Дар ҳошияи Форуми сиёсии сатҳи баланди СММ ташаббуси Тоҷикистон оид ба таъсиси Маркази минтақавии дипломатияи нақлиётӣ баррасӣ шуд

Июль 19, 2023 10:55

ДУШАНБЕ, 19.07.2023 /АМИТ Ховар»/. Ташаббуси Ҷумҳурии Тоҷикистон оид ба таъсис додани Маркази минтақавии дипломатияи нақлиётӣ дар шаҳри Душанбе дар чорабинии канорӣ, ки дар ҳамкории Тоҷикистон бо ТРАСЕКА, Маркази байналмилалии дипломатияи нақлиётӣ дар доираи Форуми сиёсии сатҳи баланди Шӯрои иқтисодӣ ва иҷтимоии Созмони Милали Муттаҳид баргузор гардид, баррасӣ шуд.

Дар ин хусус АМИТ «Ховар» бо истинод ба Вазорати нақлиёти мамлакат иттилоъ медиҳад.

Вазири нақлиёти Ҷумҳурии Тоҷикистон оид ба ташаббуси Ҷумҳурии Тоҷикистон дар бораи таъсиси Маркази минтақавии дипломатияи нақлиётӣ дар шаҳри Душанбе, ки дар робита ба он ризоияти Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон гирифта шудааст, маълумоти муфассал дод. Зимни ишора ба зарурат ва ҳадафи таъсиси ин марказ гуфта шуд, ки таъсиси нахустин Маркази минтақавии дипломатияи нақлиётӣ дар Душанбе яке аз рӯйдодҳои муҳими ин самт арзёбӣ гардида, он саҳми назарраси худрро ҷиҳати расидан ба ҳадафҳои марбут ба Рӯзномаи 2030 оид ба рушди устувор хоҳад гузошт.

Муовини Дабири кулли Созмони Милали Муттаҳид, Намояндаи олии Гурӯҳи кишварҳои пешрафтаи маҳсур дар хушкӣ, кишварҳои дар ҳоли рушд ва давлатҳои хурди ҷазиравӣ дар нишасти мазкур баррасии мавзуи чорабиниро саривақтӣ ва муҳим шуморида, ташаббуси Ҷумҳурии Тоҷикистонро ҷонибдорӣ намуд.

Дар нишаст Дабири кулли Котиботи доимии Комиссияи байниҳукуматии ТРАСЕКА, Котиби иҷроияи Маркази байналмилалии дипломатияи нақлиётӣ, намояндагони муассисаҳои таълимӣ ва ассотсиатсияҳои тиҷоратии кишварҳои Осиёи Марказӣ низ аз ин ташаббуси Ҷумҳурии Тоҷикистон истиқбол намуда, таъсиси чунин Марказро муҳим донистанд. Дар баробари ин зимни нишасти мазкур боз як ташаббуси муҳим- ташкили аввалин Озмуни ҷаҳонии донишҷӯён оид ба устувории занҷири таъминот пешниҳод гардид.

Бояд тазаккур дод, ки зарурати таъсиси Маркази минтақавии дипломатияи нақлиётӣ дар шаҳри Душанбе аз ҷониби Вазири нақлиёти Тоҷикистон дар нишасти 10-уми вазирони нақлиёти кишварҳои аъзои Созмони ҳамкории Шанхай, ки охири моҳи апрели соли 2023 дар пойтахти Ҳиндустон- шаҳри Деҳлӣ доир гардид, эълон шуда буд.

АКС: Вазорати нақлиёти Ҷумҳурии Тоҷикистон

 

Июль 19, 2023 10:55

Хабарҳои дигари ин бахш

Сарвазири мамлакат Қоҳир Расулзода дар ноҳияи Дӯстӣ бо рафти ҷамъоварии ҳосили пахта ва корҳои созандагӣ шинос гардид
Дар Душанбе таҳкими ҳамкорӣ вобаста ба конфронси СИТЕС баррасӣ шуд
Шуруъ аз 16 сентябр дар масири Сиан-Душанбе парвозҳои мустақими ҳавоӣ оғоз мегарданд
Тоҷикистон ва Иттиҳоди Аврупо ҳамкориро дар соҳаи энергетика ва захираҳои об тақвият медиҳанд
Сарвазири мамлакат Қоҳир Расулзода дар ноҳияи Кӯшониён бо ҷараёни корҳои созандагӣ ва хоҷагидорӣ шинос шуд
Сиёсати Тоҷикистон дар самти идоракунии ҳамгироёнаи захираҳои об дар Шветсия муаррифӣ карда шуд
Бонки аврупоии таҷдид ва рушд барои таҷдиди низоми нақлиёти шаҳри Душанбе маблағ ҷудо менамояд
Дар Минтақаи озоди иқтисодии «Данғара» татбиқи лоиҳаҳои муштарак бо сармоягузорони Чин баррасӣ карда шуд
Дар Неругоҳи барқи обии «Роғун» роботи махсуси кафшерӣ ба истифода дода шуд
Роҳҳои афзоиш додани ҳаҷми истеҳсол ва коркарди нахи пахта дар Тоҷикистон баррасӣ гардид
Дар Чин масъалаи вазъи заминҳои шӯр ва ишқордор баррасӣ шуд
Ангури хуштаъми Тоҷикистон дар бозорҳои шаҳри Самара ба фурӯш гузошта шудааст