Ҳайати Тоҷикистон дар Ассамблеяи ҳафтуми Фонди глобалии экологӣ дар Канада иштирок дорад

ДУШАНБЕ, 24.08.2023 /АМИТ «Ховар»/. Дар шаҳри Ванкувери Канада Ассамблеяи ҳафтум ва вохӯриҳои ба он алоқаманди Фонди глобалии экологӣ оғоз гардид, ки дар он ҳайати Тоҷикистон таҳти роҳбарии Раиси Кумитаи ҳифзи муҳити зисти назди Ҳукумати Ҷумҳурии Тоҷикистон Баҳодур Шерализода иштирок дорад.

АМИТ «Ховар» бо истинод ба Кумитаи ҳифзи муҳити зисти назди Ҳукумати ҷумҳурӣ иттилоъ медиҳад, ки Ассамблеяи Фонди глобалии экологӣ дар чор сол як маротиба баргузор гардида, яке аз масъалаҳои асосии рӯзномаи Ассамблеяи мазкур оғози фаъолияти Фонди глобалии чаҳорчӯби биогуногунӣ (GBFF) мебошад. Он барои сармоягузорӣ ба соҳаи экологияи кишварҳои дар ҳоли рушд мусоидат менамояд.

Дар доираи Ассамблеяи 7-уми Фонди глобалии экологӣ вохӯриҳои Раиси Кумитаи ҳифзи муҳити зисти назди Ҳукумати ҷумҳурӣ бо роҳбарони ташкилоти байналмилалӣ ва вазирони ҳифзи муҳити зисти давлатҳо дар назар аст.

АКС: Кумитаи ҳифзи муҳити зисти назди Ҳукумати Ҷумҳурии Тоҷикистон