҳои таҳсилоти олии давлатҳои пешрафтаи ҷаҳон таҳсил доранд
Дар Вазорати маориф ва илм рафти иҷрои барномаҳои давлатии соҳаи маориф дар шаҳру ноҳияҳои тобеи ҷумҳурӣ баррасӣ гардид
Дар Донишгоҳи байналмилалии забонҳои хориҷии Тоҷикистон Маркази иттилоот, инноватсия ва рақамикунонӣ ифтитоҳ гардид
Президенти Тоҷикистон: «Барои таълиму тарбияи наврасону ҷавонон 11 лоиҳаи сармоягузории давлатӣ татбиқ мегардад»
Суханронии Президенти Федератсияи футболи Тоҷикистон муҳтарам Рустами Эмомалӣ ба муносибати нахустин Рӯзи ҷаҳонии футбол
Бо мақсади омӯзиши ҳатмии забонҳои хориҷӣ замимаи мобилии «Забондон» таҳия гардид
Робитаҳои илмӣ-академӣ байни муассисаҳои таълимии Тоҷикистон ва Федератсияи Русия тақвият меёбанд
Ректори Донишгоҳи давлатии Самарқанд «Доктори фахрӣ»-и Донишгоҳи миллии Тоҷикистон шуд
ТАЪТИЛИ ТОБИСТОНА. Дар ин давра маҳфилҳои ҳунару забономӯзӣ ва варзишию фарҳангии ройгон ташкил карда мешаванд
ТАЪТИЛИ ТОБИСТОНА. Волидайн ва масъулин барои бофароғат ва самаранок гузаронидани он чӣ гуна омодагӣ мебинанд?
Сатҳи татбиқи технологияҳои иттилоотӣ дар муассисаҳои миёнаи умумии вилояти Хатлон таҳлил карда мешавад
Дар Донишгоҳи давлатии омӯзгории Тоҷикистон оид ба беҳтар намудани таълими забони русӣ конференсия доир шуд
