Дар Душанбе бо иштироки 3000 нафар «Дави дӯстӣ» баргузор шуд

Сентябрь 11, 2023 12:00

ДУШАНБЕ, 11.09.2023 /АМИТ «Ховар»/. 10 сентябри соли равон дар шаҳри Душанбе  «Дави дӯстӣ»  баргузор гардид. Ин чорабинии варзишӣ бо мақсади таъмини иҷрои дастуру супоришҳои Президенти мамлакат  муҳтарам Эмомалӣ Раҳмон ва дар асоси қарори Раиси шаҳри Душанбе аз 7 сентябри соли 2023 ҷиҳати оммавигардонии варзиш, таъмини тарзи ҳаёти солим дар доираи баргузории  Вохӯрии панҷуми машваратии сарони давлдатҳои Осиёи Марказӣ ва ҷаласаи навбатии шӯрои сарони давлатҳои муассиси Фонди байналмилалии наҷоти Арал доир шуд. Дар ин хусус ба шореҳи варзиши АМИТ «Ховар» дар Кумитаи кор бо ҷавонон ва варзиши назди Ҳукумати Ҷумҳурии Тоҷикистон хабар доданд.

Дар мусобиқаи мазкур муовини Сарвазири Ҷумҳурии Тоҷикистон Матлубахон Сатториён, Раиси Кумитаи кор бо ҷавонон ва варзиши назди Ҳукумати Ҷумҳурии Тоҷикистон Абдулло,Раҳмонзода муовини Раиси шаҳри Душанбе Дилбар Одилзода ва дигар ҳайати роҳбарияту кормандони Дастгоҳи иҷроияи Президенти Ҷумҳурии Тоҷикистон, вазорату идораҳо, сохторҳои дастгоҳи Раиси шаҳри Душанбе, Мақомоти иҷроияи ҳокимияти давлатии шаҳри Душанбе ва ноҳияҳои он,  инчунин устодону донишҷӯёни донишгоҳу донишкадаҳо ва коллеҷу омӯзишгоҳҳои ҳудуди пойтахт  дар ҳайати беш аз 3000 нафар иштирок намуданд.

Қобили тазаккур аст, ки дар маросими ифтитоҳи раисмии «Дави дӯстӣ» муовини Сарвазири Ҷумҳурии Тоҷикистон ва муовини Раиси шаҳри Душанбе  ҳозиринро ба таҷлили ҷашни бошукуҳи миллӣ- 32-солагии Истиқлолияти давлатии Ҷумҳурии Тоҷикистон табрику муборак намуданд.

Хотиррасон мешавем, ки мусобиқа бо Суруди миллии Ҷумҳурии Тоҷикистон оғоз гардида, дар масофаи 4 км- аз назди дарвозаи Муассисаи давлатии «Наврӯзгоҳ»-и шаҳри Душанбе то гардиши «Товус» идома ёфта,  тавассути шоҳроҳи хиёбони Ҳофизи Шерозӣ иштирокдорон байни ҳам рақобат намуданд.

Дар фарҷоми мусобиқа  ба 100 нафари аввал, ки пеш аз ҳама ба хати марра расиданд аз ҷониби Кумитаи кор бо ҷавонон ва варзиши назди Ҳукумати Ҷумҳурии Тоҷикистон бо сертификат қадрдонӣ карда шуданд.

Бояд гуфт, ки  дар охир ба 100 нафар иштирокчие, ки аввалин шуда марраро фатҳ намуданд аз ҷониби Кумитаи тадорукот «Сипоснома»-ҳо тақдим карда шуд.

АКС аз манбаъҳои боз

Сентябрь 11, 2023 12:00

Хабарҳои дигари ин бахш

Варзишгар аз Амрико Каролина Глейш: «Ба дӯстону ҳамкоронам дар бораи табиати нотакрори Тоҷикистон нақл хоҳам кард»
ФУТБОЛ. Дастаи наврасони то 16-солаи Тоҷикистон ғолиби Чемпионати CAFA-2025 гардид
Маҳмуд Амонзода Президенти Кумитаи паролимпии Тоҷикистон интихоб гардид
Дар Нуробод бахшида ба Рӯзи ҷаҳонии футбол фестивали футбол баргузор гардид
Дар Донишкадаи тарбияи ҷисмонӣ мусобиқаҳои варзишӣ ҷамъбаст гардиданд
Дастаи мунтахаби Тоҷикистон оид ба футбол дар Қатар ба тамрин шуруъ намуд
ЧЕМПИОНАТ CAFA-2025. Дастаи наврасони Тоҷикистон мунтахаби Туркманистонро мағлуб кард
Бахшида ба Рӯзи ҷаҳонии футбол мусобиқаи футболи хурд байни муассисаҳои таҳсилоти ибтидоӣ ва миёнаи касбӣ ҷамъбаст шуд
Дар Литсей барои хонандагони болаёқат дар шаҳри Душанбе Фестивали идонаи футбол доир гардид
Бахшида ба Рӯзи ҷаҳонии футбол дар ноҳияи Абдураҳмони Ҷомӣ мусобиқаи футбол баргузор гардид
Сарвари давлат: «Футбол дар Тоҷикистон рамзи ваҳдат ва ифтихори миллӣ мебошад»
Президенти Тоҷикистон: «Барномаҳои давлатии рушди футбол барои оммавӣ гардонидани ин намуди варзиш ва инфрасохтор заминаи мусоид мебошанд»