БАРАКАТИ «ДУОИ МОДАР». Дар Қасри Арбоб ҷамъбасти озмуни навбатии рӯзномаи «Ҷумҳурият» доир шуд
ДУШАНБЕ, 29.09.2023. /АМИТ «Ховар»/. Дар Қасри Арбоби вилояти Суғд ҷамъбасти озмуни навбатии рӯзномаи «Ҷумҳурият» дар ҳамкорӣ бо Мақомоти иҷроияи ҳокимияти давлатии вилояти Суғд-«Дуои модар» баргузор гардид. Шоири халқии Тоҷикистон, ходими адабии АМИТ «Ховар» Камол Насрулло таассуроти хешро аз ҷараёни озмун баён доштааст.
-«Дуои модар» сенздаҳумин озмуни рӯзномаи «Ҷумҳурият» буд, ки тайи солҳои охир амалӣ гардид. Ман қариб дар тамоми ин озмунҳо иштирок дошта, шоҳиди бунёдгузории онҳо будаам. Танҳо дар ҳамкорӣ бо Мақомоти иҷроияи ҳокимияти давлатии вилояти Суғд солҳои охир озмунҳо бахшида ба Рӯзи забони давлатӣ ва бузургдошти устод Айнӣ дар ноҳияи Айнӣ, бахшида ба бузургдошти Бобоҷон Ғафуров дар ноҳияи Ғафуров, бахшида ба шеъри кӯдакон дар Хуҷанди бостон, бахшида ба рушди сайёҳӣ ва ҳунарҳои мардумӣ дар шаҳри Панҷакент, яъне чаҳор озмун гузаронида шуданд, ки ҳар яке ҷойгоҳи хоссаи худро дошта, саҳми бузурге дар худшиносии миллӣ, пажуҳишу инъикоси мавзуъҳои интихобшуда ва умуман ғанӣ гардонидани маънавиёти миллат гузоштаанд.
Озмуни «Дуои модар» панҷумин озмуне аст, ки рӯзномаи «Ҷумҳурият» дар ҳамкорӣ бо Мақомоти давлатии вилояти Суғд гузаронид.
Тантанаи ҷамъбасти озмуни «Дуои модар» аз зиёрат ва гулгузорӣ дар пояи муҷассамаи ҳамноми озмуни «Дуои модар», ки дар даромадгоҳи Фурудгоҳи байналмилалии Хуҷанд қомат афрохтааст, шуруъ гардид. Бояд гуфт, ки ин муҷассамаи зебову мафтункунанда ва аз назари ҳунариву маънавӣ хеле шоиста дар асл симои модари бузургвореро таҷассум намудааст, ки Қаҳрамони Тоҷикистон, Пешвои миллат муҳтарам Эмомалӣ Раҳмонро ба миллати мо додааст. Муҷассама аз падидаҳои тозатарини ҳунармандони мо мебошад, ки дар сатҳи баланди эҷодӣ бо баёни шукуҳу бузургии модар дар ҳолаи суннатҳои миллӣ падидор гардидааст.
Як падидаи ҷолиб дар ин озмун соҳиби ҷоизаҳо ва ҷойҳои дуюм гардидани ду нафар меҳмонони муътабар: олиму адиб ва як нафар рӯзноманигори варзидаи рӯзномаи «Овози тоҷик» аз Узбекистони бародар мебошад.
Банда, ки дар ҷамъбасти ин ҳама озмунҳои «Ҷумҳурият» иштирок доштаам, ба назарам чунин намуд, ки озмуни «Дуои модар» бо шукуҳу маҳбубияти бештар рӯи кор омад. Воқеан «Дуои модар» ба иштирокчиён ва ҳама алоқамандони озмун болу пари дигар бахшид. Дар Қасри Арбоб низ ин озмун хеле зебову ҳунармандона ва бо дурахшҳои хоссаи эҷодиву ҳунарӣ баргузор гардид, ки гувоҳи файзу баракати воқеии дуои модарон аст.
АКС аз манбаъҳои боз
«ТОҶИКИСТОН-ВАТАНИ АЗИЗИ МАН». Ба даври сеюми ин озмуни ҷумҳуриявӣ 525 довталаб роҳхат гирифт
Бахшида ба 100-солагии адабиётшиноси маъруфи тоҷик Соҳиб Табаров ҳамоишу маҳфилҳои илмӣ-адабӣ доир мешаванд
Донишкадаи умумирусиягии кинематографияи ба номи Сергей Герасимови шаҳри Москва қабули довталабонро эълон намуд
«Нурворизм» ва «Танворизм» -«Ду равияи як рассом». Дар Осорхонаи миллӣ намоиши асарҳои рассом Зокир Собиров ифтитоҳ гардид
Коллеҷи хореографӣ ба номи Малика Собирова дар соли нави хониш ба истифода дода мешавад
«ТОҶИКОНА МЕПӮШЕМ». Ҳадафи ин иқдом тарғиби либоси миллӣ ва ҷалби тарроҳон ба муосиргардонии он мебошад
«САҲМИ ИБНИ СИНО ДАР ТАШАККУЛИ ТИББИ ҚАДИМ ВА МУОСИР: ОСОРИ ИЛМӢ, ТАҶРИБА ВА НАЗАРИЯ». Таҳти ин унвон дар Русия озмуни мақолаи беҳтарин эълон гардид
Филми «Дар талоши ҳақиқат» аввалин маротиба дар синамоҷашнвораи «Дебют»-и Амрико иштирок мекунад
Агентии миллии иттилоотии Тоҷикистон «Ховар» ҳамкориро бо рӯзномаи «Жэнмин Жибао»-и Чин тақвият мебахшад
Байни Агентии миллии иттилоотии Тоҷикистон «Ховар» ва Медиакорпоратсияи «CMG»-и Чин Ёддошти тафоҳуми ҳамкорӣ ба имзо расид
«ҲУНАР ОМӮЗ…». Дар ин озмун беҳтарин даврии чакан ба намоиш гузошта шуд
Меҳмонон аз Ҷумҳурии Мардумии Чин Осорхонаи миллии Тоҷикистонро тамошо карданд
