Ҳамкории Академияи идоракунии давлатии Тоҷикистон бо муассисаҳои таҳсилоти олии Арабистони Саудӣ таҳким меёбад
ДУШАНБЕ, 02.11.2023 /АМИТ «Ховар»/. 1 ноябр дар мулоқоти ректори Академияи идоракунии давлатии назди Президенти Ҷумҳурии Тоҷикистон Абдухалил Ғафурзода бо Сафири Шоҳигарии Арабистони Саудӣ дар Ҷумҳурии Тоҷикистон Валид ибни Абдурраҳмон Ар-Решайдон имконияту шароит ва захираҳои ташаккули робитаҳои илмӣ, таълимӣ, эҷодӣ ва омӯзишии Академия бо муассисаҳои таҳсилоти олии Арабистони Саудӣ баррасӣ гардиданд. Дар ин хусус ба АМИТ «Ховар» дар Академияи идоракунии давлатӣ хабар доданд.
Дар мулоқот ҷонибҳо оид ба ташаккули ҳамкорӣ дар соҳаҳои илму маориф ва тайёркунии касбии хизматчиёни давлатӣ табодули афкор намуданд.
Ҳамсуҳбатон ҷиҳати гузаронидани чорабиниҳои муштарак, аз қабили симпозиумҳо, тренингҳо, даврҳои такмили ихтисос, ки мувофиқи манфиатҳои дуҷониба мебошанд, ба мувофиқа расиданд. Ҳамзамон бо мақсади тақвият додани омӯзиши забони арабӣ, дастгирии барномаҳои омӯзишии он, вусъат додани ҳамкории маданию гуманитарӣ байни Тоҷикистону Шоҳигарии Арабистони Саудӣ имконияти бунёди Маркази омӯзиши забони арабӣ дар заминаи Академияи идоракунии давлатӣ мавриди муҳокима қарор дода шуд. Ҳамчунин ҷонибҳо вобаста ба кӯшиши якҷоя дар самти мубориза бар зидди терроризм ва экстремизм ва дигар масъалаҳои мавриди таваҷҷуҳ табодули афкор намуданд.
Пас аз анҷоми вохӯрӣ сафир бо Маркази омӯзиши «Мактаби давлатдории Эмомалӣ Раҳмон», Маркази омӯзишӣ ва дастгирии занони роҳбарикунанда ва болаёқат ва Маркази дӯстӣ ва ҳамкории Созмони ҳамкории Шанхай дар Тоҷикистон шинос шуда, ба имконияту шароити барои донишҷӯёну магистрантон ва кормандон ба вуҷуд оварда баҳои баланд дод.
АКС: Академияи идоракунии давлатии назди Президенти Ҷумҳурии Тоҷикистон
ИЛМУ МАОРИФ БА ОЯНДАИ БОСАОДАТИ ДАВЛАТУ МИЛЛАТ ТАВЪАМ АСТ. Андешаҳо дар ҳошияи Паёми Президенти Тоҷикистон ба Маҷлиси Олӣ
Ҷаласаи гурӯҳи кории Озмуни ҷумҳуриявии «Илм – фурӯғи маърифат» баргузор шуд
Дар Душанбе дар нуҳ сол беш аз 54 мактаб ва 42 муассисаи томактабӣ сохта шудааст
Оид ба тамоюлҳои рушди психологияи муосир ва татбиқи он дар низоми таҳсилоти рақамӣ конференсияи байналмилалӣ доир шуд
«ИЛМ – ФУРӮҒИ МАЪРИФАТ». Барои баргузории ин озмуни ҷумҳуриявӣ зиёда аз 9 миллион сомонӣ ҷудо гардид
Дар Донишгоҳи давлатии молия ва иқтисоди Тоҷикистон бахшида ба Рӯзи байналмилалии ҳадяи китоб ҳамоиш доир гардид
Бахшида ба «Бистсолаи омӯзиш ва рушди фанҳои табиатшиносӣ, дақиқ ва риёзӣ дар соҳаи илму маориф» дар Душанбе конференсияи илмӣ доир шуд
Дар оянда дар маҳали Донишкадаи инноватсионии Душанбе шаҳраки донишҷӯён сохта мешавад
РУШДИ САНОАТИ ФАРМАТСЕВТИИ ВАТАНӢ. Дар Парки технологии Донишгоҳи миллии Тоҷикистон аз пӯсти меваи анор дору тайёр мекунанд
НИШАСТИ МАТБУОТӢ. Филиали Донишгоҳи энергетикии Москва дар шаҳри Душанбе соҳиби ду таҷҳизоти лабораторӣ аз фанни физика гардид
Байни Маркази барномаҳои байналмилалӣ ва King’s College London Ёддошти тафоҳум ба имзо расид
Дар Филиали Донишкадаи рушди менеҷменти Сингапур дар шаҳри Душанбе шумораи донишҷӯён меафзояд
