ХИЗМАТ БА ВАТАН-НИШОНАИ ВАТАНДӮСТӢ. Дар Бӯстон оид ба омӯзиши Қонун «Дар бораи уҳдадории ҳарбӣ ва хизмати ҳарбӣ» ҳамоиш доир шуд
ДУШАНБЕ, 21.07.2023. /АМИТ «Ховар»/. Дар шаҳри Бӯстони вилояти Суғд оид ба омӯзиши Қонун «Дар бораи уҳдадории ҳарбӣ ва хизмати ҳарбӣ» ҳамоиш доир гардид. Дар ин хусус АМИТ «Ховар» бо истинод ба Мақомоти иҷроияи ҳокимияти давлатии шаҳри Бӯстон хабар медиҳад.
Дар ҳамоиш гуфта шуд, ки дар асоси Конститутсияи Ҷумҳурии Тоҷикистон ҳифзи Ватан, ҳимояи манфиати давлат, таҳкими истиқлолият, амният ва иқтидори мудофиавии он вазифаи муқаддаси шаҳрванд аст. Бо такя ба ин меъёри Конститутсияи Ҷумҳурии Тоҷикистон ҷавонони ҷасуру матинирода бо азму иродаи устувор, неруву ҷасорат ва мардонагӣ ба сафҳои Қувваҳои Мусаллаҳи мамлакат пайваста, сарбаландона марзу буми Ватани аҷдодиро муҳофизат менамоянд.
Ҳамзамон дар ҳамоиш доир ба баргузории омӯзиши пеш аз даъватӣ ва омода намудани шаҳрвандони соли таваллудашон 1996-2005 ба хизмати ҳарбӣ дар даъвати тирамоҳии соли 2023 сухан гуфта шуд.
Оид ба ҷараёни омӯзиши пешаздаъватии ҷавонписарон тазаккур дода шуд, ки имрӯзҳо дар сафи Қувваҳои Мусаллаҳи Ҷумҳурии Тоҷикистон бо дастгирии бевоситаи Президенти Ҷумҳурии Тоҷикистон муҳтарам Эмомалӣ Раҳмон шароити мусоид фароҳам оварда шуда, сарбозону афсарон бо азму иродаи устувор хизмати Ватан-Модарро адо намуда истодаанд.
Бо мақсади ба ғамхории давлатӣ фаро гирифтани ҷавонони синни даъватӣ бо дастгирии мақомоти иҷроияи ҳокимияти давлатии шаҳр дар заминаи Ташкилоти ҷамъиятии мададгори мудофиа дар шаҳри Бӯстон даврҳои кӯтоҳмуддати омӯзиши ронандагӣ амал менамоянд, ки ҷавонон метавонанд дар он ройгон таълим гирифта, пас аз хатм соҳиби шаҳодатномаи ронандагӣ шуда, ба сафи Қувваҳои Мусаллаҳи мамлакат ҷалб гарданд.
АКС: Мақомоти иҷроияи ҳокимияти давлатии шаҳри Бӯстон
Судяҳои Суди Олии Тоҷикистон дар форуми байналмилалӣ иштирок намуданд
Ҳайати Тоҷикистон дар ҷаласаи раисони судҳои олии давлатҳои аъзои Созмони ҳамкории Шанхай иштирок намуд
Оид ба татбиқи барномаҳои давлатии Тоҷикистон дар пешгирии экстремизм ва терроризм конфронси ҷумҳуриявӣ доир шуд
Дар Душанбе оид ба истифодаи технологияҳои ҳастаӣ ва бехатарии радиатсионӣ конференсияи байналмилалӣ доир шуд
Тоҷикистон ва Эрон нақша доранд ҳамкориро дар самти мубориза бо ҷинояткории муташаккили фаромиллӣ густариш диҳанд
Байни Тоҷикистон ва Қирғизистон оид ба рафъи ҳолатҳои фавқулода Ёддошти тафоҳум ба имзо расид
Дар Душанбе масъалаи арзёбии фаврӣ ва ҳамоҳангсозии ҳолатҳои фавқулода баррасӣ гардид
Вохӯрии дуюми котибони шуроҳои амнияти давлатҳои Осиёи Марказӣ дар Самарқанд баргузор шуд
Бо истифода аз барномаи «Нозири минтақавии ман» шаҳрвандон метавонанд нозири минтақавии худро шиносанд
ПУРСИДЕД, ҶАВОБ МЕДИҲЕМ. Киҳо хуқуқи дар сафи Қувваҳои Мусаллаҳи Ҷумҳурии Тоҷикистон хизмат карданро доранд?
Дар шаҳри Бӯстон нақшаи даъвати баҳорӣ ба сафи Қувваҳои Мусаллаҳ иҷро гардид
Дар Тоҷикистон нақшаи даъвати баҳорӣ ба сафи Артиши миллӣ беш аз 80 фоиз иҷро шуд
