БА ИФТИХОРИ ҶАШНИ 32-СОЛАГИИ ИСТИҚЛОЛИЯТИ ДАВЛАТӢ. Дар ноҳияи Тоҷикобод бинои шуъбаи сироятӣ ба истифода дода шуд
ТОҶИКОБОД, 11.09.2023 /АМИТ «Ховар»/. Ба ифтихори ҷашни 32- солагии Истиқлолияти давлатии Ҷумҳурии Тоҷикистон дар ноҳияи Тоҷикобод бинои нави шуъбаи бемориҳои сироятии Беморхонаи марказии ноҳия мавриди баҳрабардорӣ қарор дода шуд. Дар ин хусус мухбири минтақавии АМИТ «Ховар» Субҳониддини Маҳмуд хабар медиҳад.
Дар маросими ифтитоҳи муассисаи замонавӣ Сафири Фавқулода ва Мухтори Ҷопон дар Ҷумҳурии Тоҷикистон Тошихиро Аики ва Раиси ноҳияи Тоҷикобод Қадриддин Фақерзода сухан гуфтанд.
Шуъбаи бемориҳои сироятӣ бо маблағгузории давлати Ҷопон бунёд гардида, дорои 13 ҳуҷраи муолиҷавӣ, ҳуҷраҳои корӣ ва 25 кати хоб мебошад. Ҳамзамон шуъбаи мазкур бо дастгоҳу таҷҳизоти замонавии Кардиоманитор, Пирометр, Дастгоҳи нафасдиҳии сунъӣ, Луобкашак, Оксигенератор, Ларингоскоп, Пулсоксиметр ва ЭКГ таъмин шудааст.
Хушбахтона, дар доираи таҷдиди шуъбаи мазкур дар беморхона коргоҳи истеҳсоли оксигени тиббӣ насб гардида, хати таъмини кислород муҳайё шуд. Дар беморхона дастрасӣ ба хати кислород умуман мавҷуд набуд ва ҳангоми зарурат он ҳатман аз дигар шаҳру навоҳии ҷумҳурӣ дастрас мегардид. Дар айни замон шуъбаи нави бемориҳои сироятии ноҳия пурра бо хати кислород пайваст мебошад.
Дар шуъбаи мазкур барои ташхису табобат ва баланд бардоштани сатҳу сифати хизматрасонии тиббӣ ба аҳолӣ шароиту имконияти зарурӣ фароҳам оварда шудааст. Шуъбаи бемориҳои сироятӣ ҷиҳати пешгирӣ ва ҳифзи солимии сокинон аз бемориҳои гуногуни сироятӣ, бунёд гардидааст.
Табибону ҳамшираҳои шафқати беморхонаи марказии ноҳияи Тоҷикобод ҷиҳати муҳаё намудани тамоми шароити зарурии корӣ дар шуъбаи бемориҳои сироятӣ миннатдории хешро иброз наамуда, ваъда доданд, ки дастгоҳу воситаҳои муосири тиббиро босамар истифода намуда, ба беморон бо муомилаи хубу дар сатҳи баланд хизмати тиббӣ мерасонанд.
Тибқи иттилои сармеъмори ноҳияи Тоҷикобод Зулфиқор Гадоев, дар ноҳияи Тоҷикобод ба ифтихори ҷашни 32-солагии Истиқлолияти давлатӣ дар деҳаи Шарқиёни Ҷамоати деҳоти Нушор хатти оби нушокӣ ва дар деҳаи Саринайи Ҷамоати деҳоти Ширинчашмаи ноҳия бунгоҳи тиббӣ ба истифода дода мешавад.
Ҳамчунин бахшида ба ҷашни 35-солагии Истиқлолияти давлатӣ дар ноҳияи Тоҷикобод бунёди 101 иншооти таъйиноти гуногун ба нақша гирифта шудааст, ки аз он то имрӯз 25 иншооти гуногун сохта ба истифода дода шуд. Ҳоло дар 40 иншоот корҳои сохтмонӣ ва дар иншооти боқимонда корҳои лоиҳакашию шаҳодатномакунонӣ идома доранд.
АКС: АМИТ «Ховар»
Пешвои миллат Эмомалӣ Раҳмон ба таври фосилавӣ 4 корхонаи саноатӣ дар шаҳри Хуҷанд, 1 хатти тақсимоти оби нӯшокӣ ва 2 хатти оби полезӣ дар ноҳияи Кӯҳистони Мастчоҳро мавриди баҳрабардорӣ қарор доданд
Меъёрҳои муқарраргардидаи ҳарорати гармӣ дар баъзе биноҳои баландошёнаи шаҳри Душанбе риоя намегардад
35-СОЛАГИИ ИСТИҚЛОЛИ ДАВЛАТӢ. Роҳҳои маҳаллӣ ва ҷумҳуриявии шаҳри Турсунзода мумфарш ва бетонпӯш карда шуданд
Сарвари давлат Эмомалӣ Раҳмон дар шаҳри Хуҷанд бинои нави маъмурии Минтақаи озоди иқтисодии Суғдро мавриди баҳрабардорӣ қарор доданд
Президенти Ҷумҳурии Тоҷикистон Эмомалӣ Раҳмон дар шаҳри Хуҷанд корхонаи коркард ва бандубасти меваи хушки ҶДММ «Донаи алмос»- ро мавриди баҳрабардорӣ қарор доданд
Пешвои миллат Эмомалӣ Раҳмон дар шаҳри Хуҷанд ба фаъолияти корхонаи истеҳсоли маҳсулоти ширии «Комплекси агросанотии Саховат» оғози расмӣ бахшиданд
Сарвари давлат Эмомалӣ Раҳмон Муассисаи томактабии хусусии «Кӯдакистони Арча»- ро ба истифода доданд
Президенти Ҷумҳурии Тоҷикистон Эмомалӣ Раҳмон дар шаҳри Хуҷанд Муассисаи таҳсилоти томактабии «Аркон»- ро мавриди истифода қарор доданд
Пешвои миллат Эмомалӣ Раҳмон дар шаҳри Хуҷанд Беморхонаи клиникии рақами 1 ва ба таври фосилавӣ ду маркази саломатиро дар ноҳияи Кӯҳистони Мастчоҳ ифтитоҳ намуданд
Сарвари давлат Эмомалӣ Раҳмон дар шаҳри Хуҷанд Маркази клиникавии эндокринологии вилояти Суғдро ифтитоҳ намуданд
Президенти Ҷумҳурии Тоҷикистон Эмомалӣ Раҳмон дар шаҳри Хуҷанд бинои нави Маркази саратоншиносии вилояти Суғдро мавриди истифода қарор доданд
