Муовини Сарвазири Тоҷикистон Усмоналӣ Усмонзода ба кашшофи асрори замин мукофоти давлатӣ супорид
ДУШАНБЕ, 06.09.2023 /АМИТ «Ховар»/. 5 сентябр, дар арафаи ҷашни 32-солагии Истиқлолияти давлатии Ҷумҳурии Тоҷикистон аз номи Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон сардори Корхонаи воҳиди «Экспедитсияи ҷустуҷӯию аксбардории геологӣ»-и Саридораи геологияи назди Ҳукумати Ҷумҳурии Тоҷикистон Беҳрӯз Шарифов барои фаъолияти пурсамари меҳнатӣ бо мукофоти давлатии Ҷумҳурии Тоҷикистон— медали «Хизмати шоиста» сарфароз гардонида шуд.
Тавре сардори маркази матбуоти Саридораи геология Мавҷуда Анварӣ ба АМИТ «Ховар» иттилоъ дод, дар маросими тантанавии супоридани мукофоти давлатӣ муовини Сарвазири Тоҷикистон Усмоналӣ Усмонзода, роҳбарияти Саридораи геологияи назди Ҳукумати Ҷумҳурии Тоҷикистон ва кормандони Саридора иштирок намуданд.
Муовини Сарвазири мамлакат Усмоналӣ Усмонзода кормандони Саридораи геологияро ба муносибати 32-солагии Истиқлолияти давлатии Ҷумҳурии Тоҷикистон муборакбод гуфта, ин қадршиносиҳои Президенти мамлакат муҳтарам Эмомалӣ Раҳмонро чун подоши хизмати содиқонаи онҳо ба давлати соҳибистиқлоли тоҷикон маънидод намуд.
Иброз гардид, ки Истиқлолияти давлатӣ дар таърихи сиёсии муосири миллати тоҷик дастоварди бузург маҳсуб мешавад. Аз ин рӯ, ҳифзи ин дастоварди муқаддас вазифа ва рисолати халқи шарифи Тоҷикистон, аҳли зиё ва тамоми шаҳрвандони баору номуси Ватан мебошад.
Ёдовар мешавем, ки соли гузашта низ дар арафаи 31-солагии Истиқлолияти давлатӣ як гурӯҳ кормандони соҳаи геология бо мукофоти давлатӣ сарфароз гардида буданд.
АКС: АМИТ «Ховар»
Дар Душанбе масъалаи таъмини бехатарии авиатсионии авиатсияи гражданӣ дар фурудгоҳҳои Тоҷикистон баррасӣ гардид
Дар Намоишгоҳи байналмилалии «KIWIE – 2025» занони тоҷик сазовори 10 медал гардиданд
Президенти Ҷумҳурии Тоҷикистон Эмомалӣ Раҳмон бо рафти сохтмони роҳи мошингард аз дарвозаи Ғарбӣ то маҳаллаи Чортути шаҳри Душанбе шинос шуданд
Дар Душанбе Маркази фанноварии Эрону Тоҷикистон таъсис дода мешавад
Зимбабве таҷрибаи Тоҷикистонро дар самти истифодаи манбаъҳои барқароршавандаи энергия истифода менамояд
Сарвари давлат Эмомалӣ Раҳмон бо корҳои сохтмонӣ дар Варзишгоҳи миллии Тоҷикистон дар шаҳри Душанбе шинос шуданд
Пешвои миллат Эмомалӣ Раҳмон дар ноҳияи Синои шаҳри Душанбе бо корҳои сохтмонӣ дар Чойхонаи миллӣ шинос шуданд
Байни Тоҷикистон ва Арабистони Саудӣ ҳамкорӣ дар истифодаи устувори захираҳои об тақвият меёбад
Иштирокдорони Конфронси байналмилалии сатҳи баланд оид ба ҳифзи пиряхҳо тавассути VR айнакҳо пиряхҳои Тоҷикистон ва ҷаҳонро тамошо намуданд
Дар Рашт ҷаласаи комиссияи корӣ оид ба истифодаи неруи барқ доир гардид
Соҳибкорзан Зарринаи Сафаралӣ: «Дастрасӣ ба гранти президентӣ омили пешрафти соҳибкории занон аст»
Дар Душанбе роҳҳои нави ҳамкории иқтисодӣ байни Тоҷикистон ва Вилояти Мухтори Синзян-Уйғури Чин баррасӣ гардиданд
